လူမှုရေး

(၁.၁၂.၂၀၁၉)ရက်နေ့၊ နံနက်(၀၆:ဝဝ)နာရီတွင် ၂၀၁၉ခုနှစ်၊ အပြည်ပြည်ဆိုင်ရာ မသန်စွမ်းနေ့ကို ဂုဏ်ပြုသောအားဖြင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ပြုလုပ်သော မသန်စွမ်းသီတင်းပတ်(၇)ရက်တာလှုပ်ရှားမှု လူထုလမ်းလျှောက်ပွဲတွင် MWCDF (ဗဟို)ရုံးအဖွဲ့နှင့် နေပြည်တော်တိုင်း MWCDF အဖွဲ့တို့မှ မိတ်ဖက်အဖွဲ့အစည်းများနှင့်အတူ ပူးပေါင်းပါဝင် လှုပ်ရှားခဲ့ပါသည်။ “ အတားအဆီးကင်းရေး မျှော်မှန်းလို့ မသန်စွမ်းလူ့ အခွင့်အရေး ဖော်ဆောင်စို.”

ရန်ကုန်တိုင်းအမျိုးသမီးကော်မတီ မှကျင်းပပြုလုပ်သော အမျိုးသမီးများအကြမ်းဖက်ပပျောက်ရေးလှုပ်ရှားမှုအခမ်းအနား သို့ မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်း(MWCDF)ရန်ကုန်တိုင်းမှ ဥက္ကဋ္ဌ၊ ဒုဥက္ကဋ္ဌ၊ အတွင်းရေးမှူးနှင့် အလုပ်အမှုဆောင်များတက်ရောက်ခဲ့ကြပြီး အလှူငွေ (၂)သိန်းပေးအပ်လှူဒါန်းခဲ့ကြပါသည်။

မကွေးတိုင်းMWCDFအသင်းနှင့် Sowers Action ဟောင်ကောင်အဖွဲ့တို့ပူးပေါင်း၍မကွေးမြို့နယ် အလယ်ဘို(အ.ထ.က ခွဲ)ကျောင်းတွင် ဆိုလာပန့်စက်ရေတွင်းကို(၂၇၊၁၁၊၂၀၁၉)နေ့တွင် အောင်မြင်စွာ တူးဖော်ပြီးစီးပြီ ဖြစ်၍ သောက်သုံးရေများ စတင်အသုံးပြုနိုင်ပြီဖြစ်ပါ သည်။

(၂၄.၁၁.၂၀၁၉)ရက်နေ့ မအူလေးပင်ကျေးရွာမှMWCDF အသင်းအဖွဲ့ဝင်တို့သည် ကျေးရွာတွင်အသင်းမှ ကူညီစောင့်ရှောက်လျက်ရှိသော မသန်စွမ်း ညီမ(၂)ဦး နေအိမ်သို့သွားရောက်၍ ဆန်၊ ဆီ၊ စားသောက်စရာများ ထောက်ပံ့ပေးခဲ့ပါသည်။