လူမှုရေး

(၂၁.၁၂.၂၀၂၀)ရက်နေ့တွင် နေပြည်တော်တိုင်း MWCDF အသင်းမှ အလုပ်အမှုဆောင်အဖွဲ့များ သည် သက်ငယ်မုဒိမ်းကျူးလွန်ခံရသူ မိန်းကလေးငယ်နှင့် ၎င်း၏မိသားစုထံ သွားရောက်၍ အလှူငွေ၊ Mask များ၊ စားသောက်ကုန်များ၊ အသုံးအဆောင်ပစ္စည်းများ ထောက်ပံ့လှူဒါန်းခဲ့ပါသည်။

(၂၀.၁၁.၂၀၂၀)ရက်နေ့တွင် နေပြည်တော်၊ ပုဗ္ဗသီရိမြို့နယ်၊ ကံဦးကျောင်းတိုက်၌ မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းနှင့် ဗဟိုအလုပ်အမှုဆောင်အဖွဲ့ဝင်များ ၏ တတိယအကြိမ် စုပေါင်းမဟာဘုံကထိန် အလှူတော်မင်္ဂလာအခမ်းအနားကို Covid-19 ကာလ ကျန်းမာရေးနှင့်အားကစား ဝန်ကြီးဌာနမှ ထုတ်ပြန်ထားသော လမ်းညွှန်ချက်များနှင့်အညီ ကျင်းပ ပြုလုပ်ခဲ့ပါသည်။ အခမ်းအနားတွင် သံဃာတော်အရှင်မြတ်များအား ကထိန်ညှပ်ကြီးသင်္ကန်းနှင့် အရံသင်္ကန်း(၁၀)စုံကပ်လှူခြင်း၊ ၀တ္ထုငွေ-(၁,၈၇၀,၀၀၀)ကျပ်၊ သံဗီဒို(၁)လုံး၊ ဆေးဝါးများ၊ လက်ဆေးဆပ်ပြာများ၊ Maskဗူးများ နှင့် အခြားလှူဘွယ် ပစ္စည်းများ ဆက်ကပ်လှူဒါန်းပြီး ဆရာတော်ထံမှ ကထိန်အလှူ ရေစက်ချတရားနာယူကာ စုစုပေါင်း အလှူတော်-(၂,၇၅၂,၅၀၀)ကျပ်ကို ရေစက်ချလှူဒါန်းခဲ့ပါသည်။ ၎င်းနောက်

(၄.၉.၂၀၂၀)နေ့တွင် MWCDF အသင်းမှ ဒုက္ကဌနှင့် CEC အဖွဲ့ဝင်များသည် Covid-19 ကာလတွင် ဆွမ်းအခက်အခဲဖြစ်နေသည့် ဇေယျာသီရိမြို့နယ်၊ ရတနာစံပရိယတ္တိစာသင်တိုက်ရှိ သံဃာတော် (၆၁)ပါးအတွက် ကျောင်းထိုင်ဆရာတော်ထံ ဝတ္ထုငွေ၊ ဝါဆိုသင်္ကန်း၊ စာရေးကိရိယာ၊ လက်ဆေးဆပ်ပြာ၊ စားသောက်ကုန်၊ ဆေးဝါးနှင့် Mask များ သွားရောက်လှူဒါန်းခဲ့ပါသည်။