လူမှုရေး

(၁၄.၉.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်း (ဗဟို)နှင့် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းတို့ စုပေါင်း၍ အေလာမြို့၊ ဧလာတိဏ္ဏစေတီတော်ကျောင်းတိုက်တွင် ရောက်ရှိနေကြသော ရေဘေးသင့်ကျေးရွာများမှ ရွာသူ/သားများကို ဆန်၊ ဆီ၊ ငါးခြောက်၊ ကြက်ဥ၊ တီရှပ်များ၊ ပုဆိုးများ၊ အမျိုးသမီးဝတ်အင်္ကျီ/လုံချည်များ၊ ကလေးအင်္ကျီများ၊ ဖိနပ်များ၊ ကိုယ်တိုက်ဆပ်ပြာများ၊ သွားတိုက်ဆေး၊ သွားတိုက်တံများ၊ မုန့်များ၊ ကလေးကစားစရာအရုပ်များ၊ ခေါက်ဆွဲကြော်များ၊ နဝကမ္မအလှူငွေများနှင့် သင်္ကန်းတို့ကို စုပေါင်းဆက်ကပ်လှူဒါန်းခဲ့ကြပါသည်။

(၁၃.၉.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်း မှဥက္ကဌ၊ အတွင်းရေးမှူးနှင့် ဗဟိုအလုပ်အမှုဆောင် တို့သည် ပျဉ်းမနားသကြားစက်လမ်းဆုံ၊ မြို့ရှောင်လမ်း၊ ဆင်သေရွာ မြို့ရှောင်လမ်းဘေးတွင် ရောက်ရှိနေသော ရေဘေးရှောင်ပြည်သူများဆီသို့ ထမင်းဘူး၊ အဝတ်အထည်များနှင့် သွားရောက်ထောက်ပံ့လှူဒါန်းပေးပြီး အားပေးစကားများ ပြောကြားခဲ့ကြပါသည်။

(၁၃.၉.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်း မှဥက္ကဌ၊ အတွင်းရေးမှူးနှင့် ဗဟိုအလုပ်အမှုဆောင် တို့သည် နေပြည်တော်၊ ပုဗ္ဗသီရိမြို့နယ်၊ မရှိခဏကျောင်းတွင်ရောက်ရှိနေသော ရေဘေးရှောင်လူဦးရေ (၁၈၀)ကျော်အတွက်အဝတ်အထည်များ၊ ကလေးကစားစရာပစ္စည်းများနှင့် ဖိနပ်များသွားရောက်လှူဒါန်းပြီး နှစ်သိမ့်မှုအားပေးစကားများလည်း ပြောကြားခဲ့ပါသည်။

(၇.၈.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ အသင်း (၁၁)နှစ်မြောက်နှစ်ပတ်လည်နေ့အခမ်းအနားကိုတက်ရောက်လာသော ပြည် နယ်/တိုင်းဒေသကြီးအသီးသီးမှ အသင်းအဖွဲ့ဝင်များကို နေပြည်တော်ရှိ မာရဝိဇယဗုဒ္ဓရုပ်ပွားတော်ကြီးအား ဖူးမြှော်နိုင်ရန်အတွက် ဘုရားဖူးပို့ဆောင်ပေးပြီး (MWCDF)အသင်းဗဟိုနှင့် ပြည်နယ်/တိုင်းဒေသကြီးအသင်းတို့စုပေါင်း၍ မာရဝိဇယဗုဒ္ဓရုပ်ပွားတော်ကြီး ဘက်စုံပြုပြင်မွန်းမံခြင်းလုပ်ငန်းများဆောင်ရွက်နိုင်ရန်အတွက် အလှူငွေများ လှူဒါန်းခဲ့ကြပါသည်။