ကျန်းမာရေး

(၁.၆.၂၀၂၄)ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ ဒုဥက္ကဌနှင့် အဖွဲ့ဝင်များသည် မသန်စွမ်းသူများအားစောင့်ရှောက်မှုအဖြစ် လူမှုဝန်ထမ်းဦးစီးဌာန၊ နားမကြားသောကလေးများကျောင်းသို့သွားရောက်၍ ကလေး(၂၅)ဦးအတွက် နေ့လည်စာအာဟာရ ကြက်သားဒံပေါက်၊ အအေးများ၊ ဆပ်ပြာမွှေးခဲများ၊ ခေါင်းလျှော်ရည်၊ သွားတိုက်ဆေး၊ သွားတိုက်တံနှင့် ဗလာစာအုပ်များကို လှူဒါန်းခဲ့ကြပါသည်။

(၁၉.၅.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များဘဝမြှင့်တင်ရေး အသင်း(၁)နှစ်ပြည့်အထိမ်းအမှတ်အလှူအဖြစ် ဥတ္တရသီရိမြို့နယ်၊ ကုတင် (၅၀၀) ဆံ့သားဖွားမီးယပ် အထူးကုဆေးရုံကြီးတွင် တက်ရောက်ဆေးကုသခံယူနေသော လူနာများနှင့် လူနာစောင့်များကို နေ့လည်စာအာဟာရအတွက် ထမင်း၊ ကြက်သားဟင်း၊ ကန်စွန်ရွက်ချဉ်ရည်ဟင်းတို့ကို သွားရောက် လှူဒါန်းခဲ့ကြပါသည်။

(၉.၅.၂၀၂၄)ရက်နေ့တွင် ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် မြစ်ကြီးနားမြို့၊ ပြည်သူ့ဆေးရုံကြီး၊ ကျန်းမာရေးဝန်ကြီးဌာနမှ အထူးကုဆရာဝန်ကြီးများ၏ နှုတ်ခမ်းကွဲ၊ အာခေါင်ကွဲလူနာများခွဲစိတ်ပေးခြင်းနှင့် သက်ကြီးဘိုးဘွားများ သွားတု(အံကပ်)တပ်ဆင်ပေးခြင်း အစီအစဉ်တွင်ပူးပေါင်းပါဝင်၍ ဆေးကုသခံယူကြသော အဘိုးဘွား (၇၀)ဦးနှင့် နှုတ်ခမ်းကွဲ၊ အာခေါင်ကွဲကလေးများအတွက် မုန့်၊ ဖျော်ရည်ဘူးများ ပေးအပ်လှူဒါန်းခဲ့ကြပါသည်။

(၇.၅.၂၀၂၄)ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင် (၅)ဦးတို့သည် နေပြည်တော်၊ ပျဉ်မနားမြို့နယ်၊ မင်္ဂလာဗျူဟာသာသနာ့ ဗိမာန်တော်ကြီး၌ကျင်းပပြုလုပ်သည့် မေလ (၇)ရက်နေ့ ကမ္ဘာ့ကာကွယ်ဆေးထိုးနှံတိုက်ကျွေးရေး ရက်သတ္တပတ် (၂၀၂၄)ခုနှစ် အခမ်းအနားသို့တက်ရောက်ပြီး အသက် (၅)နှစ်အောက်ကလေးငယ်များကို ကာကွယ်ဆေးထိုးနှံတိုက်ကျွေးခြင်းနှင့် ကိုယ်ဝန်ဆောင်မိခင်များအား ကာကွယ်ဆေးထိုးနှံပေးနေမှုများကို ကြည့်ရှုအားပေးပြီး လက်ဆောင်ပစ္စည်းများနှင့် အာဟာရအဖြစ် စားသောက်ဖွယ်ရာများ ပေးအပ်လှူဒါန်းခဲ့ကြပါသည်။

(၃၁.၃.၂၀၂၄)ရက်နေ့တွင် မန္တလေးတိုင်း အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ကျန်းမာရေးကူညီစောင့်ရှောက်ရန်လိုအပ်နေသော အသဲရောဂါ ဝေဒနာရှင်အမျိုးသမီးအား သွားရောက်ထောက်ပံ့လှူဒါန်းခဲ့ပါသည်။

(၂၅.၃.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းနှင့် M-Angel ပါရမီဖြည့်ဖက်ညီအစ်မများနှင့်စုပေါင်း၍ အမှတ် (၂)တပ်မတော်ဆေးရုံ ခုတင် (၁၀၀၀)တွင် သွေးလှူဒါန်းခြင်း၊ ဆေးကုသမှုခံယူလျက်ရှိသော တပ်မတော်သားများအတွက် အလှူငွေများနှင့် အစားအသောက်များ သွားရောက်လှူဒါန်းခဲ့ကြပါသည်။