ကျန်းမာရေး

(၁၂.၆.၂၀၂၃)နေ့တွင် ပဲခူးတိုင်း MWCDF အသင်း ဥက္ကဌနှင့် အဖွဲ့ဝင်များသည် ပဲခူးမြို့၊ သပြေကုန်း ဘိုးဘွားရိပ်သာရှိ အဖိုး/အဖွားများအား အာဟာရနေ့လည်စာနှင့် မုန့်၊ ကွေကာများ သွားရောက် ကျွေးမွေးလှူဒါန်းခဲ့ပါသည်။

(၁၁.၆.၂၀၂၃)နေ့တွင် MWCDF အသင်းမှ  တွဲဘက်ဘဏ္ဍာရေးမှူးနှင့် CEC တို့သည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးသို့ သွားရောက်၍ အသင်းတည်ထောင်ခဲ့သည့် (၁၄.၅.၂၀၁၃)ရက်အထိမ်းအမှတ်အနေဖြင့် သားဖွားမီးယပ်ဆေးရုံ၌ တက်ရောက်ကုသနေသော လူနာများနှင့် လူနာစောင့်များအား နေ့လည်စာ-ထမင်း၊ ကြက်သားဟင်း၊ မုန်လာဥချဉ်ရည်ဟင်းဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။

(၂၅.၅.၂၀၂၃)နေ့တွင် MWCDF အသင်းမှ တွဲဘက်အတွင်းရေးမှူးနှင့် CEC များသည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးသို့ သွားရောက်၍ အသင်းတည်ထောင်ခဲ့သည့် (၁၄.၅.၂၀၁၃)ရက်၊ (၁၀)နှစ်ပြည့် အထိမ်းအမှတ်အနေဖြင့် သားဖွားမီးယပ်ဆေးရုံ၌ တက်ရောက်ကုသနေသော လူနာများအား နေ့လည်စာ-ထမင်း၊ ကြက်သားဟင်း၊ သီးစုံချဉ်ဟင်းဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။

(၁၀.၅.၂၀၂၃)ရက်နေ့တွင် တွဲဘက်အတွင်းရေးမှူးနှင့် CEC တို့သည် နေပြည်တော်၊ ပုဗ္ဗသီရိမြို့နယ်၊ ကုတင်(၃၀၀)ဆံ့ ပြည်သူ့ဆေးရုံကြီးသို့သွားရောက်၍ မွေးဖွားပြီး ကျန်းမာရေးမကောင်းသောကလေးငယ်အတွက် အလှူငွေ လှူဒါန်းခဲ့ပါသည်။

(၂၂.၃.၂၀၂၃)နေ့တွင် ရှမ်းပြည်နယ်၊ တောင်ကြီးမြို့၊ ပြည်နယ်အမျိုးသမီးရေးရာအဖွဲ့ရုံး၌ ရှမ်းပြည်နယ် အမျိုးသမီးရေးရာအဖွဲ့နှင့် ရှမ်းပြည်နယ် မိခင်နှင့်ကလေးစောင့်ရှောက်ကြီးကြပ်ရေးအဖွဲ့တို့ ပူးပေါင်း၍ ကျင်းပပြုလုပ်သော “ကမ္ဘာ့တီဘီရောဂါ တိုက်ဖျက်ရေးနေ့ အထိမ်းအမှတ် ကျန်းမာရေးအသိပညာပေး ဟောပြောပွဲ အခမ်းအနား”  သို့ ရှမ်းပြည်နယ်(တောင်ပိုင်း) MWCDF အသင်းမှ ဥက္ကဌ၊ ဒု-ဥက္ကဌ၊ အတွင်းရေးမှူးနှင့် တွဲဘက်အတွင်းရေးမှူးတို့ တက်ရောက်ပါဝင်ခဲ့ပါသည်။

(၂.၂.၂၀၂၃)နေ့တွင် ရှမ်းပြည်နယ်(တောင်ပိုင်း) MWCDF အသင်းမှ ဥက္ကဌ၊ ဒုဥက္ကဌနှင့် အဖွဲ့ဝင်များသည် ညောင်ရွှေမြို့နယ်၊ လွယ်ခေါကျေးရွာရှိ အခက်အခဲဖြစ်နေပြီး ကူညီထောက်ပံ့ရန်လိုအပ်နေသော ကိုယ်ဝန်ဆောင်အမျိုးသမီးအား မွေးဖွားစရိတ် သွားရောက်လှူဒါန်းထောက်ပံ့ခဲ့ပါသည်။