ကျန်းမာရေး

(၁၉.၁၁.၂၀၂၄)ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ပုသိမ်မြို့၊ ပုသိမ်ပြည်သူ့ဆေးရုံကြီးတွင် မွေးရာပါနှုတ်ခမ်းကွဲ၊ အာခေါင်ကွဲလူနာများအား ခွဲစိတ်ကုသမှု့အစီအစဉ်ဆေးရုံတွင် တက်ရောက်ခွဲစိတ်သည့်လူနာများအား သွားရောက်တွေ့ဆုံ၍ အလှူငွေများ ထောက်ပံ့လှူဒါန်းခဲ့ပါသည်။

(၁၃.၁၁.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် တိုင်းလူမှုဝန်ထမ်းရုံးသို့သွားရောက်၍ မသန်စွမ်းကလေး (၂၂)ဦးအား အာဟာရမုန့်များ၊ ဦးထုပ်များ ပေးဝေလှူဒါန်းခဲ့ကြပါသည်။

(၁၅.၁၀.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဒုဥက္ကဌနှင့် ဗဟိုအလုပ်အမှုဆောင်များသည် နေပြည်တော်၊ ဥတ္တရသီရိမြို့နယ်၊ (ခုတင် -၅၀၀)ဆံ့သားဖွားမီးယပ် အထူးကုဆေးရုံကြီးတွင် တက်ရောက်နေသော အမျိုးသမီးလူနာများနှင့် မီးဖွားမိခင်များအတွက် နေ့လည်စာအာဟာရအဖြစ် ထမင်း၊ ကြက်သားဟင်း၊ အချဉ်ရည်ဟင်းများ ပေးဝေလှူဒါန်းပြီး အသင်း ဒုဥက္ကဌမှ အမျိုးသမီးလူနာများနှင့် မီးဖွားမိခင် (၁၂၀)ဦးအတွက် တစ်ဦးလျှင် (၁၀,၀၀၀)ကျပ်စီ၊ အဝတ်အထည်၊ ဆပ်ပြာခဲ၊ ကလေးနှီးပိတ်စ၊ ကော်ဖီမစ်၊ ကွေကွာ၊ လီမွန်တီး၊ ခေါက်ဆွဲခြောက်၊ မုန့်နှင့် ကြက်ဥ (၁၀)လုံးစီအား တစ်ဦးချင်းစီ လက်ရောက်ပေးဝေလှူဒါန်းခဲ့ကြပါသည်။

(၁၄.၉.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ အလုပ်အမှုဆောင်များနှင့် ခိုင်မေတ္တာပရဟိတအဖွဲ့ဝင်များသည် ညောင်ရွှေ မြို့နယ်၊ ဆေးရုံတွင်တက်ရောက်နေသော လူနာများနှင့် ကုန်းလှိုင်ဘုန်းတော်ကြီးကျောင်းတွင် ခိုလှုံလျက်ရှိကြသော ရေဘေးသင့်ပြည်သူများအား ဆပ်ပြာ၊ Shampooများနှင့် ရေသန့်များ၊ မုန့်များသွားရောက်လှူဒါန်းပြီး ကျောင်းထိုင်ဆရာတော်ကြီးအား ဆန်၊ ဆီ၊ ကြာဇံ၊ ခေါက်ဆွဲ၊ ပဲနီလေး၊ လက်ဖက်၊ ပဲကြော်၊ အသားတုများ ဆက်ကပ်လှူဒါန်းခဲ့ကြပါသည်။

(၁၀.၉.၂၀၂၄)ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးနှင့် အဖွဲ့ဝင်များသည် မကွေးမြို့၊ ရုံးပေါင်းစုံခန်းမ၌ မကွေးတိုင်းဒေသကြီး ကျန်းမာရေးဦးစီးဌာနမှ မကွေးတိုင်းအတွင်း ပြင်းထန်ဝမ်းပျက်ဝမ်းလျှောရောဂါကာကွယ်ရေးနှင့် မျောက်ကျောက်ရောဂါကာကွယ်ရေးအသိပညာပေးတင်ပြခြင်း အခမ်းအနားသို့ တက်ရောက်ခဲ့ပါသည်။