ကျန်းမာရေး

မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် ဗဟိုအလုပ်အမှုဆောင်များသည် ၁၅.၁၂.၂၀၂၅ ရက်နေ့ (၁၁၀၀) အချိန်တွင်  နေပြည်တော်၊ ဥတ္တရသီရိမြို့နယ်၊ သားဖွားမီး ယပ်အထူးကုဆေးရုံကြီး (ခုတင်-၅၀၀)သို့သွားရောက်၍ မီးဖွားမိခင် (၇၀)ဦးအတွက် ဗဟိုအလုပ်အမှုဆောင် ဒေါ်မီမီအေးမိသားစုမှ နေ့လည်စာအာဟာရအဖြစ် ထမင်း၊ ကြက်သားဟင်း၊ အချဉ်ရည်ဟင်းတို့ကို လက်ရောက်ပေးဝေလှူဒါန်းပြီး၊ အသင်း ဥက္ကဌ မှလည်း မြေပဲယို၊ နှမ်းယိုမုန့်နှင့် မရွေးမုန့်များ ပေးဝေလှူဒါန်းခဲ့ကြပါသည်။

မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် ဗဟိုအလုပ်အမှုဆောင်များသည် ၁၅.၁၂.၂၀၂၅ ရက်နေ့ (၁၀၃၀)အချိန်တွင်  နေပြည်တော်၊ ဥတ္တရသီရိမြို့နယ်၊ ကလေးရောဂါ အထူးကုဆေးရုံကြီးသို့သွားရောက်၍ ဆေးကုသခံယူနေသော ကလေးလူနာ (၇၁)ဦးအတွက် အသင်းမှ နေ့လည်စာအာဟာရအဖြစ် ထမင်း၊ ငါးဖယ်ဟင်း၊ ကြက်ဥပြုတ် နှင့် ဘူးသီးဟင်းရည်တို့ကို လက်ရောက်ပေးဝေလှူဒါန်းပြီး၊ အသင်း ဥက္ကဌ မှလည်း မြေပဲယို၊ နှမ်းယိုမုန့်နှင့် မရွေးမုန့်များကိုလည်း ပေးဝေလှူဒါန်းခဲ့ကြပါသည်။

ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ၉.၁၂.၂၀၂၅ ရက်နေ့တွင် မြစ်ကြီးနားမြို့၊ တိုင်းရင်းဆေးရုံမှ ဆရာ/ဆရာမများနှင့်ပူးပေါင်းပြီး အောင်ဇေရန်အောင် ဘိုးဘွားရိပ်သာသို့သွားရောက်၍ အဖိုး ၁၂ ဦးနှင့် အဖွား ၂၄ ဦးတို့အား ကျန်းမာရေးစောင့်ရှောက်မှုများ ပြုလုပ်ဆောင်ရွက်ခဲ့ပါသည်။

တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင် ၁ ဦးသည် ၁.၁၂.၂၀၂၅ ရက်နေ့တွင် ဆေးဝါးကုသရန်လိုအပ်လျက်ရှိသော အသက် ၇၇ နှစ်အရွယ် အဖွားတစ်ဦးထံသို့သွားရောက်၍ လိုအပ်သောဆေးဝါးများဝယ်ယူနိုင်ရန်အတွက် ထောက်ပံ့ငွေ ၄၀,၀၀၀ ကျပ် လှူဒါန်းခဲ့ပါသည်။

မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌ ၊ ဘဏ္ဍာရေးမှူးနှင့် အဖွဲ့ဝင် ၄ ဦးတို့သည် ၃၀.၁၁.၂၀၂၅ ရက်နေ့တွင် မန္တလေးမြို့၊ တပ်မတော်ဆေးရုံ(နန်းတွင်း)ရှိ ဆေးကုသမှုခံယူနေသော စစ်သည်များ၊ အမျိုးသမီးများ၊ ကလေးလူနာများအား နေ့လည်စာ ထမင်း၊ ကြက်သားအာလူး၊ သီးစုံပဲကုလားဟင်းနှင့် ငပိချက်တို့ဖြင့် ကျွေးမွေးလှူဒါန်းခြင်း၊ လူနာတစ်ဦးလျှင် ၅၀၀၀/-နှုန်းနှင့် မုန့် များလှူဒါန်းပေးဝေခဲ့ပါသည်။ လှူဒါန်းမှုစုစုပေါင်းငွေ ၈၅၀,၀၀၀/-ကျပ် ဖြစ်ပါသည်။

မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဋ္ဌ ‌မိသားစု မှ ၂၉.၁၁.၂၀၂၅ ရက်နေ့တွင် နေပြည်တော်၊ ‌ဥတ္တရသီရိမြို့၊ ကလေးရောဂါအထူးကုဆေးရုံကြီးတွင် တက်ရောက်နေသော ကလေးလူနာ ၈၅ ဦးအတွက် အာဟာရဒါနအလှူအဖြစ် နွားနို့များလှူဒါန်းခဲ့ပါသည်။