Myanmar Women and Children Development Foundation
(၂၂.၇.၂၀၂၀)နေ့တွင် မကွေးတိုင်း MWCDF အသင်း ဥက္ကဌနှင့် အဖွဲ့ဝင်များသည် Covid-19 ကာလ မကွေးမြို့နယ်၊ မူလွန်ကျွန်းပြတ်ကျောင်းတွင် ကျောင်းသား/သူများနှင့် လူငယ်များအား Good Treatment Program အကြောင်း ဆွေးနွေးခြင်း၊ အချိုရည်များနှင့် အကာအကွယ်ပစ္စည်းများ လှူဒါန်းခြင်း၊ ကျောင်းဝင်း အတွင်း သီးပင်၊ စားပင်၊ အရိပ်ရအပင်များ စိုက်ပျိုးခဲ့ပါသည်။
(၁၈.၇.၂၀၂၀)နေ့တွင် ချင်းပြည်နယ် MWCDF အသင်း ဥက္ကဌနှင့်အဖွဲ့ဝင်များသည် Covid-19 ကာလ အတွင်း ဟားခါးမြို့၊ LAKHU Children Center ကျောင်း၊ ဇိအုန်လူငယ်ဖွံ့ဖြိုးရေးပရဟိတဂေဟာ၊ ဗက်ဇသာ မသန်စွမ်းသူများဘဝ ဖွံ့ဖြိုးတိုးတက်ရေးအသင်း၊ သုခိတာရုံ သီလရှင်ကျောင်းများသို့ စားသောက်ကုန်များ၊ အကာအကွယ်ပစ္စည်းများ သွားရောက်လှူဒါန်းခဲ့ပါသည်။
(၁၅.၇.၂၀၂၀)ရက်နေ့တွင် MWCDF အသင်းမှ အတွင်းရေးမှူးနှင့် CEC အဖွဲ့ဝင်များသည် ဥတ္တရသီရိမြို့နယ်၊ မအူလေးပင်ကျေးရွာ၊ ရွာဦးဘုန်းကြီးကျောင်းသို့ သွားရောက်၍ ကျောင်းထိုင်ဆရာတော်ထံ ဝါဆိုသင်္ကန်း၊ ဝတ္ထုငွေနှင့် လှူဖွယ်ပစ္စည်းများ လှူဒါန်းခြင်း၊ ကျေးရွာရှိ အသင်းဝင်များနှင့် စာကြည့်တိုက်တွင် တွေ့ဆုံ၍ Covid-19 ကပ်ရောဂါ ကာကွယ်ထားရှိမှုအခြေအနေနှင့် ကျန်းမာရေးနှင့်အားကစား ဝန်ကြီးဌာနမှ ထုတ်ပြန်ထားသော ရောဂါကာကွယ်နည်းများကို စနစ်တကျလိုက်နာကြရန် မှာကြားခဲ့ပြီး အဖွဲ့ဝင်များအား အလှူငွေ၊ Mask ၊ ဆပ်ပြာဘူးနှင့် ဝတ်စုံများ ပေးအပ်လှူဒါန်းခြင်း၊ မသန်စွမ်းညီမ(၂)ဦးထံ အကာအကွယ်ပစ္စည်း များနှင့် အစားအသောက်များ လှူဒါန်းခဲ့ပါသည်။
(၁၁.၇.၂၀၂၀)ရက်နေ့တွင် မကွေးတိုင်း မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင် ရေးအသင်း(MWCDF)မှ အလုပ်အမှုဆောင်များနှင့် အဖွဲ့ဝင်များသည် ရေနံချောင်းမြို့၊ လင်းလက်မြေ ပညာဒါန ဘုန်းတော်ကြီးသင်ပညာရေးကျောင်းသို့ သွားရောက်ကာ ဆရာတော်ထံ ဆန်(၂ )အိတ်၊ ဆီ(၂၀)ပိဿာ လှူဒါန်းပြီးနောက် ကျောင်းဝင်းအတွင်းတွင် ကျွန်းပင်၊ မယ်ဇလီ၊ စိန်ပန်းလေး၊ စိန်ပန်းကြီး၊ ဇီးဖြူပင်၊ လျှော်ဖြူ၊ ခရေပင်၊ ရေတမာပင် စုစုပေါင်းပျိုးပင်ပေါင်း(၁၃၀ )ပင်ကို စုပေါင်း စိုက်ပျိုးခဲ့ကြပါသည်။
(၂.၇.၂၀၂၀)ရက်နေ့၊ မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (MWCDF)မှ ဒုဥက္ကဌ ဒေါ်စုညွန့်ဦးသည် မြန်မာနို်ငငံလုံးဆိုင်ရာ အမျိုးသမီးကော်မတီက ဦးဆောင်၍ နေပြည်တော်၊ မြို့ရှောင်လမ်း (V-4)လမ်း၊ ရန်အောင်မြင်ကြိုးဝိုင်း အကွက်အမှတ်(၁၃)၊ သစ်တောမြေနေရာတွင် ကျင်းပြုလုပ်သော ၂၀၂၀ ပြည့်နှစ်၊ ဇူလိုင်လ(၃)ရက်နေ့တွင် ကျရောက်မည့် မြန်မာအမျိုးသမီးများနေ့အကြို သစ်ပင်စိုက်ပျိုးပွဲတော်သို့ တက်ရောက်ကာ မြန်မာနို်ငငံလုံးဆိုင်ရာ အမျိုးသမီးကော်မတီတွင် ပါဝင်သော အမျိုးသမီးအဖွဲ့များနှင့်အတူ သစ်ပင်များ စိုက်ပျိုးခဲ့ပါသည်။
(၁.၇.၂၀၂၀)ရက်နေ့တွင် မွန်ပြည်နယ်၊ မြန်မာနိုင်ငံအမျိုးသမီးများနှင့်ကလေးသူငယ်များဘဝမြှင့်တင် ရေးအသင်း(MWCDF)မှ အလုပ်အမှုဆောင်များသည် မော်လမြိုင်မြို့ အမျိုးသမီးရေးရာအဖွဲ့မှ ကြီးမှူး ကျင်းပသော ပြည်နယ်အမျိုးသမီးရေးရာအဖွဲ့ရုံးတွင် မိုးရာသီသစ်ပင်စိုက်ပျိုးပွဲတော်သို့ သွားရောက်ပူးပေါင်းကာ သစ်ပင်များစုပေါင်းစိုက်ပျိုးခဲ့ပါသည်။
