အာဟာရ ကုသိုလ်ကျွေးမွေးခြင်း
(၂၈.၉.၂၀၁၉)ရက်နေ့တွင် မန္တလေးတိုင်း၊ တောင်သာမြို့ နယ်၊ မဟာမြိုင်ကျေးရွာ MWCDFအသင်းမှ ဥပုသ်သည် များနှင့် ကျောင်းသား/သူ များကို အုန်းနို့ခေါက်ဆွဲ အာဟာရ ကုသိုလ်ပြုခဲ့ကြပါသည်။
ကလေးသူငယ်များအပေါ် လိင်ပိုင်းဆိုင်ရာ အကြမ်းဖက်မှုပပျောက်ရေး ဆိုင်းဘုတ်တင်ပွဲအခမ်းအနားတက် ရောက်ခြင်း
(၂၃.၉.၂၀၁၉)ရက်နေ့တွင် မွန်ပြည်နယ်၊ မော်လမြိုင်မြို့၊ အစိုးရအဖွဲ့အစည်းမှ ကျင်းပပြုလုပ်သော ကလေးသူငယ်များအပေါ် လိင်ပိုင်းဆိုင်ရာ အကြမ်းဖက်မှု ပပျောက်ရေး ဆိုင်းဘုတ်တင်ပွဲအခမ်းအနားနှင့် ပျိုးဥယာဉ်မူကြိုကျောင်း မှ ကလေးများအား သွားရောက်အားပေးကြည့်ရှုခြင်း တို့တွင် မွန်ပြည်နယ် MWCDFအသင်းမှ ပူးပေါင်းပါဝင်ခဲ့ပါသည်။
ရေတွင်းဖြူ(ဘ.က)ကျောင်းသို့သွားရောက်လှူဒါန်းခြင်း
(၁၆.၉.၂၀၁၉)ရက်နေ့တွင် နေပြည်တော်တိုင်း MWCDF အသင်းနှင့် အလှူရှင်များစုပေါင်း၍ ဥတ္တရသီရိမြို့နယ်၊ ရွှေနံသာရပ်ကွက် အမှတ်(၉)၊ ရေတွင်းဖြူ(ဘ.က)ကျောင်း၌ ကျောင်းထိုင် ဆရာတော် ဦးတိက္ခဉာဏ အား နေ့ဆွမ်း၊ ၀တ္ထုငွေနှင့် လှူဘွယ်ပစ္စည်းများ ဆပ်ကပ်လှူ ဒါန်းပြီး (ဘ.က)ကျောင်းတွင် တက်ရောက်နေသော ကျောင်းသား/သူ စုစုပေါင်း(၈၅ )ဦး၊ ဆရာ/ ဆရာမ ဦးရေ(၆)ဦး တို့အား နေ့လည်စာ ထမင်း၊ ဟင်း၊ ရေခဲမုန့်များ နှင့် စာအုပ်၊ ခဲတံများ သွား ရောက်လှူဒါန်းခဲ့ကြပါသည်။
မိဘမဲ့ကလေးများဖွံ့ဖြိုးရေးဂေဟာသို့သွားရောက်လှူဒါန်းခြင်း
(၁၀.၉.၂၀၁၉)ရက်နေ့တွင် မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်း (ကချင်ပြည်နယ်)ပြည်နယ် ဥက္ကဋ္ဌ ဒေါ်ခင်လေးမေ၏ မွေးနေ့အလှူအဖြစ် စီတာပူ ဂျပန်လမ်းထိပ်ရှိ မိဘမဲ့ကလေးများဖွံ့ဖြိုးရေးဂေဟာသို့ ပြည်နယ်အဖွဲ့ဝင် များနှင့်အတူ စားသောက်စရာများ သွားရောက်လှူဒါန်း ပေးခဲ့ပါသည်။
မြန်မာနိုင်ငံ လူကုန်ကူးမှု့တိုက်ဖျက်ရေးနေ့ အထိမ်းအမှတ် အကြို ပန်းချီပြိုင်ပွဲသို့ တက်ရောက်ခြင်း
(၆.၉.၂၀၁၉)ရက်နေ့ မြန်မာနိုင်ငံအမျိုးသမီးများနှင့် ကလေးသူငယ်များဘဝမြှင့်တင်ရေးအသင်း(MWCDF) မွန်ပြည်နယ်အသင်း မှ မော်လမြိုင်ခရိုင် ပြန်ကြားရေးနှင့်ပြည်သူဆက်ဆံရေး ဦးစီးဌာနနှင့် အမှတ်( ၉ ) လူကုန်ကူးမှု့တားဆီးနှိမ်နင်းရေး ရဲတပ်ဖွဲ့စု (မော်လမြိုင်) တို့ ပူးပေါင်းကျင်းပသည့် မြန်မာနိုင်ငံ လူကုန်ကူးမှု့တိုက်ဖျက်ရေးနေ့ အထိမ်းအမှတ် အကြို ပန်းချီပြိုင်ပွဲသို့ တက်ရောက်အားပေးခဲ့ပါသည်။
ဆီဆိုင်မြို့နယ်၊ နောင်ဆံဗာတ်ကျေးရွာရှိ ကျေးရွာအုပ်ချုပ်ရေးမှူးများနှင့်တွေ့ဆုံဆွေးနွေးခြင်း
(၄. ၉. ၂၀၁၉)ရက်နေ့တွင် ရှမ်းပြည်နယ်(တောင်ပိုင်း) မြန်မာနိုင်ငံအမျိုးသမီးနှင့်ကလေးသူငယ်များဘဝမြှင့် တင်ရေးအသင်းမှ တာဝန်ရှိသူများသည် ဆီဆိုင်မြို့နယ်၊ နောင်ဆံဗာတ်ကျေးရွာတွင် လူမှုရေးကိစ္စကြောင့် နစ်နာဆုံးရှုံးမှုဖြစ်ခဲ့သော သမီးငယ်လေးနှင့်တွေ့ဆုံ၍ သမီးငယ်လေး၏ အနာဂါတ်သာယာစေရန်ရည်ရွယ်ကာ နှစ်သိမ့်ဆွေးနွေးအားပေးစကားများပြောကြားခဲ့ပြီး ထောက်ပံ့ငွေများပေးအပ်ခဲ့ကြပါသည်။ ဆက်လက်၍ အမျိုးသမီးငယ်လေးများ၏ ဘဝလုံခြုံရေးအတွက် ကျေးရွာအုပ်ချုပ်ရေးမှူးနှင့် တွေ့ဆုံကာ လူသူအများမြင်နိုင်သည့် လမ်း/နေရာများတွင် ပအို့ဘာသာစကား၊ မြန်မာဘာသာစကားများဖြင့် အသိပညာပေးပိုစတာများ ကပ်နိုင်ရေးအတွက် ဆက်လက်ဆောင်ရွက်သွားရန် ညှိနှိုင်းဆွေးနွေး ခဲ့ကြပါသည်။
