Myanmar Women and Children Development Foundation
(၄.၉.၂၀၂၀)နေ့တွင် MWCDF အသင်းမှ ဒုက္ကဌနှင့် CEC အဖွဲ့ဝင်များသည် Covid-19 ကာလတွင် ဆွမ်းအခက်အခဲဖြစ်နေသည့် ဇေယျာသီရိမြို့နယ်၊ ရတနာစံပရိယတ္တိစာသင်တိုက်ရှိ သံဃာတော် (၆၁)ပါးအတွက် ကျောင်းထိုင်ဆရာတော်ထံ ဝတ္ထုငွေ၊ ဝါဆိုသင်္ကန်း၊ စာရေးကိရိယာ၊ လက်ဆေးဆပ်ပြာ၊ စားသောက်ကုန်၊ ဆေးဝါးနှင့် Mask များ သွားရောက်လှူဒါန်းခဲ့ပါသည်။
(၃.၉.၂၀၂၀)ရက်နေ့ မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်း(MWCDF)ရုံးချုပ်၌ လူမှုဝန်ထမ်း၊ကယ်ဆယ်ရေးနှင့်ပြန်လည် နေရာချထားရေးဝန်ကြီးဌာန၊ ပြန်လည်ထူထောင်ရေး ဦးစီးဌာနမှ Covid-19 ကာလအတွင်း ထိခိုက်လွယ် အခြေအနေရှိ အမျိုးသမီးများအား ကာကွယ်စောင့် ရှောက်ရေးအတွက် ထောက်ပံ့ခြင်း အခမ်းအနားကို Online Zoom Meeting ဖြင့် ကျင်းပပြုလုပ်ခဲ့ပါသည်။ အခမ်းအနားတွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးက အဖွင့်အမှာစကားပြောကြားရာတွင် မြန်မာနိုင်ငံ အမျိုးသမီးများနှင့် ကလေးသူငယ်များဘဝမြှင့်တင်ရေးအသင်း(MWCDF)သည် ရပ်တည်ရန်ခက်ခဲသော အမျိုးသမီးများကို အသက်မွေးဝမ်းကြောင်းပညာသင်ကြားပေးခြင်း၊ အလုပ်အကိုင်အခွင့်အလမ်းများ၊ ဝင်ငွေများ ရရှိရန်ပံ့ပိုးပေးခြင်း၊ Covid-19 ကာလအတွင်းမှာ တစ်ဦးချင်း
၃.၉.၂၀၂၀ ရန်ကုန်တိုင်း MWCDF ဥက္ကဌ နှင့် အဖွဲ့ဝင်တို့သည် ရန်ကုန်တိုင်း ရန်ကင်းမြို့နယ် ပဉ္စနိကာယ သာသနာ့ဗိမ္မာန်ကျောင်းတိုက်ရှိ သံဃာအပါး (၁၄၅)ပါးအား နေ့ဆွမ်း ဆက်ကပ် လောင်းလှူခဲ့ပါသည်။
(၂၈.၈.၂၀၂၀)နေ့တွင် ရန်ကုန်တိုင်း MWCDF အသင်း ဥက္ကဌနှင့် အဖွဲ့ဝင်များသည် ရန်ကင်းမြို့နယ်၊ ပဉ္စနိကယ်ကျောင်းတိုက်သို့ သွားရောက်၍ မြို့နယ် သံဃနာယကအဖွဲ့ ဥက္ကဌ ဆရာတော်ထံ ဝါဆိုသင်္ကန်းများ လှူဒါန်းပြီး (၃.၉.၂၀၂၀)နေ့၊ သံဃာတော်(၁၄၅)ပါး နေ့ဆွမ်းအတွက် နဝကမ္မအမလှူငွေ လှူဒါန်းခဲ့ပါသည်။
(၂၆.၈.၂၀၂၀)နေ့၊ ပဲခူးတိုင်း MWCDF အသင်း ဥက္ကဌနှင့်အဖွဲ့ဝင်များသည် ပဲခူးမြို့၊ ဝါတွင်းအဖိတ်နေ့တွင် ဆွမ်းခံကြွတော်မူသော သံဃာတော်များနှင့် သီလရှင်များအား ဆွမ်းဆန်တော်နှင့် နေ့ဆွမ်း- မျှစ်ချဉ်ဟင်း၊ မုန့်လုံးရေပေါ် အချိုပေါင်မုန့်များ လောင်းလှူခဲ့ပါသည်။
(၂၅.၈.၂၀၂၀)နေ့တွင် MWCDF အသင်းမှ ဘဏ္ဍာရေးမှူးနှင့် CEC အဖွဲ့ဝင်များသည် ဧရာဝတီတိုင်း၊ ဇလွန်မြို့နယ်၊ တောင်ပို့တရာကျေးရွာ၊ အမရဝတီဘုန်းကြီးကျောင်းသို့ သွားရောက်၍ ဦးစီးပဓာနဆရာတော်ထံ ဝါဆိုသင်္ကန်း၊ ဝတ္ထုငွေနှင့် လှူဘွယ်ပစ္စည်းများ ဆက်ကပ်လှူဒါန်းခဲ့ပါသည်။ ထို့နောက် ဘုန်းကြီးကျောင်းဝန်းအတွင်းရှိ တန်ဆောင်းအတွင်းတွင် ဒေသခံကျေးရွာမှ အမျိုးသမီးများအား “အမျိုးသမီးများ ကျန်းမာရေးဆိုင်ရာ ဆောင်ရန်ရှောင်ရန်နှင့် သိထားသင့်သော အကြောင်းအရာများ” အကျယ်တဝန့် ဆွေးနွေးပြောကြားခဲ့ပါသည်။ ဆက်လက်၍ ကိုယ်ထူကိုယ်ထ လျှပ်စစ်မီးလင်းရေးအတွက် ကျေးရွာမီးလင်းရေးကော်မတီထံ အလှူငွေများ လှူဒါန်းခဲ့ပါသည်။
