လူမှုရေး

(၁၂.၅.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ပဲခူးတိုင်းဒေသကြီးအစိုးရအဖွဲ့ကကြီးမှူးကျင်းပသည့် ဈေးညောင်ပင်ကျေးရွာအုပ်စု၊ ရှေးဟောင်း သမိုင်းဝင်ရွှေတိဂုံလေး ဆံတော်ရှင်စေတီတော်မြတ်ကြီး ရတနာစိန်ဖူးတော်နှင့် ငှက်မြတ်နားတော် တင်လှူပွဲအခမ်းအနားတွင် လူဦးရေ (၃၀၀၀)ကျော်အား မန်ကျည်းဖျော်ရည်၊ ဆေးကုလာမကျောက်ကျောနှင့် အအေးတို့ကို စတုဒီသာတိုက်ကျွေးကုသိုလ်ပြုခဲ့ကြပါသည်။

(၁၀.၅.၂၀၂၄)ရက်နေ့တွင် ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အတွင်းရေးမှူးတို့သည် ကြက်ခြေနီကြီးကြပ်မှုကော်မတီ ရုံးခန်းမ၌ ကျင်းပပြုလုပ်သည့် “၂၀၂၄ ခုနှစ် ကမ္ဘာ့ကြက်ခြေနီနေ့” အခမ်းအနားသို့တက်ရောက်ပြီး ထာဝရငွေပဒေသာပင်အတွက် အလှူငွေများလှူဒါန်းခဲ့ကြပါသည်။

(၂၃.၄.၂၀၂၄)ရက်နေ့တွင် မြန်မာနိုင်ငံအမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်း ရုံးချုပ်၌ နှစ်ဦးအလှူ အန္တရာယ်ကင်းပရိတ်တရားနာယူခြင်း အခမ်းအနားတွင် ပါရမီဗုဒ္ဓဝိဟာရ ကျောင်းတိုက်၊ မဟာဝိဇီတာရုံကျောင်းတိုက်နှင့် ကံလှတောရကျောင်းတိုက်တို့မှ သံဃာတော်အရှင်သူမြတ် (၅)ပါးပင့်ဖိတ်၍ ပရိတ်တရားတော်များနာယူပြီး နဝကမ္မအလှူငွေ၊ သင်္ကန်း၊ တရားစာအုပ်များနှင့် လှူဘွယ်ပစ္စည်းများ ဆက်ကပ်လှူဒါန်းခဲ့ကြပါသည်။

(၉.၄.၂၀၂၄)ရက်နေ့တွင် ကချင်ပြည်နယ် အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ကချင်ပြည်နယ် အစိုးရအဖွဲ့မှကြီးမှူးကျင်းပသည့် သက်ကြီးပူဇော်ပွဲအခမ်းအနားကို တက်ရောက်ခဲ့ကြပါသည်။

(၉.၄.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် တိုင်းဒေသကြီးအစိုးရအဖွဲ့ကကြီးမှူးကျင်းပသည့် ဗုဒ္ဓအသံဓမ္မဗိမာန်တော်ကြီး၌ သက်ကြီးပူဇော်ပွဲအခမ်းအနားသို့ တက်ရောက်ခဲ့ကြပါသည်။

(၆.၄.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့် ကလေးသူငယ်များ ဘဝမြှင့်တင်ရေး အသင်းမှ ဥက္ကဌနှင့် အဖွဲ့ဝင်များသည် ဇေယျာသီရိမြို့နယ်၊ ရတနာစံပရိယတ္တိစာသင်တိုက်တွင် ကျင်းပပြုလုပ်သော ပါဠိပထမပြန်စာမေးပွဲဖြေဆိုနေကြသော သံဃာတော်များအား နေ့ဆွမ်းဆက်ကပ်လှူဒါန်းခြင်းနှင့် ဝတ္ထုငွေများဆက်ကပ်လှူဒါန်းခဲ့ကြပါသည်။