ပညာရေး

၁၁.၉.၂၅ ရက်နေ့တွင် တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင် ၅ ဦးသည် တနင်္သာရီတိုင်းဒေသကြီး အစိုးရအဖွဲ့က အ.ထ.က (၈)၊ ထားဝယ်မြို့တွင် ကျင်းပပြုလုပ်သော စာကြည့်တိုက်များဖွံ့ဖြိုးတိုးတက်ရေးနှင့် စာဖတ်ရှိန်မြှင့်တင်ရေးပွဲတော်နှင့် ပွဲတော်အထိမ်းအမှတ် ဆုချီးမြှင့်ခြင်း အခမ်းအနားသို့တက်ရောက်ခဲ့ပြီး အသင်းဗလာစာအုပ် ၁ ဒါဇင်နှင့် ထားဝယ်စာရေးဆရာများရေးသားသော သုတ၊ ရသစာအုပ် ၆ အုပ်ကို ပေးအပ်လှူဒါန်းခဲ့ပါသည်။

၁၁.၉.၂၅ ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်မော်မော်ထွန်းသည် ရှေးဦးအရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ ကြီးကြပ်မှုကော်မတီ (ECCD) အဖွဲ့ဝင်များနှင့်အတူ နေပြည်တော်၊ ဒက္ခိဏသီရိမြို့နယ်၊ မိုးသောက်ပန်းလမ်းရှိ Pioneer Advanced Preschool ပုဂ္ဂလိကမူလတန်းကြိုကျောင်း တည်ထောင်ခွင့်ပြုမိန့် ပေးနိုင်ရေးအတွက် သွားရောက်စစ်ဆေးခဲ့ပါသည်။

၃၀.၈.၂၀၂၅ ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်အေးအေးသင်း၊ ဒုတိယဥက္ကဌ၊ အတွင်းရေးမှူးနှင့် အဖွဲ့ဝင်များသည် သပိတ်ကျင်းမြို့နယ်မှ နေရပ်စွန့်ခွာ ကျောင်းသား/သူ ၁၁၀ ဦးအား စာရေးကိရိယာများ လက်ရောက်လှူဒါန်းခြင်းနှင့် တက္ကသိုလ်ဝင်တန်းတွင် ဘောဂဗေဒဂုဏ်ထူးရ ကျောင်းသူတစ်ဦးအား ဆုချီးမြှင့်ပေးအပ်ခြင်းကိုဆောင်ရွက်ခဲ့ပါသည်။ ကျောင်းသား/သူ ၁၁၀ ဦးအား ဒုတိယဥက္ကဌ မှ မုန့်ဖိုးငွေ ၁၀၀၀ ကျပ်စီ ပေးအပ်ခဲ့ပါသည်။ စုစုပေါင်းလှူဒါန်းငွေ ၆၆၀၀၀၀ ကျပ် ဖြစ်ပါသည်။

၂၉.၈.၂၀၂၅ ရက်နေ့တွင် ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ခင်လေးမေသည် ကချင်ပြည်နယ် လူမှုဝန်ထမ်းဦးစီးဌာနက အမှတ်(၁) မူလတန်းကြိုကျောင်းတွင်ကျင်းပပြုလုပ်သော ပန်းချီပြိုင်ပွဲနှင့် ဆုပေးပွဲအခမ်းအနားသို့ တက်ရောက်၍ ဆုရရှိသူများအား ဆုချီးမြှင့်ပေးအပ်ခဲ့ပါသည်။

၂၈.၈.၂၀၂၅ ရက်နေ့တွင် နေပြည်တော် အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်မော်မော်ထွန်း နှင့် ဒုတိယဥက္ကဌ ဒေါ်သီတာမြညိမ်းတို့သည် ရှေးဦးအရွယ် ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာ ကြီးကြပ်မှုကော်မတီ(ECCD) အဖွဲ့ဝင်များနှင့်အတူ နေပြည်တော်၊ ပုဗ္ဗသီရိမြို့နယ်၊ ကံလှကွက်သစ်ရှိ MOE MYINT ပုဂ္ဂလိက မူလတန်းကြိုကျောင်း တည်ထောင်ခွင့်ပြုမိန့်ပေးနိုင်ရေးအတွက် သွားရောက်စစ်ဆေးခဲ့ကြပါသည်။

၁၇.၈.၂၀၂၅ ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဒုတိယဥက္ကဌ ဒေါ်ခင်သန်းမြင့် သည် ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်၏ ၂၀၂၅ ခုနှစ် တက္ကသိုလ်ဝင်တန်း ဂုဏ်ထူးရကျောင်းသား/သူများနှင့် ဂုဏ်ထူးသင် ဆရာ/ဆရာမများအား ဂုဏ်ပြုဆုချီးမြှင့်ခြင်း အခမ်းအနားသို့တက်ရောက်၍ ကျောင်းသား/သူများအား ဆုချီးမြှင့် ပေးအပ်ခဲ့ပါသည်။