လူမှုရေး

၁၅.၆.၂၀၂၅ ရက်နေ့တွင် ပဲခူးမြို့၊ ကျိုက်ပွန်ဇေတဝန်ကျောင်းတိုက်ရှိ ဆရာတော်ကြီး အမှူးပြု၍ သံဃာတော်များအား မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (ဗဟို) ဥက္ကဌ ဒေါက်တာဝေဝေသာ ဦးဆောင်၍ တိုင်းအဖွဲ့ မှဥက္ကဌ ၊ အတွင်းရေးမှူးနှင့် အဖွဲ့ဝင်များက တစ်နေ့တာ အာရုဏ်ဆွမ်း၊ နေ့ဆွမ်း၊ ညနေ အအေးများ ဆက်ကပ်လှူဒါန်းခဲ့ကြပါသည်။ ကျောင်းရှိ နေရပ်စွန့်ခွာစစ်ဘေးရှောင် မိသားစုများကိုလည်း ဆွေမျိုးရင်းခြာကဲ့သို့ ကူညီပေးအပ် လှူဒါန်းခဲ့ပါသည်။

၁၅.၆.၂၀၂၅ ရက်နေ့တွင် တနင်္သာရီတိုင်းဒေသကြီး အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အဖွဲ့ဝင်များသည် ထားဝယ်မြို့၊ ထားဝယ်ဘိုးဘွားရိပ်သာရှိ အဖိုး ၆ ဦး၊ အဖွား ၁၅ ဦးတို့အား နံနက်စာအာဟာရများလှူဒါန်းခဲ့ကြပါသည်။ လှူဒါန်းမှု ၉၅,၀၀၀/- ကျပ် ဖြစ်ပါ သည်။

၁.၆.၂၀၂၅ ရက်နေ့တွင် မန္တလေးတိုင်း အမျိုးသမီးများနှင့်က‌လေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များသည် သီလရှင်စာသင်သား ၁၀၀ ကျော်ရှိသော ငလျင်ဒဏ်သင့်မြဝတီသီလရှင်စာသင်တိုက်ကြီးသို့သွားရောက်၍ ငလျင်ဒဏ်ကြောင့်(၄)ထပ်ကျောင်း ဆောင်ကြီးမှာ အောက်(၂)ထပ်ပြိုကျပျက်စီးခဲ့မှုများကြောင့် ဖြိုချ၍ပြန်လည်ဆောက်လုပ်ရန်အတွက် သီလရှင်ဆရာကြီးထံ အလှူငွေ ၇ သိန်းကျပ် လှူဒါန်းခဲ့ပါသည်။

၃၁.၅.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်က‌လေးသူငယ်များ ဘဝမြှင့်တင်‌ရေးအသင်းမှ ဥက္ကဋ္ဌဒေါက်တာဝေဝေသာ၏ဦးဆောင်လှူဒါန်းမှု၊ ပဲခူးတိုင်းဒေသကြီး တိုင်းဥက္ကဋ္ဌဒေါ်ခင်ဝတ်ရည်နှင့် အဖွဲ့ဝင်များစုပေါင်း၍ သဘာဝဘေးရှောင်/စစ်ရှောင်မိသားစုများထံသို့သွားရောက်၍ အဝတ်အထည်များနှင့် စားသောက်ကုန်ပစ္စည်းများကိုတန်ဘိုးငွေကျပ် ၁,၂၅၀,၀၀၀/-ခန့်သွားရောက်လှူဒါန်းခဲ့ကြပြီး‌နောက် နှစ်သိမ့်ဆွေးနွေးခြင်းနှင့် အားပေးစကားများပြောကြားခဲ့ပါသည်။

၃၀.၅.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်က‌လေးသူငယ်များ ဘဝမြှင့်တင်‌ရေးအသင်းမှ ဒုတိယဥက္ကဋ္ဌဒေါ်စုညွန့်ဦး (မိသားစု)နှင့် အလှူရှင်များစုပေါင်း၍ ရန်ကုန်မြို့၊ သလျင်မြို့နယ်၊ ခေမာရာမသီလရှင်စာသင်တိုက်ရှိ သီလရှင်ဆရာကြီးနှင့် စာသင်သီလရှင်ဆရာလေးများအား နေ့ဆွမ်းဆက်ကပ်လောင်းလှူခြင်း၊ အလှူငွေများ၊ သီလရှင်ဝတ်စုံများနှင့် စားသောက်ကုန်ပစ္စည်းများ သွားရောက်လှူဒါန်းခဲ့ပါသည်။

၃၀.၅.၂၀၂၅ ရက်နေ့တွင် ရန်ကုန်တိုင်း ဒေသကြီးအစိုးရအဖွဲ့ဝင် မိသားစုများနှင့် အမျိုးသမီးကော်မတီဝင် အလှူရှင်များပူး‌ပေါင်း၍ မြန်မာအမျိုးသမီးများဖွံ့ဖြိုးတိုးတက်ရေးအသင်း(ရန်ကုန်)သို့ အလှူငွေနှင့် တစ်ကိုယ်ရေသုံးပစ္စည်းများ လှူဒါန်းပွဲအခမ်းအနားသို့ ရန်ကုန်တိုင်းအမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဒုဥက္ကဌဒေါ်မော်မော်ရှိန်၊ အတွင်းရေးမှူးဒေါ်ခင်သီတာထွန်းအပါ အဖွဲ့ဝင် ၆ ဦးမှ တက်ရောက်၍ စုစုပေါင်း ၉၂ ဦးအတွက် (အချိုရည်၊ မုန့်၊ ဆပ်ပြာနှင့် နံနက်ခင်းတနပ်စာ)တန်ဖိုးသင့်ငွေ ၄၅၀,၀၀၀/-ကျပ်လှူဒါန်းခဲ့ပါသည်။