လူမှုရေး

(၁၁.၆.၂၀၂၃)နေ့တွင် မန္တလေးတိုင်း MWCDF အသင်း ဥက္ကဌနှင့်အဖွဲ့ဝင်များသည် ရန်ကင်းတောင် အရှေ့မြောက်ဘက် သာခိုတောင်ခြေရှိ ရွှေဂူနီပရဟိတ(ဘ.က)ကျောင်းသို့ သွားရောက်၍ ဝတ္ထုငွေ၊ စားသောက်ကုန်နှင့် အသုံးအဆောင်ပစ္စည်းများ လှူဒါန်းခဲ့ပါသည်။

(၂.၆.၂၀၂၃)နေ့တွင် နယုန်လစာပြန်ပွဲဆုရရှိသူဆရာလေးများအား ပဲခူးတိုင်း MWCDF အသင်းမှ ချီးမြှင့်ဂုဏ်ပြုကန်တော့ခဲ့ကြပါသည်။

(၁၈.၅.၂၀၂၃)နေ့၊ နေပြည်တော်ကောင်စီဝင်း၊ ဇမ္ဗူသီရိခန်းမ၌ ကျင်းပပြုလုပ်သည့် ဆိုင်ကလုန်းမုန်တိုင်း(MOCHA) တိုက်ခတ်မှုကြောင့် ပျက်စီးဆုံးရှုံးခဲ့သည့်ဒေသများတွင် ပြန်လည်ထူထောင်ရေးလုပ်ငန်းများ ဆောင်ရွက်နိုင်ရန်အတွက် အလှူငွေပေးအပ်ပွဲအခမ်းအနားသို့ MWCDF အသင်းမှ အတွင်းရေးမှူး၊ တွဲဘက်အတွင်းရေးမှူးနှင့် ဗဟိုအလုပ်အမှုဆောင်များတက်ရောက်၍ အသင်းမှ အလှူငွေ-(၃၀)သိန်းကျပ်၊ စေတနာရှင် အလှူရှင် အသင်း CEC များနှင့် အဖွဲ့ဝင်များမှ အလှူငွေ-(၃၈)သိန်းကျပ် စုစုပေါင်း-(၆၈)သိန်းကျပ် ပေးအပ်လှူဒါန်းရာ နေပြည်တော်ကောင်စီဥက္ကဌနှင့် တာဝန်ရှိသူများကလက်ခံရယူပြီး ဂုဏ်ပြုမှတ်တမ်းလွှာ ပြန်လည်ပေးအပ်သည့်အတွက် လက်ခံရယူခဲ့ကြပါသည်။

(၉.၅.၂၀၂၃)နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (MWCDF)မှ နေပြည်တော်၊ လယ်ဝေးမြို့နယ်၊ အောင်မြေကုန်းကျေးရွာရှိ လေဘေးသင့်ပြည်သူများ သောက်သုံးရေ ရရှိရေးနှင့် ကျေးရွာရှိ ပျက်စီးသွားသော မိုးကောင်းစေတီတော်မြတ်နှင့် အရံစေတီများ၊ သာသနိက အဆောက်အအုံများ ပြန်လည်ပြုပြင်ရန်အတွက် အလှူငွေ-(၃၇)သိန်းကို ရွှေပြည်တော်သို့ ဆုံမှတ်ပရဟိတအသင်းမှတစ်ဆင့် ပေးအပ်လှူဒါန်းခဲ့ပါသည်။

(၁၈.၄.၂၀၂၃)နေ့၊ နေပြည်တော် MWCDF (ရုံးချုပ်)၌ သံဃာတော်ရှင်မြတ်တို့အား ပင့်ဖိတ်၍ အန္တရာယ်ကင်းပရိတ်တရား နာယူခဲ့ပါသည်။

(၁.၄.၂၀၂၃)နေ့တွင် ရန်ကုန်တိုင်း MWCDF အသင်းမှ ဥက္ကဌနှင့် အဖွဲ့ဝင်များသည် ရန်ကုန်မြို့၊ ဒဂုံမြို့သစ်မြောက်ပိုင်း မဟာဂန္ဓာရုံကျောင်းတိုက်၌ (၂၁-၃-၂၀၂၃ မှ ၃-၄-၂၀၂၃)ရက်နေ့အထိ ကျင်းပနေသော ပဠိပထမပြန်စာမေးပွဲ ဖြေဆိုနေကြသည့် သံဃာတော်နှင် သီလရှင်(၂၉၇)ပါးအား ဝတ္ထုငွေနှင့် အချိုရည်များလှူဒါန်းခြင်း၊ ကြီးကြပ်ဆရာတော် (၂၅)ပါးအား ကိုယ်ပတ်သင်္ကန်းနှင့် အချိုရည် ဆက်ကပ်လှူဒါန်းခြင်းများ ပြုလုပ်ခဲ့ကြပါသည်။