ကျန်းမာရေး

(၂၃.၁၂.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အတွင်းရေးမှူးတို့သည် ရှမ်းပြည်နယ်(မြောက်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အလုပ်အမှုဆောင်ထံသို့သွားရောက်၍ မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(ဗဟို)မှ ထောက်ပံ့ငွေ (၃၀၀၀၀၀)ကျပ် ထောက်ပံ့ပေးအပ်၍ အားပေးစကားများပြောကြားခဲ့ပါသည်။ အလုပ်အမှုဆောင်မိသားစုကလည်း ခြုံစောင်များ ပြန်လည်လက်ဆောင်ပေးအပ်ခဲ့ပါသည်။

(၁၉.၁၂.၂၀၂၄)ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင် (၃)ဦးသည် မကွေးတိုင်းဒေသကြီး၊ ပြည်သူ့ကျန်းမာရေးဦးစီးဌာနက မကွေးမြို့စုပေါင်းရုံးတွင် ကျင်းပပြုလုပ်သော ကျောင်းအခြေပြု တီဘီရောဂါအရှိန်အဟုန်မြှင့် ကွင်းဆင်းရှာဖွေခြင်းလုပ်ငန်းစီမံချက် အသိပေးရှင်းလင်းပွဲအခမ်းအနားသို့ တက်ရောက်ခဲ့ပါသည်။

(၁၈.၁၂.၂၀၂၄)ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် နေပြည်တော်၊ ကလေးအထူးကုဆေးရုံကြီးတွင် ဆေးရုံတက်ရောက်ကုသနေသော လူနာများအတွက် အာဟာရဒါနအဖြစ် ပဲနို့၊ ကွေကာအုပ်၊ ပေါင်မုန့်၊ ဘီစကစ်၊ ဝေဖာနှင့် ခြေအိတ်များ ကာလတန်ဖိုး (၂၀၀၀၀၀၀)ကျပ်ကို ပေးအပ်လှူဒါန်းခဲ့ပါသည်။

(၁၆.၁၂.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဗဟိုအလုပ်အမှုဆောင် များသည် နေပြည်တော်၊ ဥတ္တရသီရိမြို့နယ်၊ သားဖွားမီးယပ် အထူးကုဆေးရုံကြီး (ခုတင်-၅၀၀)တွင် တက်ရောက်ကုသနေသော အမျိုးသမီးလူနာများနှင့် မီးဖွားမိခင်များအား နေ့လည်စာအာဟာရများ ကာလတန်ဖိုး (၃၀၀၀၀၀)ကျပ် ကျွေးမွေးလှူဒါန်းခဲ့ပါသည်။

(၁၁.၁၂.၂၀၂၄)ရက်နေ့တွင် ရှမ်းပြည်နယ်(တောင်ပိုင်း)၊ အမျိုးသမီးများနှင့်ကလေးသူငယ် များဘဝမြှင့်တင်ရေးအသင်းမှ ဥက္ကဌနှင့် အတွင်းရေးမှူးတို့သည် အေးသာယာမြို့၊ မြန်မာ့တိုင်းရင်းဆေးရုံတွင် ဆေးကုသလျက်ရှိသော ရှမ်းပြည်နယ်(မြောက်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အလုပ်အမှုဆောင်ထံသို့ သွားရောက်၍ မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ထောက်ပံ့ငွေ (၁၀၀၀၀၀)ကျပ်၊ ရှမ်းပြည်နယ် (တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ထောက်ပံ့ငွေနှင့် ပစ္စည်းများ ကာလတန်ဖိုး (၈၄၇၀၀)ကျပ် စုစုပေါင်း (၁၈၄၇၀၀)ကျပ်အား ထောက်ပံ့ပေးအပ်၍ အားပေးစကားများပြောကြားခဲ့ပါသည်။

(၉.၁၂.၂၀၂၄)ရက်နေ့တွင် မကွေးတိုင်း၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် (၄)ဦးသည် မကွေးတိုင်းပြည်သူ့ကျန်းမာရေးဦးစီးဌာနက မကွေးမြို့၊ မြို့နယ််စုပေါင်းရုံးခန်းမတွင် ကျင်းပပြုလုပ်သော ၂၀၂၄ ခုနှစ် ကမ္ဘာ့ခုခံအားကျဆင်းမှု ကူးစက်ရောဂါတိုက်ဖျက်ရေးနေ့အထိမ်းအမှတ်အခမ်းအနားကို တက်ရောက်ခဲ့ပါသည်။