ပညာရေး

၁၃.၁၀.၂၀၂၅ ရက်နေ့တွင် ချင်းပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးနှင့် အဖွဲ့ဝင်များသည် ဗေသလဘိုးဘွားရိပ်သာ၊ သုခိတာသီလရှင်စာသင်တိုက်၊ နိုမန်းပန်းဥယျာဉ်လူငယ်ဖွံ့ဖြိုးရေးပရဟိတဂေဟာ၊ လာခိုမိဘမဲ့ဂေဟာ၊ ကျိမ်နွမ်နေ့မူကြိုကျောင်းများသို့သွားရောက်၍ ထောက်ပံ့ငွေ ၃၀၀,၀၀၀/-ကျပ်၊ ဗလာစာအုပ်၊ မားမားချဉ်စပ်၊ ကုလားပဲ၊ ကြက်ဥ စသည့်ပစ္စည်းတန်းဖိုးသင့်ငွေ ၂၃၀,၀၀၀/-ကျပ်ဖြစ်ပါသည်။ စုစုပေါင်းလှူဒါန်းငွေ ၅၃၀,၀၀၀/-ကျပ် ထောက်ပံ့လှူဒါန်းခဲ့ပါသည်။

၃.၁၀.၂၀၂၅ ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်စီ နှင့် အဖွဲ့ဝင် ၂ ဦးသည် မကွေးပညာရေးကောလိပ် ပညာ့ဗိမာန်ခန်းမတွင် ကျင်းပပြုလုပ်သော  ၂၀၂၅- ၂၀၂၆ ပညာသင်နှစ် ပညာရေးဝန်ကြီးဌာန၊ ဆရာအတတ်သင်ပညာဦးစီးဌာန မကွေးပညာရေးဒီဂရီကောလိပ်တွင်ဖွင့်လှစ်သော ပညာရေးနှင့်သင်ပြနည်းပညာဒီပလိုမာသင်တန်း (Dip.EP)  အမှတ်စဉ် ၂  သင်တန်းဖွင့်ပွဲသို့ တက်ရောက်ခဲ့ပါသည်။

၂၈.၉.၂၀၂၅ ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်အေးအေးသင်းနှင့် အသင်းဝင် ၂ ဦးတို့သည် စက်တင်ဘာလလှူဒါန်းမှုအဖြစ် ရွှေကျင်တိုက်မကြီးကျောင်းတွင် ဆရာတော်ကြီး၏ စောင့်ရှောက်မှုဖြင့်ရောက်ရှိနေကြသော မတ္တရာမြို့နယ်၊ မိုးကြိုး(အ.ထ.က)မှ တိုက်ပွဲရှောင် ကျောင်းသား‌/သူ ၁၁၂ ဦးအတွက် စာရေးကိရိယာများနှင့် ဆီချက်ခေါက်ဆွဲထုတ်များ လှူဒါန်းပေးခဲ့ပါသည်။ ထို့နောက် တက္ကသိုလ်ဝင်တန်းအောင် ကျောင်းသား ၅ ဦးကိုလည်း ဆုငွေနှင့် စာရေးကိရိယာများချီးမြှင့်ခဲ့ပါသည်။ လှူဒါန်းငွေစုစုပေါင်း ၃၁၃,၀၀၀/-ကျပ်ဖြစ်ပါသည်။

၂၅.၉.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်ဝတ်ရည်နှင့် အလုပ်အမှုဆောင်များသည် ပဲခူးတိုင်းဒေသကြီးအစိုးရအဖွဲ့နှင့် ပဓာနနာယကဆရာတော်ကြီး (၁၅)ပါး ကြီးမှူးကျင်းပသော သမဂ္ဂဝတ္ထဒါယီအသင်းကြီး စာအောင်ဆုနှင်းသဘင်နှင့် သီလရှင်ဝတ်ရုံလွှာပိတ် လှူဒါန်းပွဲအခမ်းအနားသို့ တက်ရောက်ခဲ့ပြီး သီလရှင်အပါး (၁၀၀၀)အား ကြက်သွန်(နီ)အိတ်များလှူဒါန်းခြင်း၊ ဆွမ်းဆန်စိမ်းလောင်းလှူခြင်း၊ စာအောင်သီလရှင်များအား ဆုလက်မှတ်များနှင့် ဝတ္ထုငွေများဆက်ကပ်လှူဒါန်းခြင်း၊ သီလရှင် (၂၀) ပါးအား ဝတ်စုံများဆက်ကပ်လှူဒါန်းခြင်းများဆောင်ရွက်ခဲ့ပါသည်။

၂၅.၉.၂၅ ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း မှ ဥက္ကဌ ဒေါ်ဆွေဆွေတင့် ၊ အတွင်းရေးမှူး ဒေါ်ရီရီတင်နှင့် အဖွဲ့ဝင်များသည် ပုသိမ်မြို့ရှိ အမှတ် (၁၃/၁၇) အခြေခံမူလတန်းကျောင်းများသို့ သွားရောက်၍ ကျောင်းသား/သူများအတွက် ဗလာစာအုပ်၊ ခဲတံ၊ ခဲဖျက်၊ ပေတံ အစရှိသည့် စာရေးကိရိယာများ သွားရောက်ထောက်ပံ့လှူဒါန်းခဲ့ပါသည်။ လှူဒါန်းမှုမှာ ၆၀၁,၃၀၀/- ကျပ်ဖြစ်ပါသည်။

၂၀.၉.၂၀၂၅ ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ဆွေဆွေတင့် နှင့် အဖွဲ့ဝင်များသည် ပုသိမ်မြို့၊ ပန်းဆက်ရပ်ကွက်၊ လူငယ်ပြုစုရေးစခန်းရှိ ကလေးများအား နံနက်စာ နို့ဆန်ပြုတ် အာဟာရတိုက်ကျွေးခဲ့ပြီး ကလေးများအတွက် ကျောင်းသုံးဗလာစာအုပ်နှင့် စာရေးကိရိယာများ၊ သွားတိုက်ဆေးဗူးများ၊ အဝတ်လျှော်ဆပ်ပြာမှုန့်များလှူဒါန်းခဲ့ပါသည်။ စုစုပေါင်းလှူဒါန်းငွေ ၃၆၀,၀၀၀/-ကျပ် ဖြစ်ပါသည်။