လူမှုရေး

(၁၈.၈.၂၀၁၉)နေ့တွင် ကရင်ပြည်နယ်၊ MWCDFအသင်း မှအလုပ်အမှုဆောင်များသည် ကရင်​ပြည်​နယ်​၊ ဘားအံမြို့နယ်​၊ လှက​ဒေါင်​​ကျေးရွာ သုခဝတီသီလရှင်​စာသင်​တိုက်​တွင် ဖါပွန်​​ဒေသမှ​ ရောက်​ရှိလာ​သော သီလရှင်​လေးများအတွက်​ ဆန်​.(၅) အိတ်နှင့် ​ ​အတူ ပဲဝါခြမ်း၊ အာလူး၊ ကြက်​သွန်​ဖြူ၊ ကြက်​သွန်​နီ၊ ယိုးဒယားကြာဇံ၊ဆီ၊ ဆပ်​ပြာဆီများ စုစုပေါင်း ပစ္စည်း တန်ဖိုးသင့်ငွေ(၄)သိန်းကျပ်ဖိုး သွား​ရောက်​လှူဒါန်း​ခဲ့ပါသည်​။  

(၁၆.၈.၂၀၁၉) MWCDF အသင်း မှအဖွဲ့၀င်များသည်မွန်ပြည်နယ်၊ ရေဘေးသင့်ပြည်သူများ လက်တလောချက်ပြုတ်စားသောက်ဖို့ ခက်ခဲနေသည့်အချိန်တွင် ထမင်းဖြူလေးရှိရုံနဲ့   အသင့်စားလို့ရတဲ့ ပုစွန်ခြောက်ကြော်ထုပ်များကို သွားရောက် လှူဒါန်းရန်အတွက် ပြင်ဆင်ထုတ်ပိုးနေခြင်းဖြစ်ပါသည်။

(၂၇.၄.၂၀၁၉)နေ့တွင် မကွေးတိုင်း MWCDF အသင်းနှင့် အလှူရှင်များ ပူးပေါင်း၍ (၁၃.၄.၂၀၁၉)နေ့က မကွေးမြို့နယ်၊ ကြာကန်အုပ်စု၊ ကြို့ပင်အင်းကျေးရွာတွင် မီးလောင်မှုဖြစ်ပွားသဖြင့် ကျေးရွာဘုန်းတော်ကြီးကျောင်း၌ ဖွင့်လှစ်ထားသော မီးဘေးကယ်ဆယ်ရေးစခန်းသို့ သွားရောက်၍ မီးဘေးသင့် အိမ်ထောင်စုများမှ အမျိုးသမီးများနှင့် ကလေးသူငယ်များအတွက် လိုအပ်သော ကျောင်းဝတ်စုံ၊ လွယ်အိတ်၊ အတွင်းခံအကျႌ၊ အတွင်းခံဘောင်းဘီများ စုစုပေါင်း-(၆၉၂,၈၀၀)ကျပ်ဖိုး သွားရောက်လှူဒါန်းခဲ့ပါသည်။

(၂၈.၄.၂၀၁၉)နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း-MWCDF (ရန်ကုန်တိုင်း) မှ ကြီးမှူး၍ သောက်သုံးရေ အခက်အခဲရှိနေသော ကြည်မြင်တိုင် တဖက်ကမ်းရှိ ဆိပ်ကြီး၊ ဦးမြ၊ ငါးဇင်၊ အောက်ရုံ စသည့် ရွာများသို့ (ရေဂါလံ ၄၂,၀၀၀ ) ငွေကျပ်-၄၂၀,၀၀၀/-အား စက်လှေများနှင့် ရေထည့်ကာ ပိုက်တပ်ပြီး ရေပုံများဖြင့် ပေးဝေလှူဒါန်းခဲ့ပါသည်။

(၂၃.၄.၂၀၁၉)နေ့၊ ရှမ်းပြည်နယ်(မြောက်ပိုင်း)၊ လားရှိုးမြို့တွင် ကျန်းမာရေးနှင့်အားကစားဝန်ကြီးဌာန၊ လူသားအရင်းအမြစ်ဦးစီးဌာနနှင့် သူနာပြုနှင့်သားဖွားဆရာမသင်တန်းကျောင်းတို့ ပူးပေါင်းကျင်းပပြုလုပ်သော “ (၂၈)ကြိမ်မြောက် သူနာပြုသားဖွားဦးဆောင်အပ်နှင်းပွဲအခမ်းအနား” သို့ မိတ်ဖက်အဖွဲ့အစည်းများနှင့်အတူ ရှမ်းမြောက် MWCDF အသင်း အလုပ်အမှုဆောင်အဖွဲ့ဝင်များ တက်ရောက်ခဲ့ပါသည်။

(၁၇.၄.၂၀၁၉) သင်္ကြန်နှစ်ဆန်း(၁)ရက်နေ့တွင် တောင်သာမြို့နယ်၊ မဟာမြိုင်ကျေးရွာ MWCDF အဖွဲ့ဝင်များနှင့် ကျေးရွာသူ/ သားများစုပေါင်း၍ သက်ကြီးပူဇော်ပွဲအခမ်းအနား ကျင်းပပြုလုပ်ခဲ့ပါသည်။ ထို့နောက်အခမ်းအနားသို့ တက်ရောက်လာသော သက်ကြီးဘိုးဘွားများအား အလှူငွေ၊ လှူဘွယ်ပစ္စည်းများ လှူဒါန်းခြင်း၊ ကျေးရွာသူ/သားများနှင့် ကျောင်းသား/သူကလေးများအား အလှူရှင်မှ နံနက်စာ၊ နေ့လည်စာ ထမင်းနှင့်ဟင်းများ ကျွေးမွေးလှူဒါန်းခဲ့ပါသည်။