လူမှုရေး

၁၄.၂.၂၀၂၅ ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် ပဲခူးမြို့၊ ကျုံးထောင့်ဝိပဿနာသီလရှင်စာသင်တိုက်တွင် တစ်လလျှင်နှစ်ကြိမ်မြောက် ဆွမ်းကပ်ခြင်း၊ ဆီ၊ ဆန်၊ ဆား၊ ဆေး လှူဒါန်းခဲ့ပါသည်။ စုစုပေါင်းလှူဒါန်းငွေ (၁၅၀,၀၀၀)ကျပ်ဖြစ် ပါသည်။

၁၂.၂.၂၀၂၅ ရက်နေ့တွင် ပဲခူးတိုင်းဒေသကြီး အစိုးရအဖွဲ့ရုံးတွင် ကျင်းပပြုလုပ်သော (၇၈)နှစ်မြောက် ပြည်ထောင်စုနေ့ အလံတင်အခမ်းအနားနှင့် သဝဏ်လွှာဖတ်ကြားခြင်းအခမ်းအနားသို့ ပဲခူးတိုင်းအမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အဖွဲ့ဝင်များတက်ရောက်ခဲ့ကြပါသည်။

၁၂.၂.၂၀၂၅ ရက်နေ့တွင် ရှမ်းပြည်နယ် တောင်ကြီးမြို့တွင် ကျင်းပပြုလုပ်သော (၇၈)နှစ်မြောက် ပြည်ထောင်စုနေ့ သဝဏ်လွှာဖတ်ကြားခြင်းအခမ်းအနားနှင့် ဂုဏ်ပြုညစာစားပွဲ အခမ်းအနားသို့ ရှမ်းပြည်နယ် (တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌနှင့် အလုပ်အမှုဆောင်များ တက်ရောက်ခဲ့ကြပါသည်။

၁၂.၂.၂၀၂၅ ရက်နေ့တွင် နေပြည်တော်၊ ပြည်ထောင်စုလွတ်တော်ရုံးတွင် ကျင်းပပြုလုပ်သော (၇၈)နှစ် မြောက် ပြည်ထောင်စုနေ့ ညစာစားပွဲအခမ်းအနားသို့ မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဒုဥက္ကဌ၊ အတွင်းရေးမှူး၊ တွဲဘက်အတွင်းရေးမှူး၊ ဘဏ္ဍာရေးမှူးနှင့် ဗဟိုအလုပ်အမှုဆောင်များ တက်ရောက်ခဲ့ကြပါသည်။

၁၈.၁.၂၀၂၅ ရက်နေ့တွင် ပဲခူးမြို့၊လိပ်ပြာကန်ရပ်ကွက်၊ မှော်ကန်(၁)လမ်း၊ လိပ်ပြာကန်သီလရှင် စာသင်တိုက်မှ၊ (၂၀၂၄)ခုနှစ်တွင် “ မဟာဂန္ထဝါစကပဏ္ဍိတ” ဘွဲ့တံဆိပ်တော်ရရှိတော်မူသော တိုက်အုပ်ဆရာကြီး ဒေါ်ကလျာသိင်္ဂီ (သာသနဓဇဓမ္မာစရိယ၊ ဝိနယဝိဒူ၊ မဟာဂန္ထဝါစကပဏ္ဍိတ၊ မြို့နယ်သီလရှင် အမှု့ဆောင်အဖွဲ့ အကျိုးတော်ဆောင်)၏ ဂုဏဝိသိဌပူဇာမင်္ဂလာဂုဏ်ပြုပူဇော်ပွဲကိုကျင်းပရာ ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ တက်ရောက်ကြည်ညိုလှူဒါန်းခြင်း ကုသိုလ်ပြုခဲ့ပါသည်။