မြန်မာနိုင်ငံအမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(MWCDF)မှ ဥက္ကဋ္ဌ နှင့် အဖွဲ့ဝင်များသည်(၂၂.၁.၂၀၂၀)နေ့တွင် သာဝတ္ထိမြို့နယ်၊ စမတောင် မဟာပရဟိတ လူငယ်ဖွံ့ဖြိုးရေး ဥယျာဉ်သို့ရောက်ရှိပြီး ဆရာတော် ဘဒ္ဒန္တဉာဏိန္ဒအား ဖူးမျှော်ကန်တော့၍ အလှူငွေ၊ သင်္ကန်း၊ လှူဘွယ်ပစ္စည်းများကပ်လှူခြင်းနှင့် ကျောင်းတွင်ပြုစုစောင့်ရှောက်ထားသော မိဘမဲ့ကလေး(၉၁၉)ဦး ရှိပြီး (၃)နှစ်အရွယ် ရင်ခွင်ပိုက်ကလေး(၉၃)ဦးအတွက် လိုအပ်သော ဆေးဝါးများ၊ နို့မုန့်များ၊ စာရေး ကိရိယာများ၊ မုန့်မျိုးစုံများတို့အား လှူဒါန်းခဲ့ပါသည်။ စုစုပေါင်း လှူဒါန်းမှု -(၈၀၆,၂၅၀)ကျပ် လှူဒါန်း ခဲ့ပါသည်။
၎င်းနောက် ကျောင်းသား/သူများထမင်းစားဆောင်များ လှည့်လည်ကြည့်ရှု၍ အသင်းမှ ထိုကျောင်း တွင်ရှိသော ကလေးများအတွက် ကျန်းမာရေးနှင့် ပတ်သက်သော အသိပညာပေးဟောပြောပွဲများပြု လုပ်ပေးရန်နှင့် အာဟာရကျွေးမွေးလှူဒါန်းမည့် ကိစ္စတို့ကို ဆရာတော်ထံ လျှောက်ထားခဲ့ပါသည်။
