ပညာရေး

(၁၆-၈-၂၀၁၉) ရက်နေ့ နေ့လည်ပိုင်းတွင် ကယားပြည်နယ် မြန်မာနိုင်ငံအမျိုးသမီးများနှင့် ကလေးသူငယ်များ ဘဝမြှင့် တင်ရေးအသင်း(MWCDF)မှ ပြည်နယ်အတွင်းရေးမှူး ဒေါ်ဝင့်ဝင့်ထွေးနှင့် အဖွဲ့ဝင်များသည် လွိုင်ကော်မြို့နယ်၊ နောင်ယားခ ရပ်ကွက်ရှိ အ.မ.က(၂)ကျောင်းသို့ ကျောင်းသူ၊ကျောင်းသား(၂၄၀)အား ဗလာစာအုပ်နှင့် အာဟာရအဖြစ် ကြက်သားဆန်ပြုတ်သွားရောက် လှူဒါန်းခဲ့ ကြပါသည်။

(၂၀.၈.၂၀၁၉)နေ့တွင် MWCDFအသင်းမှ ဒုဥက္ကဋ္ဌများ၊ အတွင်းရေးမှူးနှင့် CECများသည် နေပြည်တော်၊ ဥတ္တရသီရိမြို့နယ်၊ မအူလေးပင် အ.လ.က ကျောင်းသို့သွားရောက်၍ ဆရာ၊ ဆရာမ များနှင့်တွေ့ဆုံကာ ကျောင်းတွင်လိုအပ်နေသော တန်ဖိုးငွေကျပ်(US$-487)- မြန်မာကျပ်ငွေဖြင့် (၇၃၀,၅၀၀)တန်ဖိုးရှိ ကွန်ပျူတာ(၁)စုံနှင့် ပလပ်စ တစ်ထိုင်ခုံ(၁၀)လုံးတို့အား လှူဒါန်းခဲ့ကြပါသည်။

(၇.၈.၂၀၁၉)နေ့တွင် မွန်ပြည်နယ်၊ MWCDFအသင်းမှ အလုပ်အမှုဆောင်များသည် မော်လမြိုင်မြို့၊ ပျဉ်တောင် တန်းရပ်၊ မူလတန်းကျောင်းရှိ ကျောင်းသား/သူများအား အာဟာရကြက်သားဆန်ပြုတ်တိုက်ကျွေးခြင်းနှင့် ကျောင်းသုံးစာအုပ်များအား လှူဒါန်းခြင်း စုစုပေါင်း တန်ဖိုး(၁၂၂၀၀၀)ကျပ်ဖိုးလှူဒါန်းခဲ့ကြပါသည်။

(၂၅.၄.၂၀၁၉)နေ့တွင် စစ်ကိုင်းတိုင်း MWCDF အသင်း အလုပ်အမှုဆောင်အဖွဲ့ဝင်များသည် ပညာသင်ကြားရန်အတွက် အကူအညီလိုအပ်လျက်ရှိသော စစ်ကိုင်းခရိုင်၊ မြောင်မြို့နယ်နှင့် မြင်းမူမြို့နယ်မှ မဟာတန်းတက်ရောက်နေသည့် ကျောင်းသူများအား တစ်ဦးလျှင်-(၅၀,၀၀၀)ကျပ် နှုန်းဖြင့်လည်းကောင်း၊ ကျောင်းမနေနိုင်၍ နွားကျောင်းနေရသော ပဥ္စမတန်းတက်ရောက်မည့် ကလေးအား ကျောင်းပြန်တက်နိုင်ရေးအတွက် တစ်လ-(၂၀,၀၀၀)ကျပ် နှုန်းဖြင့်လည်းကောင်း၊ မုံရွာပညာရေးကောလိပ်တွင် တက်ရောက်နေသော မောင်သူရိန်စိုးအား ပညာသင်ထောက်ပံ့ငွေ-(၅၀,၀၀၀)ကျပ်အား လည်းကောင်း ပေးအပ်လှူဒါန်းခဲ့ပါသည်။ ထို့နောက် ကျောင်းသား/သူကလေးများအတွက် ဝတ်စုံအထည် (၅၀)၊ ကလေးပုံပြင်စာအုပ်(၃၀)အုပ်၊ ဆပ်ပြာ တောင့်(၅၀)တောင့် လှူဒါန်းခဲ့မှု စုစုပေါင်းတန်ဖိုး-( ၃၅၀,၀၀၀ )ကျပ် လှူဒါန်းခဲ့ပါသည်။