ကျန်းမာရေးကူညီဆောင်ရွက်မှု

ကျန်းမာရေးအနေဖြင့် အသင်းမှဆရာဝန်များ၊ အဖွဲ့ဝင်များထဲမှ ဆရာဝန်များဦးစီး၍ စောင့်ရှောက်မှုပေး ရန်လိုအပ်သောကျေးရွာများသို့ လက်တွေ့ကွင်းဆင်းကုသပေးခြင်း၊ ပရဟိတမိဘမဲ့ကျောင်းများသို့ ကျန်းမာရေး ဆေးစစ်ပေးခြင်း၊ ကုသပေးခြင်း၊ ကျန်းမာရေးပညာပေးဟောပြောပွဲများပြုလုပ်ပေးခြင်းအား တိုင်းနှင့်ပြည်နယ် အနှံ့ဆောင်ရွက်ပေးလျှက်ရှိပါသည်။

၎င်းအပြင်မသန်စွမ်းကျောင်းများ၊ မသန်စွမ်းသူများကိုပါ လစဉ်ကူညီ၍ ကျန်းမာရေးဆေးစစ်ပေးခြင်း၊ အာဟာရများထောက်ပံ့ခြင်းအားဆောင်ရွက်လျှက်ရှိပြီး ကျေးရွာများရှိသက်ကြီး ရွယ်အိုများကိုပါ ထောက်ပံ့ကူညီခဲ့ပါသည်။ အချို့ကျေးရွာများတွင် ပြည်သူကျန်းမာရေးဦးစီးဌာနမှဆရာဝန်များ၊ ကျန်းမာရေးဆရာ၊ ဆရာမများနှင့်ပူးပေါင်း၍ ကူညီစောင့်ရှောက်ပေးလျှက်ရှိပါသည်။ ကိုယ်ဝန်ဆောင်မိခင်များ နှင့်မွေးဖွားပြီးမိခင်များအားလည်းလစဉ်သွားရောက်ပြီး အာဟာရရှိ၍ဖွံ့ဖြိုးစေရန် အာဟာရကျွေးမွေးခြင်းနှင့် လိုအပ်သည်များ ကူညီစောင့်ရှောက်မှုပေးလျှက်ရှိပါသည်။
ကျေးရွာများတွင်နေထိုင်ကြသော တိုင်းရင်းသား/သူများသည် ကျန်းမာရေးဗဟုသုတနည်းပါးခြင်း၊ ဆေးကုသမှုအသိပညာဗဟုသုတမရှိခြင်း၊ ဆေးကုသရန်ငွေကြေးခက်ခဲခြင်းတို့ကြောင့် အသက်များစွာဆုံးရှုံးခဲ့ ကြရ၍ အသင်းအနေဖြင့် ကူညီဆောင်ရွက်လျှက်ရှိသောကျေးရွာများတွင် ကျန်းမာရေးစောင့်ရှောက်မှုများ၊ အသိပညာပေးဟောပြောမှုများပြုလုပ်ပေးလျှက်ရှိပြီး (ဘ.က)ကျောင်းများတွင် ကျန်းမာရေးအတွက်ရေလောင်း အိမ်သာများကိုပါကူညီလှူဒါန်းပေးခဲ့ပါသည်။

မွန်ပြည်နယ်

• ကျိုက်ထိုမြို့နယ်အတွင်းရှိ သဝေါသောကျေးရွာ၊ ကော်ကပ်ကျေးရွာ၊ ခမောက်ခွေကျေး ရွာများ၊

ပဲခူးတိုင်း

• ကျောက်ကြီးမြို့နယ်အတွင်းရှိကျေးရွာများ၊

နေပြည်တော်

• ဥတ္တရသီရိမြို့နယ်၊ မအူလေးပင် ကျေးရွာ၊
• တပ်ကုန်းမြို့နယ်အတွင်းရှိကျေးရွာများ၊
• MMCWAမှဖွင့်လှစ်သော မေတ္တာစမ်းရေဆေးခန်းရှိ ကိုယ်ဝန်ဆောင်မိခင်များ၊ မွေးဖွား မိခင်များအား အာဟာရကျွေးမွေးလှူဒါန်းခဲ့ပါသည်။

ဧရာဝတီတိုင်း

• ပုသိမ်မြို့နယ်၊ ဇလွန်မြို့နယ်၊ ရေကြည်မြို့ နယ်အတွင်းရှိကျေးရွာများသို့ ဆေးကုသရေး၊ ကျောင်းကျန်းမာရေးပညာပေး ဟောပြောဆွေးနွေးခြင်း
• သဘာဝရေဘေး၊ မီးဘေးကယ်ဆယ်ရေးများတွင်လည်း လိုအပ်သောဆေးဝါးများအား ပေးအပ်လှူဒါန်းခြင်း