ကျန်းမာရေး

မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ ဗဟိုအလုပ်အမှုဆောင် ဒေါက်တာမွန်မွန်ထက် မိသားစု က (၁၉.၁၁.၂၀၂၅)ရက်တွင် ကုတင် (၁၀၀၀) ပြည်သူ့ဆေးရုံးကြီးတွင် လိုအပ်နေသောဆေးဝါးများဝယ်ယူနိုင်ရန်အတွက် (၁၅)သိန်းကျပ်လှူဒါန်း‌ပေးမှုအား MWCDF အသင်းမှ မှတ်တမ်းတင်အပ်ပါသည်။

မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌ နှင့် ဗဟိုအလုပ်အမှုဆောင်များသည် ၁၇.၁၁.၂၀၂၅ ရက်နေ့တွင် ဥတ္တရသီရိမြို့နယ်၊ ခုတင်-၅၀၀ ဆံ့ သားဖွားမီးယပ်အထူးကုဆေးရုံကြီးသို့ သွားရောက်၍ ဆေးရုံတက်ရောက်နေသော အမျိုးသမီးလူနာများ၊ လူနာစောင့်များ နေ့လည်စာအာဟာရအတွက် ထမင်း၊ ကြက်သာဟင်း၊ အချဉ်ရည်ဟင်းတို့ကို လက်ရောက်ပေးဝေ လှူဒါန်းခဲ့ကြပါသည်။

နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌ နှင့် အလုပ်အမှုဆောင်များသည် ၁၆.၁၁.၂၀၂၅ ရက်နေ့တွင် တပ်မတော်သားဖွားမီးယပ်ကလေးအထူးကုဆေးရုံ ခုတင် ၃၀၀ တွင် ဆေးဝါးကုသမှုခံယူနေသော အသင်းအဖွဲ့ဝင်တစ်ဦးအား ထောက်ပံ့ငွေအဖြစ် ၁၀၀,၀၀၀/-ကျပ် ပေးအပ်ခဲ့ပါသည်။

မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် ၃ ဦးတို့သည့် ၂၄.၁၀.၂၀၂၅ ရက်နေ့ မကွေးမြို့၊ စုပေါင်းရုံးခန်း၌ မကွေးတိုင်းဒေသကြီး ပြည်သူ့ကျန်းမာရေးဦးစီးဌာန၊ ကျန်းမာရေးဝန်ကြီးဌာနမှ ကျင်းပပြုပ်သော ကမ္ဘာ့မျက်မမြင်ပပျောက်ရေးနေ့ အထိမ်းအမှတ်အခမ်းအနားကိုတက်ရောက်ပြီး ဆေးရုံကြီးတွင် အခမဲ့ခွဲစိတ်ကုသနေသော မျက်စိဝေဒနာရှင် ၁၀ ဦးအား ကြက်ဥနှင့် ထောက်ပံ့ငွေများ ပေးအပ်လှူဒါန်းခဲ့ကြပါသည်။

ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အလုပ်အမှုဆောင်များသည် ၂၀.၁၀.၂၀၂၅ ရက်နေ့ ပုသိမ်မြို့၊ ပြည်သူ့ဆေးရုံကြီးတွင် ကျန်းမာ​ရေးဝန်ကြီးဌာန၊ ပါ​မောက္ခ/ အထူးကုဆရာဝန်ကြီးများ၏​ မွေးရာပါနှုတ်ခမ်းကွဲ၊ အာ​ခေါင်ကွဲလူနာခွဲစိတ်ကုသမှု အစီအစဉ်တွင် တက်​ရောက်ခွဲစိတ်သည့် လူနာများအား MWCDF(AYY) အသင်းမှသွား​ရောက်​တွေ့ဆုံ အား​ပေး၍ အလှူ​ငွေ ၃၀၀,၀၀၀/-ကျပ် ​ထောက်ပံ့လှူဒါန်းခဲ့ပါသည်။

ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်လေးမေ သည် ၁၅.၁၀.၂၀၂၅ ရက်နေ့တွင် မြစ်ကြီးနားမြို့၊ မြို့တော်ခန်းမ၌ ကျင်းပပြုလုပ်သော ၂၀၂၅ ခုနှစ်၊ “International White Cane Day” “နိုင်ငံတကာမျက်မမြင်လမ်းလျှောက်တုတ်နေ့” အခမ်းအနားသို့တက်ရောက်ခဲ့ပြီး ပြိုင်ပွဲဝင်လူဦးရေ ၂၀၀ စာအတွက် ရေသန့်ဗူးနှင့် ပေါင်မုန့်များ လှူဒါန်းခဲ့ပါသည်။ စုစုပေါင်းလှူဒါန်းငွေ ၂၅၀,၀၀၀/-ကျပ် ဖြစ်ပါသည်။