ကျန်းမာရေး

(၁၀.၉.၂၀၂၄)ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးနှင့် အဖွဲ့ဝင်များသည် မကွေးမြို့၊ ရုံးပေါင်းစုံခန်းမ၌ မကွေးတိုင်းဒေသကြီး ကျန်းမာရေးဦးစီးဌာနမှ မကွေးတိုင်းအတွင်း ပြင်းထန်ဝမ်းပျက်ဝမ်းလျှောရောဂါကာကွယ်ရေးနှင့် မျောက်ကျောက်ရောဂါကာကွယ်ရေးအသိပညာပေးတင်ပြခြင်း အခမ်းအနားသို့ တက်ရောက်ခဲ့ပါသည်။

(၅.၉.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ အလုပ်အမှုဆောင်များနှင့် ခိုင်မေတ္တာပရဟိတဖောင်ဒေးရှင်းတို့ပူးပေါင်း၍ မျောက်ကျောက်ရောဂါအကြောင်း သိကောင်းစရာများကိုဟောပြောပြီး Mask များလှူဒါန်းခြင်း၊ ချောင်းဆိုး၊ ဖျားနာ၊ ယားနာပေါက်၊ ကျောအောင့်နေသောကိုရင်များ၊ ဦးဇင်းများအား ဆေးကုသမှုများ ဆောင်ရွက်ပေးခဲ့ပါသည်။

(၂၂.၈.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် နေပြည်တော်၊ ပျဉ်းမနားမြို့နယ်၊ မင်္ဂလာဗျူဟာခန်းမတွင် ပြည်သူ့ကျန်းမာရေးဦးစီးဌာနက ကျင်းပပြုလုပ်သော ကမ္ဘာ့မိခင်နို့တိုက်ကျွေးရေးရက်သတ္တပတ်၊ အာဟာရဖွံ့ဖြိုးရေးရက်သတ္တပတ်နှင့် ကျောင်းကျန်းမာရေးသီတင်းပတ် လှုပ်ရှားမှုအထိမ်းအမှတ် အခမ်းအနားသို့တက်ရောက်ခဲ့ပါသည်။

(၁၇.၈.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အလုပ်အမှုဆေင် (၂)ဦးတို့သည် ကျိုင်းတုံခန်းမ၌ ကျင်းပပြုလုပ်သော တောင်ကြီးတက္ကသိုလ် နှစ်ပတ်လည်နေ့အထိမ်းအမှတ် သွေးလှူဒါန်းပွဲအခမ်းအနားသို့တက်ရောက်ပြီး သွေးလှူဒါန်းကြသော ကျောင်းသား/သူ (၂၁၉)ဦးကို Royal D အချိုရည်ဗူးများပေးအပ်လှူဒါန်းခဲ့ပါသည်။