Myanmar Women and Children Development Foundation
၂၈.၄.၂၀၂၅ ရက်နေ့တွင် ရန်ကုန်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အမှုဆောင်များသည် နေပြည်တော်ဘူတာကြီးရှိငလျင်ဘေးသင့် မီးရထားဝန်ထမ်းမိသားစုများ (ကျား) ၈၉ ဦး၊ (မ) ၇၈ ဦးတို့အားဘီစကစ်မုန့်၊ အဝတ်အထည်များနှင့် အသုံးအဆောင်ပစ္စည်းများ လှူဒါန်းခဲ့ပါသည်။ လှူဒါန်းငွေ ၆၀၀,၀၀၀/-ကျပ်ဖြစ်ပါသည်။
၂၇.၄.၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အ.ထ.က(၁၂)ကျောင်းတွင် ဖွင့်လှစ်သင်ကြားနေသော နွေရာသီအင်္ဂလိပ်စာ(4-Skill) Pre-Intermediate level သင်တန်းရှိ သင်တန်းသား/သူများအား အသင်းဗဟိုအလုပ်အမှုဆောင် ဒေါက်တာကြူကြူအေးက ငလျင်ဒဏ်ခံစားဖူးတဲ့ ကလေးငယ်များကို ငလျင်လှုပ်ချိန်တွင် ဘယ်လိုနေထိုင်ခဲ့သလဲအမေးအဖြေပြုလုပ်ခဲ့ပြီး ထပ်မံ၍ငလျင်လှုပ်ပါက ငလျင်လှုပ်စဉ် ဘယ်လိုနေထိုင်ရမလဲဆိုသည့် ပညာပေး program ဝပ်… ကာ…ကိုင်…နည်း၊ Life triangle နည်းများကို သင်ကြားပို့ချပေးခဲ့ပါသည်။ သင်တန်းသား/သူများ အာဟာရရှိစေရေးအတွက် အသင်း ဒုဥက္ကဋ္ဌနှင့် ဗဟိုအလုပ်အမှုဆောင်များက ဘီစကစ်မုန့်များ၊ ကိတ်မုန့်အစုံနှင့် အအေးများတိုက်ကျွေးခြင်း အာဟာရကုသိုလ်ပြုခဲ့ကြပါသည်။ လှူဒါန်းငွေ ၂၂၀,၀၀၀/-ကျပ်ဖြစ်ပါသည်။
၂၃.၄.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အသင်းဝဝ် ၃ ဦးသည် ပဲခူးတိုင်း၊ လူမှု၀န်ထမ်းဦးစီးဌာနက ဖွင့်လှစ်သော ပန်းစည်း၊ သတို့သမီးလက်ကိုင် ပန်းစည်းပန်းထိုးနည်း (၃)ရက်သင်တန်းကို ၂၃.၄.၂၀၂၅ ရက်နေ့မှ ၂၅.၄.၂၀၂၅ ရက်နေ့အထိ တက်ရောက်ခဲ့ပါသည်။
၂၂.၄.၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အမှုဆောင်များသည် နေပြည်တော်ရုံးအမှတ်(၃၂)၊ စီမံကိန်းနှင့် ဘဏ္ဍာရေးဝန်ကြီးဌာန ယာယီကယ်ဆယ်ရေးစခန်းရှိ ငလျင်ဘေးဒဏ်သင့်ဝန်ထမ်းမိသားစုများ(ကျား) ၈၇ ဦး၊ (မ) ၅၆ ဦးအား ဒေသထွက်စားသောက်ကုန်များ သွားရောက်လှူဒါန်းခဲ့ပါသည်။ လှူဒါန်းငွေ ၄၅၀,၀၀၀/-ကျပ်ဖြစ်ပါသည်။
၁၁.၄.၂၅ ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အဖွဲ့ဝင်များသည် ငလျင်ဒဏ်ကြောင့် ဓနသိဒ္ဓိအားကစားကွင်း ယာယီကယ်ဆယ်ရေးစခန်းသို့ရောက်ရှိနေသော မိသားစု ၅၂ စု (ကျား) ၆၂ ဦး၊ (မ) ၅၈ ဦးတို့အား ငါးနီတူကြော်၊ ချဉ်ပေါင်ကြော်၊ ကြက်ဥပြုတ်၊ အချိုရည်များ သွားရောက်လှူဒါန်းခဲ့ပါသည်။ လှူဒါန်းငွေ ၃၅၀,၀၀၀/-ကျပ်ဖြစ်ပါသည်။
၁၀.၄.၂၅ ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အသင်းဝင်များသည် ငလျင်ဒဏ်ကြောင့် မိသားစုဝင်များ ထိခိုက်မှုများနှင့်အသက်ဆုံးရှုံးခဲ့ရသည့် အသင်းဝင် ၂ ဦး ထံသွားရောက်၍ တစ်ဦးလျှင် ၅ သိန်းကျပ်စီ ကူညီထောက်ပံ့ပေးကာ နှစ်သိမ့်အားပေးစကားများ ပြောကြားခဲ့ကြပါသည်။ ဆက်လက်၍ လွှတ်တော်ရုံးဝန်းအတွင်း ငလျင်ဒဏ်ကြောင့်ပျက်စီးမှုများအား လုပ်အားပေးကူညီဆောင်ရွက်နေကြသော တပ်မတော်သားများကို ခေါက်ဆွဲကြော်အထုပ် ၁၀၀ ပေးအပ်လှူဒါန်းခဲ့ပြီး ဗဟိုအသင်းမှ ရုံးဝန်ထမ်း ၆ ဦးကိုလည်း သွားရောက်ပြီး ခေါက်ဆွဲကြော်များလှူဒါန်းကာ အားပေးစကားပြောကြားခဲ့ပါသည်။ လှူဒါန်းငွေ ၁,၅၀၀,၀၀၀/-ကျပ်ဖြစ်ပါသည်။
