လူမှုရေး

(၁၀.၂.၂၀၂၄) ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အဖွဲ့ဝင်များသည် ပုသိမ်ကြီးမြို့နယ်၊ မြောက်ဦးဆရာတော် အဂ္ဂမဟာသဒ္ဓမ္မဇောတိကဓဇ, အဂ္ဂမဟာကမ္မဌာနာစရိယ အရှင်ဝါယာမိန္ဒအားသွားရောက်ဖူးမျှော်၍ နဝကမ္မဝတ္ထုငွေလှူဒါန်းခဲ့ပြီး အုန်းချောကျေးရွာရှိဆောက်လုပ်ဆဲ စွမ်းအားသစ်သီလရှင်စာသင်တိုက်အတွက် အလှူငွေနှင့် စားသောက်စရာများ၊ အသုံးဆောင်ပစ္စည်းများ၊ အသင်းဗလာစာအုပ်များ၊ ပြက္ခဒိန်တို့ကို သွားရောက်လှူဒါန်းခဲ့ပါသည်။

(၂၃.၁.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဒုဥက္ကဌ၊ အတွင်းရေးမှူးနှင့် CECများသည် ဇေယျာသီရိမြို့၊ ရတနာစံပရိယတ္တိ စာသင်တိုက်သို့ သွားရောက်၍ ဆရာတော်နှင့် ကျောင်းရှိ ရဟန်းသံဃာများအတွက် ဝတ္ထုငွေနှင့် လှူဖွယ်ခြင်း၊ ဆေးဝါးများ၊ စားသောက်ကုန်များ၊ စာရေးကိရိယာများ၊ Mask ဘူးများ၊ အသင်းပြက္ခဒိန်တို့အား လှူဒါန်းခဲ့ပါသည်။ 

(၂၃.၁.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF) အသင်းမှ ဒုဥက္ကဌ၊ အတွင်းရေးမှူးနှင့် CEC များသည် ပုဗ္ဗသီရိမြို့၊ မင်္ဂလာသီရိ ပတ္တာ(ဘ.က)ကျောင်းသို့ သွားရောက်၍ ဆရာတော်နှင့် ကျောင်းရှိရဟန်းသံဃာများအတွက် ဝတ္ထုငွေနှင့် လှူဘွယ်ခြင်း၊ ဆေးဝါးများ၊ စားသောက်ကုန်များ၊ စာရေးကိရိယာများ၊ Mask ဘူးများ၊ အသင်းပြက္ခဒိန်တို့အား လှူဒါန်းခဲ့ပါသည်။