ကျန်းမာရေး

(၃.၁၂.၂၀၂၄)ရက်နေ့တွင် ပဲခူးတိုင်း၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် (၅)ဦးသည် ပဲခူးတိုင်းဒေသကြီး၊ ပဲခူးမြို့၊ သီရိဟံသာခန်းမ၌ကျင်းပပြုလုပ်သော အပြည်ပြည်ဆိုင်ရာ မသန်စွမ်းသူများနေ့အခမ်းအနားကို တက်ရောက်ခဲ့၍ မသန်စွမ်းသူကလေးများ၏ အကပဒေသာအဖွဲ့အား ဆုချီးမြှင့်ပေးအပ်ခဲ့ပါသည်။

(၂.၁၂.၂၀၂၄)ရက်နေ့တွင် နေပြည်တော်၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် (၅)ဦးသည် နေပြည်တော်၊ ပျဉ်းမနားမြို့နယ်၊ ပေါင်းလောင်းအား ကစားကွင်း၌ ကျင်းပပြုလုပ်သော အပြည်ပြည်ဆိုင်ရာ မသန်စွမ်းသူများနေ့ အကြိုအထိမ်းအမှတ် အားကစားပြိုင်ပွဲနှင့် ဆုပေးပွဲအခမ်းအနားသို့ တက်ရောက်ခဲ့ပြီး ဆုရရှိသူများအား ဆုများပေးအပ် ချီးမြှင့်ခဲ့ပါသည်။

(၂၉.၁၁.၂၀၂၄)ရက်နေ့တွင် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံ (ခုတင်-၅၀၀)တွင် အမျိုးသမီးလူနာများနှင့် လူနာစောင့်များအတွက် နေ့လည်စာအာဟာရအတွက် ထမင်း၊ ကြက်သားဟင်းနှင့် ကန်စွန်းရွက်ချဉ်ဟင်းရည်တို့ကို စေတနာရှင်မိသားစုမှသွားရောက်ကျွေးမွေးလှူဒါန်းခဲ့ပါသည်။

(၂၄.၁၁.၂၀၂၄)ရက်နေ့ ၁၆၁၀ နာရီအချိန်ခန့်တွင် ဧရာဝတီတိုင်းဒေသကြီး၊ ဖျာပုံမြို့နယ်၊ ပြည်သူ့ဆေးရုံ၌ ဒေးဒရဲမြို့နယ်၊ သံပတ်ကျေးရွာမှ ဒေါ်သန္တာ (၄၅)နှစ်က ယောကျာ်းလေး(၃)မြွှာပူးအား မွေးဖွားခဲ့ရာ (၂၅.၁၁.၂၀၂၄)ရက်နေ့တွင် ဖျာပုံခရိုင်/ဒေးဒရဲခရိုင်မှ မိခင်နှင့်ကလေးစောင့်ရှောက်ရေးအသင်းအဖွဲ့ဝင်များနှင့်အတူ ဖျာပုံမြို့နယ်၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအဖွဲ့မှလိုက်ပါသွားခဲ့ပြီး စုစုပေါင်းထောက်ပံ့ငွေကျပ် (၁၁)သိန်းကျပ်အား ထောက်ပံ့ပေးအပ်ခဲ့ပါသည်။