လူမှုရေး

၁၈.၁.၂၀၂၅ ရက်နေ့တွင် ပဲခူးမြို့၊လိပ်ပြာကန်ရပ်ကွက်၊ မှော်ကန်(၁)လမ်း၊ လိပ်ပြာကန်သီလရှင် စာသင်တိုက်မှ၊ (၂၀၂၄)ခုနှစ်တွင် “ မဟာဂန္ထဝါစကပဏ္ဍိတ” ဘွဲ့တံဆိပ်တော်ရရှိတော်မူသော တိုက်အုပ်ဆရာကြီး ဒေါ်ကလျာသိင်္ဂီ (သာသနဓဇဓမ္မာစရိယ၊ ဝိနယဝိဒူ၊ မဟာဂန္ထဝါစကပဏ္ဍိတ၊ မြို့နယ်သီလရှင် အမှု့ဆောင်အဖွဲ့ အကျိုးတော်ဆောင်)၏ ဂုဏဝိသိဌပူဇာမင်္ဂလာဂုဏ်ပြုပူဇော်ပွဲကိုကျင်းပရာ ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ တက်ရောက်ကြည်ညိုလှူဒါန်းခြင်း ကုသိုလ်ပြုခဲ့ပါသည်။

၇.၁.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(ဗဟို)ရုံးချုပ်၌ပြုလုပ်သော ဘုရားအနေကဇာတင် အလှူ‌တော်မင်္ဂလာပွဲသို့ နေပြည်တော်၊ ပုဗ္ဗသီရိမြို့နယ်၊ မရှိခဏကျောင်းတိုက်မှ ဆရာတော် နှင့် သံဃာတော်အရှင်သူမြတ်တို့ ကြွရောက်၍ ပရိတ်တရားတော်များ ရွတ်ဖတ်ပူဇော်ခဲ့ပါသည်။ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူးနှင့် ဗဟိုအလုပ်မှုဆောင် အဖွဲ့ဝင်များက ဆရာတော်ထံမှ ငါးပါးသီလခံယူဆောက်တည်ခဲ့ကြပြီး နဝကမ္မဝတ္ထု‌ငွေနှင့် သင်္ကန်း၊ လှူဖွယ်ပစ္စည်းများ ဆက်ကပ်လှူဒါန်းခဲ့ကြပါသည်။ လှူဒါန်းမှုအစုစုတို့အတွက် ရေစက်သွန်းချအမျှပေးဝေခဲ့ကြပြီးနောက် ဆရာတော်နှင့်သံဃာတော်အရှင်သူမြတ်များအား နေ့ဆွမ်း နှင့် အချိုပွဲများ ဆက်ကပ်လှူဒါန်းခဲ့ပါသည်။ စုစုပေါင်းလှူဒါန်းငွေ (၇)သိန်းကျပ်ဖြစ်ပါသည်။

၃.၁.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ချမ်းမြေ့ဇေယျာသာမဏေကျော်တက္ကသိုလ်နှင့် ခေါင်းဆေးကျွန်းကျောင်းတိုက်များသို့ အလှူငွေ (၁)သိန်းကျပ်စီ  လှူဒါန်း၍ နှစ်ဦးအလှူဆွမ်းကပ်ခြင်းတို့ကို ဆောင်ရွက်ခဲ့ပါသည်။

(၂၇.၁၂.၂၀၂၄)ရက်နေ့တွင် ရှမ်းပြည်နယ်(တောင်ပိုင်း)၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အတွင်းရေးမှူးနှင့် အလုပ်အမှုဆောင်များသည် တောင်ကြီးမြို့၊ နောင်ကား ရတနာစိန်ကျောင်းတိုက်အတွင်းရှိ မေတ္တာခန္တီစေတီတော်မြတ်ကြီးနှင့် အရံစေတီတော် (၁၆၃)ဆူတို့အား ရွှေထီးတော်တင်လှူခြင်းနှင့် ဘုရားအနေကဇာတင်ခြင်းအခမ်းအနားသို့ တက်ရောက်ခဲ့ပြီး အလှူငွေ (၅၀၀၀၀)ကျပ် လှူဒါန်းခဲ့ပါသည်။

(၅.၁၂.၂၀၂၄)ရက်နေ့တွင် ရှမ်းပြည်နယ်(တောင်ပိုင်း)၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်ကေသီအောင် နှင့် အလုပ်အမှုဆောင် (၃)ဦး၊ အသင်းဝင် (၁၇)ဦး၊ စုစုပေါင်း (၂၀)ဦးသည် ရှမ်းရိုးမဘိုးဘွားရိပ်သာသို့သွားရောက်၍ ဘိုး/ဘွား (၂၀)ဦး၏ အိပ်ဆောင်နေရာများ၊ စားသောက်ဆောင်၊ နားနေဆောင်နှင့် ရေချိုးခန်း/အိမ်သာများအား သန့်ရှင်းရေးဆောင်ရွက်ခြင်း၊ ဘိုးဘွားများအား လက်သည်း/ခြေသည်းညှပ်ပေးခြင်း၊ နေ့လည်စာအာဟာရလှူဒါန်းခြင်း၊ အားဆေးနှင့် ဆန်ပြုတ်ထုပ်များလှူဒါန်းခြင်း၊ မျက်နှာသုတ်ပုဝါများလှူဒါန်းခြင်းတို့ကို ဆောင်ရွက်ခဲ့ပြီး လှူဒါန်းခဲ့သည့် စုစုပေါင်းတန်ဖိုးငွေမှာ (၄၁၇၈၀၀)ကျပ် ဖြစ်ပါသည်။

(၁.၁၂.၂၀၂၄)ရက်နေ့တွင် တနင်္သာရီတိုင်း၊ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင်(၈)ဦးသည် ထားဝယ်မြို့၊ မြို့မယဉ်ငေးသာသနာ့ရိပ်သာ တိုက်အုပ်ဆရာတော်၏ သီရိလင်္ကာနိုင်ငံ၊ ကေလနိယတက္ကသိုလ်မှ ဒေါက်တာဘွဲ့ရရှိတော်မူသော ပထမဦးဆုံး ထားဝယ်အမျိုးသား ရဟန်းတော် ဘွဲ့တံဆိပ်ဆက်ကပ်ပူဇော်ပွဲသို့ တက်ရောက်ကာ အလှူငွေ (၄၅၀၀၀၀)ကျပ် လှူဒါန်းခဲ့ပါသည်။ ထို့အပြင် အသင်းအဖွဲ့ဝင်များက ပန်းခြင်းများသယ်ယူပူဇော်ခြင်းတို့ဖြင့် ပါဝင်ကုသိုလ်ပြုခဲ့ကြပါသည်။