ကျန်းမာရေး

(၁၄.၈.၂၀၂၃)နေ့တွင် MWCDF အသင်း ဒုဥက္ကဌနှင့် CEC အဖွဲ့ဝင်များသည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီး၌ တက်ရောက်မီးဖွားနေသော လယ်ဝေးမြို့နယ်မှ သုံးမွှာပူးမွေးဖွားသည့် မိခင်နှင့်ကလေးများ၊ ရမည်းသင်းမြို့နယ်မှ နှစ်မွှာပူးမွေးဖွားသည့် မိခင်နှင့်ကလေးများအားသွားရောက်၍ ထောက်ပံ့ငွေများလှူဒါန်းပြီး အားပေးစကားများ ပြောကြားခဲ့ပါသည်။

(၁၄.၈.၂၀၂၃)နေ့တွင် MWCDF အသင်းမှ  ဒုတိယဥက္ကဌနှင့် CEC အဖွဲ့ဝင်တို့သည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးသို့ သွားရောက်၍ အသင်းတည်ထောင်ခဲ့သည့် (၁၄.၅.၂၀၁၃)ရက်အထိမ်းအမှတ်အနေဖြင့် သားဖွားမီးယပ်ဆေးရုံ၌ တက်ရောက်ကုသနေသော လူနာများနှင့် လူနာစောင့်များအား နေ့လည်စာ-ထမင်း၊ ကြက်သားဟင်း၊ ချဉ်ရည်ဟင်းဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။

(၁၁.၈.၂၀၂၃)နေ့တွင် ပဲခူးတိုင်း MWCDF အသင်း အတွင်းရေးမှူးနှင့် အဖွဲ့ဝင်များသည် ပညာမွန် ရေဘေးကယ်ဆယ်ရေးစခန်းမှ မိဖွားမည့် မိခင်နှင့် ရွှေချောင်းအနီး ကလျာနီ ရေကြီးနစ်မြုပ်နေသော ရပ်ကွက်မှ မီးဖွားမည့် မိခင်တို့အား မိခင်ကလေးသားဖွားခန်းသို့ ပို့ဆောင်၍ လိုအပ်သော ဆေးဝါး၊ အဝတ်အထည်၊ အနှီးပိတ်စ၊ အလှူငွေနှင့် စားသောက်ဖွယ်ရာများ ကူညီပံ့ပိုးလှူဒါန်းပေးခဲ့ပါသည်။

(၃.၈.၂၀၂၃ မှ ၄.၈.၂၀၂၃)နေ့အထိ နေပြည်တော်တိုင်း MWCDF အသင်းမှ အဖွဲ့ဝင်(၂)ဦးသည် မသန်စွမ်းသူများ၏ အခွင့်အရေးများဆိုင်ရာ အမျိုးသားကော်မတီ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနမှ ဖွင့်လှစ်သော “မသန်စွမ်းမှု အဆင့်သတ်မှတ်ခြင်းနှင့် မသန်စွမ်းသူများမှတ်ပုံတင်ခြင်းသင်တန်း” သို့ တက်ရောက်ခဲ့ပါသည်။

(၂၀.၇.၂၀၂၃)နေ့တွင် တနင်္သာရီတိုင်း MWCDF အသင်း ဥက္ကဌနှင့် အဖွဲ့ဝင်များသည် ထားဝယ်မြို့၊ အပြောစွမ်းရည်မသန်စွမ်းသူ တစ်ဦး၏ နေအိမ်သို့ သွားရောက်၍ စားသောက်ကုန်နှင့်မုန့်များ ထောက်ပံ့လှူဒါန်းခဲ့ပါသည်။

(၁၄.၇.၂၀၂၃)နေ့တွင် MWCDF အသင်းမှ  တွဲဘက်ဘဏ္ဍာရေးမှူးနှင့် အဖွဲ့သည် နေပြည်တော်၊ ဥတ္တရသီရိမြို့နယ်၊ သားဖွားမီးယပ်အထူးကုဆေးရုံကြီးသို့ သွားရောက်၍ အသင်းတည်ထောင်ခဲ့သည့် (၁၄.၅.၂၀၁၃)ရက်အထိမ်းအမှတ်အနေဖြင့် သားဖွားမီးယပ်ဆေးရုံ၌ တက်ရောက်ကုသနေသော လူနာများနှင့် လူနာစောင့်များအား နေ့လည်စာ-ထမင်း၊ ကြက်သားဟင်း၊ မုန်လာဥချဉ်ရည်ဟင်းဖြင့် အာဟာရဒါနပြု ကျွေးမွေးလှူဒါန်းခဲ့ပါသည်။ ဆက်လက်ပြီး ဆေးရုံအုပ်ကြီးနှင့်တွေ့ဆုံ၍ ဆေးရုံအတွက် Hand Sanitizer Gel ဘူများ ပေးအပ် လှူဒါန်းခဲ့ပါသည်။