လူမှုရေး

(၁၄.၁၂.၂၀၁၉)ရက်နေ့တွင် အလှူရှင် ဦးအောင်မင်း+ဒေါက်တာဝေဝေသာ( မိသားစု)မှနေပြည်တော်၊ဥတ္တရသီရိမြို့နယ်၊ ကုတင်(၁၀၀)ဆံ့ သားဖွား မီးယပ်အထူးကု ဆေးရုံကြီးတွင် တက်ရောက်ကု သနေသော အမျိုးသမီးလူနာများနှင့် လူနာစောင့်များ နေ့လည်စာ အာဟာရအတွက် ထမင်း+ကြက်သားဟင်း၊ မုန်လာဥချဉ်ရည်ဟင်း တို့ဖြင့် အာဟာရဒါန လှူဒါန်းပေးခဲ့ပါသည်။ ယနေ့ လှူဒါန်းမှုအတွက် သာဓု သာဓု သာဓုပါ။ လူနာ ၁၀၀ ဦးလျှင် ငွေကျပ် တစ်သိန်းနှုန်း လှူဒါန်းနိုင်ပါသည်။ လှူဒါန်းလိုသူများအနေဖြင့် – * ဦးတင့်လွင်+ဒေါ်စန်းစန်းမြင့်(MWCDFအသင်းအမှုဆောင်အဖွဲ့ဝင်)Ph:09256027755/09256027744/MWCDF အသင်း၏ ဧရာဝတီဘဏ်အကောင့်နံပါတ် -0061222010006065 သို့ဆက်သွယ်လှူဒါန်းနိုင်ပါသည်။

(၇.၁၂.၂၀၁၉)ရက်နေ့တွင် တနင်္သာရီတိုင်းဒေသကြီး MWCDFအသင်းမှ အလုပ်အမှုဆောင်အဖွဲ့ဝင်များသည် တနင်္သာရီတိုင်းဒေသကြီး အမျိုးသမီးကော်မတီ၏ ဦးဆောင်မှုဖြင့် သင်္ဂဟပျဲန်ဒါအဖွဲ့အစည်းနှင့် ထားဝယ်မြို့၊ သရက်ချောင်းမြို့အတွင်းရှိ အရပ်ဖက်လူမှုအဖွဲ့အစည်းများပူးပေါင်းကာ မိမိဒေသအတွင်း ဂျဲန်ဒါအခြေပြု အကြမ်းဖက်မှုများ လျော့နည်းလာစေရန်၊ မတူကွဲပြားမှုများကို တန်ဖိုးထားလေးစားမှုရှိလာပြီး အပြန်အလှန် ပေါင်းစည်းလုပ်ဆောင်မှုအားကောင်းလာစေရန် ရည်ရွယ်၍ “လူ့ဘောင်ငြိမ်းချမ်းသာယာဖို့ ကွဲပြားမတူ ပေါင်းစည်းကူစို့” ဟူသောခေါင်းစဉ်ဖြင့် လူထုအမြင်ဖွင့် တိုက်တွန်းနှိုးဆော်ခြင်း အခမ်းအနားသို့ တက်ရောက်ခဲ့ပါသည်။

(၄.၁၂.၂၀၁၉)နေ့တွွင် တနင်္သာရီတိုင်း၊ ကျွန်းစုမြို့နယ်၊ ပသုတ်ကျွန်းကျေးရွာရှိ MWCDFအသင်းမှ ဆိုလာအဖွဲ့ ဝင်များသည် အသင်းမှ ကျေးရွာတွင် ဆိုလာမီးတပ် ဆင် ပေးခြင်း(၁)နှစ် ပြည့် အထိမ်းအမှတ် အခြေခံပညာမူလ တန်းကျောင်းတွင် ကျောင်းသား/သူကလေးများအား အာဟာရအဖြစ် ကြာဇံချက်၊ ရေသန့်၊ ထောပတ်သီး ဖျော်ရည်နှင့် အသင်းဗလာစာအုပ်များ ပေးအပ်လှူဒါန်း ခဲ့ပါသည်။

(၃.၁၂.၂၀၁၉)ရက်နေ့တွင် တနင်္သာရီတိုင်းဒေသကြီး လူမှုဝန်ထမ်းဦးစီးဌာနမှ ထားဝယ်မြို့၌ ကျင်းပ ပြုလုပ်သော “၂၀၁၉ ခုနှစ်၊ အပြည်ပြည်ဆိုင်ရာ မသန်စွမ်းသူများနေ့ အခမ်းအနား”ကို တနင်္သာရီ တိုင်းဒေသကြီး MWCDFအသင်း ဥက္ကဋ္ဌ နှင့် CECတို့ တက်ရောက်ခဲ့ပါသည်။ အခမ်းအနားတွင် MWCDFအသင်းမှ ဆုငွေများချီးမြှင့်ခဲ့ပါသည်။