ပညာရေး

၂၅.၉.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်ဝတ်ရည်နှင့် အလုပ်အမှုဆောင်များသည် ပဲခူးတိုင်းဒေသကြီးအစိုးရအဖွဲ့နှင့် ပဓာနနာယကဆရာတော်ကြီး (၁၅)ပါး ကြီးမှူးကျင်းပသော သမဂ္ဂဝတ္ထဒါယီအသင်းကြီး စာအောင်ဆုနှင်းသဘင်နှင့် သီလရှင်ဝတ်ရုံလွှာပိတ် လှူဒါန်းပွဲအခမ်းအနားသို့ တက်ရောက်ခဲ့ပြီး သီလရှင်အပါး (၁၀၀၀)အား ကြက်သွန်(နီ)အိတ်များလှူဒါန်းခြင်း၊ ဆွမ်းဆန်စိမ်းလောင်းလှူခြင်း၊ စာအောင်သီလရှင်များအား ဆုလက်မှတ်များနှင့် ဝတ္ထုငွေများဆက်ကပ်လှူဒါန်းခြင်း၊ သီလရှင် (၂၀) ပါးအား ဝတ်စုံများဆက်ကပ်လှူဒါန်းခြင်းများဆောင်ရွက်ခဲ့ပါသည်။

၂၅.၉.၂၅ ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း မှ ဥက္ကဌ ဒေါ်ဆွေဆွေတင့် ၊ အတွင်းရေးမှူး ဒေါ်ရီရီတင်နှင့် အဖွဲ့ဝင်များသည် ပုသိမ်မြို့ရှိ အမှတ် (၁၃/၁၇) အခြေခံမူလတန်းကျောင်းများသို့ သွားရောက်၍ ကျောင်းသား/သူများအတွက် ဗလာစာအုပ်၊ ခဲတံ၊ ခဲဖျက်၊ ပေတံ အစရှိသည့် စာရေးကိရိယာများ သွားရောက်ထောက်ပံ့လှူဒါန်းခဲ့ပါသည်။ လှူဒါန်းမှုမှာ ၆၀၁,၃၀၀/- ကျပ်ဖြစ်ပါသည်။

၂၀.၉.၂၀၂၅ ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ဆွေဆွေတင့် နှင့် အဖွဲ့ဝင်များသည် ပုသိမ်မြို့၊ ပန်းဆက်ရပ်ကွက်၊ လူငယ်ပြုစုရေးစခန်းရှိ ကလေးများအား နံနက်စာ နို့ဆန်ပြုတ် အာဟာရတိုက်ကျွေးခဲ့ပြီး ကလေးများအတွက် ကျောင်းသုံးဗလာစာအုပ်နှင့် စာရေးကိရိယာများ၊ သွားတိုက်ဆေးဗူးများ၊ အဝတ်လျှော်ဆပ်ပြာမှုန့်များလှူဒါန်းခဲ့ပါသည်။ စုစုပေါင်းလှူဒါန်းငွေ ၃၆၀,၀၀၀/-ကျပ် ဖြစ်ပါသည်။

၁၈.၉.၂၀၂၅ ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ကေသီအောင် နှင့် အသင်းဝင်များသည် ရှမ်းပြည်နယ်(တောင်ပိုင်း) ဆီဆိုင်မြို့နယ်၊ အ.ထ.က (ဆီဆိုင်)မှ တတိယတန်းကျောင်းသား/သူ ၈၀ ဦးအား အသင်း၏ ဗလာစာအုပ်နှင့် စာရေးကိရိယာများထောက်ပံ့လှူဒါန်းခဲ့ပါသည်။ ထို့နောက် ဆီဆိုင်မြို့နယ်၊ ကိုယ့်အားကိုယ်ကိုးမူကြိုကျောင်းအား မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ပေးပို့ထားသော ကလေးကစားစရာပစ္စည်းစုံဗူးများအား သွားရောက်လှူဒါန်းကာ အာဟာရအကြောင်း ကလေးများအားရှင်းပြခြင်း၊ ကစားစရာအရုပ်များမဲဖောက်ပေးခြင်းများ ဆောင်ရွက်ခဲ့ပါသည်။

၁၇.၉.၂၀၂၅ ရက်နေ့တွင် ရန်ကုန်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌ  ဒေါ်တင်စိန် နှင့် အလုပ်အမှုဆောင် ၃ ဦးသည် တပ်မတော်ဆေးတက္ကသိုလ် ဗိုလ်လောင်း ဖြေဆိုမည့် ၆ ဘာသာဂုဏ်ထူးရှင် နှင့် ၃ ဘာသာဂုဏ်ထူးရှင်တို့နှစ်ဦးအား တစ်ဦးလျှင် ၃ သိန်းကျပ်စီ ၎င်းတို့၏ဆရာမထံမှတစ်ဆင့် ထောက်ပံ့ငွေပေးပို့လှူဒါန်းခဲ့ပါသည်။

၁၁.၉.၂၀၂၅ ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း ဥက္ကဌ ဒေါ်ခင်စီနှင့် အလုပ်အမှုဆောင် ၂ ဦးသည် မကွေးတိုင်း၊ လူမှုဝန်ထမ်းဦးစီးဌာနက မကွေးမြို့နယ် စုပေါင်းရုံးခန်းမတွင် ကျင်းပပြုလုပ်သော ၂၀၂၅-၂၀၂၆ ဘဏ္ဍာရေးနှစ် လူမှုဝန်ထမ်းဦးစီးဌာန၏ တည်ထောင်ခွင့်ပြုမိန့်ရရှိသည့် လူငယ်ဖွံ့ဖြိုးရေးပရဟိတဂေဟာ/ ဘိုးဘွားရိပ်သာ/ ကိုယ့်အားကိုယ်ကိုး မူလတန်းကြိုကျောင်းနှင့် စေတနာမူလတန်း ညကျောင်းများသို့ ထောက်ပံ့ကြေးပေးအပ်ပွဲ အခမ်းအနားသို့ တက်ရောက်ခဲ့ပါသည်။