လူမှုရေး

(၁၉.၁၁.၂၀၂၃)ရက်နေ့တွင် ရန်ကုန်တိုင်းဒေသကြီး MWCDF အသင်း မိသားစုများ၏ စုပေါင်းကထိန်သင်္ကန်းဆက်ကပ်လှူဒါန်းပွဲကို ဂရုဏာပရဟိတ ဇယမင်္ဂလာမဟာစည်သာသနာ့ရိပ်သာကျောင်းတွင် ကျင်းပပြုလုပ်ခဲ့ပါသည်။

(၁၈.၁၁.၂၀၂၃)ရက်နေ့တွင် မန္တလေးတိုင်း MWCDF အသင်း ဥက္ကဌ၊ ဒုဥက္ကဌနှင့် အဖွဲ့ဝင်များသည် မန္တလေးတိုင်းဒေသကြီး၊ လူမှုဝန်ထမ်းဦးစီးဌာန အမျိုးသမီးများဖွံ့ဖြိုးတိုးတက်ရေးဌာနရှိ အမျိုးသမီး (၅၃)ဦးအတွက် နေ့လယ်စာ ထမင်း+ဟင်း လှူဒါန်းခြင်းနှင့် ရေချိုးဆပ်ပြာ၊ခေါင်းလျှော်ရည်၊ သွားတိုက်ဆေး၊ ကွေကာအုတ်တို့ကို သွားရောက်လှူဒါန်းခဲ့ပါသည်။

(၁၃.၁၁.၂၀၂၃) မကွေးတိုင်းဒေသကြီး၊ မကွေးမြို့နယ်၊ ဖိုလေးလုံးကျေးရွာ အခြေခံပညာအထက်တန်း ကျောင်းရှိ စက်ရေတွင်းအား MWCDF အသင်း(ဗဟိုရုံးချုပ်)မှပံ့ပိုးမှုဖြင့် ပန့်တပ်ဆင်ခြင်းနှင့် စက်ရေတွင်းရေရရှိသည်အထိ လုပ်ငန်းဆောင်တာများ ပံ့ပိုးကူညီဆောင်ရွက်ပေးခဲ့ပါသည်။

(၇.၁၁.၂၀၂၃)ရက်နေ့တွင် နေပြည်တော်၊ ပုဗ္ဗသီရိမြို့နယ်၊ သုခဒီပရပ်ကွက်၊ မရှိခဏဘုရားကျောင်းတိုက်၌ MWCDF အသင်းနှင့် ဗဟိုအလုပ်အမှုဆောင်များ၏ (ဆဌမအကြိမ်)မြောက် စုပေါင်းမဟာဘုံကထိန် အလှူတော်မင်္ဂလာအခမ်းအနားတွင် သံဃာတော်အရှင်မြတ်များအား ကထိန်ညှပ်ကြီးသင်္ကန်း၊ သိန်း(၃၀)ကျပ် ငွေပဒေသာပင်အလှူတော်နှင့် အခြားလှူဘွယ်ပစ္စည်းများ ဆက်ကပ်လှူဒါန်းပြီး ဆရာတော်ထံမှ အနုမောဒနာ၊ တရားဒေသနာတော် နာယူကြပြီး ရေစက်သွန်းချ အမျှပေးဝေခဲ့ပါသည်။ ၎င်းနောက် သံဃာတော်အရှင်မြတ်များနှင့် သာမဏေများကို နေ့ဆွမ်းနှင့် အချိုပွဲများ ဆက်ကပ်လှူဒါန်းခဲ့ကြပါသည်။

(၂.၁၁.၂၀၂၃) ရက်နေ့တွင် တနင်္သာရီတိုင်း MWCDF အသင်းဝင်များသည် တနင်္သာရီတိုင်း ထားဝယ်ဗုဒ္ဓတက်သိုလ်တွင် စာမေးပွဲဖြေဆိုသူ သံဃာတော်များနှင့် ကျောင်းသူ/ ကျောင်းသားများအား အအေးများလှူဒါန်းခြင်း ကုသိုလ်ပြုခဲ့ ကြပါသည်။

(၁.၁၁.၂၀၂၃)ရက်နေ့တွင် MWCDF အသင်း ဒုတိယဥက္ကဋ္ဌနှင့် CECများသည် မကွေးမြို့နယ်၊ ဖိုလေးလုံးကျေးရွာရှိ စက်ရေတွင်းအား ရေပန့်တပ်ဆင်နိုင်ရန်အတွက် လိုအပ်နေသော ကုန်ကျငွေအား အသင်းမှ (၈)သိန်းကျပ်နှင့် အလှူရှင် ဦးသန့်စင်+ဒေါ်အေးအေးခိုင်(မိသားစု)မှ (၁၀)သိန်းကျပ် စုစုပေါင်း-(၁၈)သိန်းကျပ်ကို မကွေးတိုင်းအသင်း ဥက္ကဋ္ဌထံ ပေးအပ်လှူဒါန်းခဲ့ပါသည်။