Author: mwcdf

၂၉.၇.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(ဗဟို)မှ တွဲဖက်အတွင်းရေးမှူးနှင့် ဗဟိုအလုပ်အမှုဆောင်များသည် ဇမ္ဗူသီရိမြို့နယ်၊ Mandalay Paradise တော်ဝင်ခန်းမတွင် နေပြည်တော် အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ကျင်းပပြုလုပ်သော “ Psycho-Social Support ” စိတ်လူမှုဆက်ဆံ ရေးဆိုင်ရာ အထောက်အပံ့ပေးခြင်းခေါင်းစဉ်ဖြင့် ဆရာကြီး ဒေါက်တာ ဇော်စိန်လွင် (ကထိက/ စိတ်ရောဂါအထူးကု ဆရာဝန်ကြီး) ဟောပြောပွဲသို့  ဌာနဆိုင်ရာများမှ တာဝန်ရှိသူများ၊ နေပြည်တော် ညီနောင်အသင်းများမှ တာဝန်ရှိသူများ၊ နေပြည်တော် အမျိုးသမီးရေးရာအဖွဲ့ဝင်များ နှင့် မိခင်ကလေးအဖွဲ့ဝင်များ တက်ရောက်ခဲ့ကြသည်။

၂၉.၇.၂၀၂၅ ရက်နေ့တွင် မွန်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌသည် မော်လမြိုင်မြို့ ၊ လူမှုဝန်ထမ်းဦးစီးဌာန၌ ကျင်းပပြုလုပ်သော မွန်ပြည်နယ် အမျိုးသမီးကော်မတီလုပ်ငန်းညှိနှိုင်းအစည်းအဝေးပွဲသို့ တက်ရောက်ခဲ့ပါသည်။

၂၈.၇.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေး အသင်းရုံးချုပ်၌ အသင်း၏ (၁၂) နှစ်မြောက်နှစ်ပတ်လည် အခမ်းအနားအား online zoom meeting ဖြင့် ကျင်းပပြုလုပ်ရာ အသင်းမှ ဥက္ကဌ၊ ဒုဥက္ကဌ၊ အတွင်းရေးမှူး၊ ဗဟိုအလုပ်အမှုဆောင်များနှင့် တိုင်းဒေသကြီး/ ပြည်နယ်အသီးသီးမှ ဥက္ကဌ၊ ဒုဥက္ကဋ္ဌနှင့် အတွင်းရေးမှူးတို့ တက်ရောက်ဆွေးနွေးကြပါသည်။