ကျန်းမာရေး

(၂၄.၇.၂၀၂၀)ရက်နေ့တွင် မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင်ရေးအသင်း မှ ဒုဥက္ကဋ္ဌ၊ အတွင်းရေးမှူးနှင့် CEC များသည် Covid-19 ကာလ ဥတ္တရသီရိမြို့နယ်၊ ကျွဲရှင်းကျေးရွာ၊ မဏိဇောတိက ဘုန်းကြီးကျောင်းတွင် ကျောင်းထိုင်ဆရာတော်ထံ ဝါဆိုသင်္ကန်း၊ ၀တ္ထုငွေ၊ အသုံးအဆောင်ပစ္စည်းများ၊ စားသောက်ကုန်များ၊ အကာအကွယ်ပစ္စည်းများ သွားရောက်လှူဒါန်းခြင်း၊ ကျွဲရှင်း အ.ထ.က ကျောင်းဝင်းအတွင်းရှိ စာသင်ကျောင်းဆောင်များတွင် ပိုးသတ်ဆေးများ ဖြန်းပေးနေသော ကျေးရွာဖွံ့ဖြိုးရေးအဖွဲ့ထံ အကာအကွယ်ပစ္စည်းများ ပေးအပ်လှူဒါန်းခဲ့ပါသည်။

(၁၅.၇.၂၀၂၀)ရက်နေ့တွင် MWCDF အသင်းမှ အတွင်းရေးမှူးနှင့် CEC အဖွဲ့ဝင်များသည် ဥတ္တရသီရိမြို့နယ်၊ မအူလေးပင်ကျေးရွာ၊ ရွာဦးဘုန်းကြီးကျောင်းသို့ သွားရောက်၍ ကျောင်းထိုင်ဆရာတော်ထံ ဝါဆိုသင်္ကန်း၊ ဝတ္ထုငွေနှင့် လှူဖွယ်ပစ္စည်းများ လှူဒါန်းခြင်း၊ ကျေးရွာရှိ အသင်းဝင်များနှင့် စာကြည့်တိုက်တွင် တွေ့ဆုံ၍ Covid-19 ကပ်ရောဂါ ကာကွယ်ထားရှိမှုအခြေအနေနှင့် ကျန်းမာရေးနှင့်အားကစား ဝန်ကြီးဌာနမှ ထုတ်ပြန်ထားသော ရောဂါကာကွယ်နည်းများကို စနစ်တကျလိုက်နာကြရန် မှာကြားခဲ့ပြီး အဖွဲ့ဝင်များအား အလှူငွေ၊ Mask ၊ ဆပ်ပြာဘူးနှင့် ဝတ်စုံများ ပေးအပ်လှူဒါန်းခြင်း၊ မသန်စွမ်းညီမ(၂)ဦးထံ အကာအကွယ်ပစ္စည်း များနှင့် အစားအသောက်များ လှူဒါန်းခဲ့ပါသည်။