ကျန်းမာရေး

၁.၁၀.၂၀၂၅ ရက်နေ့တွင် ကယားပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဒုဥက္ကဌ ဒေါ်ကျော်နီနီညွန့်၊ ပြည်နယ်အလုပ်အမှုဆောင် ဒေါ်ဗျားမြာမောင် တို့သည် လွိုင်ကော်ပြည်သူ့ဆေးရုံကြီး၌ ဆေးကုသမှုခံယူနေသော စွန့်ပစ်ခံ မွေးကင်းစကလေးငယ်တစ်ဦး (မ)အား သွားရောက်ကြည့်ရှုပြီး လိုအပ်သောကျန်းမာရေးစစ်ဆေးမှုများပြုလုပ်နိုင်ရန်အတွက် အလှူငွေများ ထောက်ပံ့ပေးအပ်ခဲ့ပါသည်။

၂၉.၉.၂၀၂၅ ရက်နေ့တွင် ကယားပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း မှ ဥက္ကဌ ဒေါ်အိစုကျော်သည် လွိုင်ကော်မြို့၊ ရွှေတောင်ရပ်ကွက်၊ ရွှေတောင်လမ်းရှိ ဒေါ်ချိုမာ ၏နေအိမ်ခြံဝန်းရှေ့တွင် မွေးကင်းစကလေးငယ်တစ်ဦး(မ)အား ၂၈.၉.၂၀၂၅ ရက်နေ့ ညဘက်တွင် လာရောက်စွန့်ပစ်ထားသဖြင့် ၎င်းနေအိမ်တွင် ရေဘေးကြောင့်ယာယီရောက်ရှိတည်းခိုနေသူ နန်းခင်သန္တာထွေး (ဘ) စိုင်းဘသန်း က နို့မှုန့်တိုက်ကျွေးကာစောင့်ရှောက်ထားကြောင်းသိရှိရသဖြင့် ဒုဥက္ကဌ ဒေါ်ကျော်နီနီညွန့်၊ အတွင်းရေးမှူး ဒေါ်နှင်းနှင်းရီနှင့် အလုပ်အမှုဆောင်များကို စေလွှတ်၍ သွားရောက်ကြည့်ရှုစေခဲ့ပြီး ကလေးအတွက် လိုအပ်သောအနှီး(ဖြူ)၊ အနှီး(ဖလံထည်)၊ နို့မှုန့်၊ နို့ဗူး၊ တစ်ရှူး၊ ကလေးသေးခံများအား ဝယ်ယူထောက်ပံ့ပေးခဲ့ပါသည်။

၂၀.၉.၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်ဝတ်ရည် နှင့် အလုပ်အမှုဆောင် ၆ ဦးသည် ပဲခူးမြို့၊ ဖူဆယ်အားကစားကွင်းတွင် ကျင်းပပြုလုပ်သော မသန်စွမ်းကလေးငယ်များ အားကစားပြိုင်ပွဲသို့ တက်ရောက်အားပေးကြည့်ရှုခဲ့ပြီး ကလေးငယ်များအား အာဟာရဒါနအနေဖြင့် ကြက်ဆီထမင်း၊ မုန့်နှင့် အချိုရည်များ ပေးအပ်လှူဒါန်းခဲ့ပြီး ဘောလုံးပြိုင်ပွဲတွင် ပထမဆုရရှိသောအသင်းအား ငွေ ၁၀၀၀၀၀ိ/-ကျပ် ဆုချီးမြှင့် ပေးအပ်ခဲ့ပါသည်။

၁၈.၉.၂၀၂၅ ရက်နေ့ နံနက် ၁၁၃၀ နာရီတွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေး အသင်းမှ ဒုဥက္ကဌ ဒေါ်သူဇာဝေ၊ တွဲဖက်ဘဏ္ဍာရေးမှူး ဒေါ်နီလာအေး၊ ဗဟိုအလုပ် အမှုဆောင်များနှင့် အလုပ်အမှုဆောင်များသည် နေပြည်တော်၊ ဒက္ခိဏသီရိမြို့နယ်၊ ကျောက်မျက်ပြကွင်းသို့ ပြောင်းရွှေ့ဖွင့်လှစ်ထားသော သားဖွားမီးယပ်ရောဂါ အထူးကုဆေးရုံကြီး(နေပြည်တော်) ယာယီဆေးရုံသို့သွားရောက်၍ မွေးနေ့အလှူရှင်  ဦးမြတ်မင်းနှင့် ဒေါ်သဲဖြူဇင်(အသင်းအလုပ်အမှုဆောင်) မိသားစုက လှူဒါန်းသော  လူနာများ၊ လူနာစောင့်များ၊ ဆေးရုံဝန်ထမ်းများ စုစုပေါင်း ၉၂ ဦးအတွက်  နေ့လည်စာ ကြက်သားဟင်း၊ ချဉ်ရည်ဟင်း၊ ထမင်းတို့အား အာဟာရဒါနကျွေးမွေး လှူဒါန်းခဲ့ကြပါသည်။

၁၈.၉.၂၀၂၅ ရက်နေ့ နံနက် ၁၀၃၀ နာရီတွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဒုဥက္ကဌ ဒေါ်သူဇာဝေ၊ တွဲဖက်ဘဏ္ဍာရေးမှူး ဒေါ်နီလာအေး၊ ဗဟိုအလုပ် အမှုဆောင်များနှင့် အလုပ်အမှုဆောင်များသည် နေပြည်တော်၊ ဒက္ခိဏသီရိမြို့နယ်၊ ခုတင်-၅၀ ဆံ့ပြည်သူ့ဆေးရုံသို့ ပြောင်းရွေ့ဖွင့်လှစ်ထားသော ကလေးရောဂါအထူးကုဆေးရုံကြီး (နေပြည်တော်)ယာယီဆေးရုံသို့သွားရောက်၍ အသင်းမှ လှူဒါန်းသော ကလေးလူနာများ/လူနာစောင့်များအတွက် နံနက်စာ ကြက်သားဆန်ပြုတ်၊ နေ့လည်စာ  ကြက်သားကြော်၊ ကြက်ဥပြုတ်၊ ငါးခြောက် ကြော်၊ သီးစုံပဲဟင်းတို့ကို အာဟာရဒါန ကျွေးမွေးလှူဒါန်းခဲ့ပါသည်။ ထို့နောက် ကလေးလူနာ ၆၂ ဦး အတွက်