ပညာရေး

(၄.၉.၂၀၂၂)နေ့တွင် မကွေးတိုင်း MWCDF အသင်းနှင့် အလှူရှင်များစုပေါင်း၍ မကွေးမြို့ပေါ်ရှိ (ဘ.က)ကျောင်းများနှင့် သီလရှင်ကျောင်းများ စုစုပေါင်း-(၂၁)ကျောင်းသို့ အခြေခံစားသောက်ကုန်၊ အသုံးအဆောင်ပစ္စည်းနှင့် စာရေးကိရိယာများ သွားရောက်လှူဒါန်းခဲ့ပါသည်။

(၂၂.၈.၂၀၂၂)နေ့တွင် ကချင်ပြည်နယ် MWCDF အသင်း ဥက္ကဌနှင့် အဖွဲ့ဝင်များသည် မိုးကောင်းမြို့၊ ဥတ္တရာရုံသီလရှင်ကျောင်းသို့ အလှူငွေ၊ ဆန်၊ ဆီ၊ ဗလာစာအုပ်နှင့် ဖိနပ်များ သွားရောက်လှူဒါန်းခဲ့ပါသည်။

(၃.၈.၂၀၂၂)နေ့တွင် နေပြည်တော်၊ ဥတ္တရသီရိမြို့နယ်၊ ချင်းရွာ အ.မ.က(၃)ကျောင်းရှိ ဆရာ/မ(၇)ဦး အတွက် ကျောင်းဝတ်စုံ၊ ဆန်၊ ဆီနှင့် ကျောင်းသား/သူ(၁၄၉)ဦးအတွက် ကျောင်းသုံးစာရေးကိရိယာများ အား အလှူရှင် ဒုဥက္ကဌမိသားစုမှ ပေးအပ်လှူဒါန်းခဲ့ပါသည်။

(၂၂.၇.၂၀၂၂)နေ့တွင် တနင်္သာရီတိုင်း MWCDF အတွင်းရေးမှူးနှင့် အဖွဲ့ဝင်များသည် ထားဝယ်မြို့၊ ဘုမ္မော်ရပ်ကွက်၊ အ.မ.က(မူလွန်)ကျောင်းသို့ သွားရောက်၍ ကျောင်းသား/သူကလေးများအား ကျောင်းသုံးစာရေးကိရိယာများ ပေးအပ်လှူဒါန်းခြင်း၊ ပညာ၏ မြင့်မြတ်မှု၊ အဖိုးတန်မှုများနှင့် အားပေးစကားများ ပြောကြားခဲ့ပါသည်။

(၁၄.၇.၂၀၂၂)နေ့တွင် MWCDF(ရုံးချုပ်)မှ ခေတ္တဥက္ကဌနှင့် CEC အဖွဲ့ဝင်များ၊ ရှမ်းပြည်နယ်(တောင်ပိုင်း) MWCDF အသင်း ဥက္ကဌနှင့် အဖွဲ့ဝင်များသည် တောင်ကြီးမြို့၊ YGW ပရဟိတမိဘမဲ့ကလေးများ စောင့်ရှောက်ရေးကျောင်းသို့ သွားရောက်၍ ဝတ္ထုငွေ၊ သင်္ကန်း၊ ကျောင်းသုံးစာရေးကိရိယာများ၊ အခြေခံ စားသောက်ကုန်များနှင့် အသုံးအဆောင်ပစ္စည်းများ လှူဒါန်းခဲ့ပါသည်။

(၁၅.၇.၂၀၂၂)နေ့တွင် ရန်ကုန်တိုင်း MWCDF အသင်းမှ ပညာသင်စရိတ်ထောက်ပံ့ပေးထားသော သုံးခွ မြို့နယ်၊ ရဲနွဲ့ကျေးရွာမှ အမွှာကျောင်းသူ(၂)ဦးသည် တက္ကသိုလ်ဝင်စာမေးပွဲထူးချွန်စွာ အောင်မြင်ခဲ့သည့် အတွက် တစ်ဦးလျှင် (၁)သိန်းကျပ်နှုန်းဖြင့် ထောက်ပံ့ငွေနှင့် ဝမ်းဆက်တစ်စုံစီ ချီးမြှင့်ပေးအပ်ခဲ့ပါသည်။