ပညာရေး

(၁.၈.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ  ဥက္ကဌ၊ ဒုဥက္ကဌ၊  ဗဟိုအလုပ်အမှုဆောင်များနှင့် အလှူရှင်မိသားစုတို့သည် ဥတ္တရသီရိမြို့နယ်၊ အ.မ.က (ချင်းရွာ) ကျောင်းသို့သွားရောက်၍ ကျောင်းအုပ်ဆရာကြီး၊ ဆရာ/ဆရာမများနှင့်တွေ့ဆုံကာ ကျောင်း၏လိုအပ်ချက်များအားကြည့်ရှုပြီး အသင်းဥက္ကဌမိသားစုမှ ဝန်ထမ်းဆောင်ပြုပြင်နိုင်ရန်အတွက် အလှူငွေများလှူဒါန်းခြင်း၊ ဒုဥက္ကဌ (မိသားစု)မှ ကျောင်းရုံးခန်းတွင်လိုအပ်နေသော စတန်းပန်ကာ (၂)လုံး၊ ဆရာ/ဆရာမများအတွက် ကျောင်းဝတ်စုံများ၊ ဆန်၊ ကော်ဖီမစ်ထုပ်၊ ဆပ်ပြာခဲ၊ အလှူငွေများလှူဒါန်းခြင်း၊ ကျောင်းသား/သူ (၁၆၀)ဦးအတွက် ကျောင်းဝတ်စုံများ၊ ဗလာစာအုပ်များ၊ ခဲတံ၊ ခဲဖျက်နှင့် ထီးများ လှူဒါန်းခြင်း၊ အလှူရှင်(မိသားစု)မှ သောက်ရေစင်အထိုင်ပြုလုပ်ရန်အတွက် အလှူငွေနှင့်

(၂၅.၇.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အသင်းဝင်များသည် လယ်ဝေးမြို့နယ်၊ ထိန်အင်းကျေးရွာ၊ ဧလာတိဏ္ဏဆရာတော်အား ဝါဆိုသင်္ကန်းဆက်ကပ်လှူဒါန်းခြင်း၊ နဝကမ္မအလှူငွေလှူဒါန်းခြင်း၊ ဆန်၊ ဆီ၊ ဆား၊ ဆေးမျိုးစုံဆက်ကပ်လှူဒါန်းခြင်း၊ စက်မှုစိုက်ပျိုးမွေးမြူရေးအထက်တန်းကျောင်း(ပျံချီ)သို့ တက်ရောက်နေသော ကျောင်းသား/သူများအတွက် လိုအပ်နေသော ကျောင်းဝတ်စုံအဖြူ/အစိမ်း (၃၄)စုံနှင့် ဆရာများအတွက် အင်္ကျီနှင့်ပုဆိုးတစ်စုံစီ သွားရောက်လှူဒါန်းခဲ့ပါသည်။

(၂၁.၇.၂၀၂၄)ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ၊ အတွင်းရေးမှူး၊ ဘဏ္ဍာရေးမှူးနှင့် အသင်းဝင် (၃)ဦးသည် မန္တလေးတောင်ခြေရှိ ရွှေကျင်တိုက်မကြီးဆရာတော်အား ဝါဆိုသင်္ကန်းနှင့် နဝကမ္မအတွက် ဝတ္ထုငွေများဆက်ကပ်လှူဒါန်းခြင်း၊ ဆရာတော်မှ ခေါ်ယူစောင့်ရှောက်ထားသော မတ္တရာမြို့နယ်၊ မိုးကြိုးရွာမှ နေရပ်စွန့်ခွါကျောင်းသား/သူ (၁၀၀)ဦးအား နေ့လည်စာအာဟာရကျွေးမွေးလှူဒါန်းခြင်းနှင့် စာအုပ်များ၊ ဆပ်ပြာမွှေးခဲများ လှူဒါန်းခဲ့ကြပါသည်။

(၁၆.၇.၂၀၂၄)ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် လျှပ်စစ်မီးရရှိရန်ခက်ခဲသော အ.ထ.က(ခွဲ)ပန်းတောကြီး ကျောင်းသို့ သွားရောက်၍ MWCDF အသင်း(ဗဟို)မှလှူဒါန်းထားသော ဆိုလာပစ္စည်းများ၊ မီးကြိုးများကို ကျောင်းအုပ်ဆရာကြီးထံ ပေးအပ်လှူဒါန်းခဲ့ပါသည်။

(၁၃.၃.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဧရာဝတီတိုင်းဒေသကြီးအတွင်းရှိ လျှပ်စစ်မီးရရှိရန်ခက်ခဲသော စာသင်ကျောင်းများအတွက် ဆိုလာပစ္စည်းများပေးအပ်လှူဒါန်းခြင်းနှင့် တိုင်းအမှုဆောင်များအားတွေ့ဆုံခြင်း အခမ်းအနားကို ပုသိမ်မြို့၊ ဧရာရွှေဝါခန်းမ၌ကျင်းပပြုလုပ်ရာ တိုင်းဒေသကြီးဝန်ကြီးချုပ်၏ဇနီး တက်ရောက်၍အဖွင့်အမှာစကားပြောကြားခြင်း၊ MWCDF အသင်း ဒုဥက္ကဌမှ အသင်းသမိုင်းကြောင်းနှင့် လုပ်ဆောင်နေမှုများအား ရှင်းလင်းပြောကြားခြင်းနှင့် တွဲဘက်အတွင်းရေးမှူးမှ ဆိုလာပစ္စည်းများနှင့်ပတ်သက်၍ ရှင်းလင်းပြောကြားပြီး ဧရာဝတီတိုင်းဒေသကြီးအတွင်းရှိ အခြေခံကျောင်းများမှ တာဝန်ရှိသူ ကျောင်းအုပ်ဆရာကြီး/ ဆရာမကြီးများထံ ဆိုလာပစ္စည်းများ၊ အသင်းဗလာစာအုပ်များ ပေးအပ်ခြင်းနှင့် မူကြိုကျောင်းဆရာ/ ဆရာမများထံ မူကြိုကလေးများအတွက် ကလေးကစားစရာ ပစ္စည်းပုံးများ ပေးအပ်လှူဒါန်းခဲ့ပါသည်။ ထိုပြင် အသင်းဒုဥက္ကဌနှင့် ဗဟိုအလုပ်အမှုဆောင်များက