Myanmar Women and Children Development Foundation
(၅.၆.၂၀၂၀)နေ့တွင် မကွေးတိုင်း MWCDF အသင်းမှ အလုပ်အမှုဆောင်များသည် မကွေးမြို့၊ ပညာရေး ကောလိပ်တွင် Quarantine ဝင်နေရသူ (၆၄)ဦးအတွက် လိုအပ်နေသော ရေသန့်၊ အချိုရည်ဘူး၊ မုန့်များ၊ အိမ်သာသန့်ရှင်းရေးသုံးပစ္စည်းများ စုစုပေါင်း-(၁၃၁၇၀၀)ကျပ်ဖိုးအား သွားရောက်လှူဒါန်းခဲ့ပါသည်။
(၅.၆.၂၀၂၀)နေ့တွင် မကွေးတိုင်း MWCDF အသင်းမှ အလုပ်အမှုဆောင်များသည် မကွေးမြို့၊ သာသနာ့ ဂုဏ်ရည်သီလရှင်ပညာရေးကျောင်းသို့ Covid-19 ကာလအတွင်း အာဟာရဒါနအဖြစ် စုစုပေါင်း(၂၂၄၅၀၀)ကျပ် တန်ဖိုးရှိသော ဆန်၊ ဆီ၊ ကြက်သွန်နှင့် Mask များ သွားရောက်လှူဒါန်းခဲ့ပါ သည်။
(၁.၆.၂၀၂၀)ရက်နေ့တွင် စစ်ကိုင်းတိုင်း မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့် တင်ရေးအသင်း(MWCDF)မှ ဥက္ကဌ နှင့် ECအဖွဲ့သည် မြို့နယ်တွင် Quarantine ဝင်နေသော ပြည်သူများ အတွက် Mask(၁၀၀၀)ခုကို စစ်ကိုင်းခရိုင် အုပ်ချုပ် ရေးမှူးထံလှူဒါန်းခြင်းနှင့် မြို့နယ်အတွင်း Covid-19ကာလ မဖြစ်မနေသွားလာလှုပ်ရှားနေသော ပြည်သူများအား မိတ်ဖက်အဖွဲ့အစည်းများနှင့်အတူ mask တပ်ဆင်ပေးကာ အသိပညာ ပေးခဲ့ကြပါသည်။
(၉.၄.၂၀၂၀)ရက်နေ့တွင် တရုတ်တစ်နိုင်ငံလုံးရှိ တက္ကသိုလ်အသီးသီးမှ မြန်မာမေဂျာ ကျောင်းသူ/သားများ၏ ကိုယ်စား လှယ်အဖွဲ့သည် ထပ်မံလာရောက်၍ COVID-19 အကာအကွယ်ပစ္စည်းMask-(၃၀၀)ခုနှင့် PPE ဝတ်စုံ(၁၀)စုံတို့ လာ ရောက်လှူဒါန်းရာ အသင်း၏ကိုယ်စား ရန်ကုန်တိုင်း MWCDF ဥက္ကဌနှင့်အဖွဲ့မှ လက်ခံရယူ၍ ကျေးဇူးတင်စကား ပြောကြားခဲ့ပါသည်။
(၇.၄.၂၀၂၀) ရက်နေ့တွင် ရန်ကုန်တိုင်း မြန်မာနိုင်ငံအမျိုးသမီးများနှင့်ကလေးသူငယ်များ ဘဝမြှင့်တင်ရေးသင်း (MWCDF)မှ ဥက္ကဌနှင့်အဖွဲ့သည် မင်္ဂလာတောင်ညွှန့်မြို့နယ်သို့ သွားရောက်၍ မြို့နယ်အုပ်ချုပ်ရေးမှူးနှင့်အဖွဲ့အား အကာအကွယ်ပစ္စည်း Mask-၅၀၀ခု တန်ဖိုး(သုံးသိန်းသုံးသောင်းသုံးထောင်)ကျပ်အား သွားရောက်လှူဒါန်းခဲ့ပါသည်။
(၈.၄.၂၀၂၀)ရက်နေ့(၁၄းဝဝ)နာရီတွင် MWCDF ရုံးချုပ်၌ အသင်းဒုဥက္ကဋ္ဌ၊ အတွင်းရေးမှူး၊ တွဲဘက်အတွင်းရေးမှူး နှင့် CECများသည် (COVID-19) ရောဂါနှင့်ပတ်သက်၍ အစည်းအဝေးပြုလုပ်ခဲ့ပြီး အသင်းမှ တက်အားသရွှေ့အလှူငွေနှင့် ပစ္စည်းများလှူဒါန်းရန် ဆွေးနွေးခဲ့ကြပါသည်။ ဆက်လက်၍ အသင်းဒုဥက္ကဌနှင့်အဖွဲ့သည် (Covid-19) ကာကွယ်ထိန်းချုပ်ကုသရေး အမျိုးသားအဆင့် ကော်မတီသို့ Bank Account မှ တစ်ဆင့် ငွေကျပ်(၁၀)သိန်းလှူဒါန်းခဲ့ပြီး နေပြည်တော်ကောင်စီ နယ်မြေအတွင်းရှိ (ဘ.က)ကျောင်းများ၊ သီလရှင်ကျောင်းများ၊ ပရဟိတကျောင်းများအား သင်္ကြန်ပိတ်ရက်များတွင် အခက်အခဲမရှိစေရန် ဆန်၊ ဆီနှင့် စားသောက်ကုန်များ လှူဒါန်းရန် ဆွေးနွေးခဲ့ပါသည်။
