လူမှုရေး

(၇.၁.၂၀၂၄)ရက်နေ့တွင် မန္တလေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF) အသင်းမှ ဥက္ကဌ၊ ဒုဥက္ကဌနှင့် အဖွဲ့ဝင်များသည် မန်းတောင်ခြေ ဘိုးဘွားရိပ်သာရှိ ဘိုးဘွား (၆၁)ဦးအတွက် ဆေးပဒေသာပင်လှူဒါန်းခြင်း၊ ကွေကာ၊ ဘီစကစ်မုန့်၊ မန်းကျည်းသံပရာ အစာကြေဆေးနှင့် အလှူငွေများလှူဒါန်းခဲ့ပါသည်။

(၆.၁.၂၀၂၄)ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF) အသင်းမှ ဥက္ကဌနှင့် အဖွဲ့ဝင်များသည် သာသနာ့ဂုဏ်ရည်သီလရှင်စာသင်တိုက်ရှိ သီလရှင် ဆရာလေးများအတွက် သီလရှင်ဝတ်စုံများနှင့် စားသောက်ကုန်များလှူဒါန်းခဲ့ပြီး ဖန်ခါးမြေဘိုးဘွားရိပ်သာရှိအဘိုးအဘွားများအတွက် ဂွမ်းစောင်များ သွားရောက်လှူဒါန်းခဲ့ပါသည်။

(၁.၁.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်းမှ ဥက္ကဌနှင့် အသင်းဝင်များသည် ပျဉ်းမနားမြို့၊ ဘိုးဘွားရိပ်သာတွင် ကျင်းပပြုလုပ်သော ဆွမ်းဆန်စိမ်းလောင်းလှူပွဲတွင် သံဃာတော် (၁၀၈)ပါး၊ သီလရှင် (၄၅)ပါး၊ အဖိုးအဖွား (၃၇)ဦး တို့အား မျက်နှာသုတ်ပုဝါ၊ ကော်ဖီမစ်နှင့် မုန့်များ လှူဒါန်းခဲ့ပါသည်။

(၂၁.၁၂.၂၀၂၃)ရက်နေ့တွင် MWCDF အသင်းမှ တွဲဘက်အတွင်းရေးမှူးနှင့် ရန်ကုန်တိုင်း MWCDF အသင်း ဥက္ကဌနှင့် အဖွဲ့ဝင်များသည် ရခိုင်ပြည်နယ်၊ မိုခါမုန်တိုင်းသင့်ပြည်သူများထံ ဆန်အိတ် (၄၈၀၀)အိတ်အား သင်္ဘောဖြင့်ပို့ဆောင်နိုင်ရန် ရန်ကုန်တိုင်းဘေးအန္တရာယ်ဆိုင်ရာစီမံခန့်ခွဲမှုဦးစီးဌာန၊ ညွှန်ကြားရေးမှူးထံသို့ လွှဲပြောင်း/လက်ခံပြေစာနှင့် စနစ်တကျလွှဲပြောင်းပေးအပ်ခဲ့ပါသည်။

(၁၉.၁၂.၂၀၂၃)ရက်နေ့တွင် MWCDF ဗဟိုရုံးချုပ်အသင်း၊ လပြည့်ဝန်းမိသားစုဖောင်ဒေးရှင်းနှင့် မိတ်ဖက်အဖွဲ့အစည်းဖြစ်သော Sowers Action (Hong  Kong)တို့ပူးပေါင်း၍ ရခိုင်ပြည်နယ်၊ မိုခါမုန်တိုင်းသင့် ပြည်သူများအတွက် အိမ်ထောင်စု (၁၆၀၀)စုအား တစ်အိမ်ထောင်လျှင် (30kg)နှုန်းဖြင့် ဧည့်မထဆန် (10kg)အိတ် (၄၈၀၀) လှူဒါန်းခြင်းနှင့် လွှဲပြောင်းလက်ခံခြင်း အခမ်းအနားတွင် MWCDF အသင်း ဥက္ကဌ၊ တွဲဘက်အတွင်းရေးမှူးနှင့် ရန်ကုန်တိုင်း MWCDF အသင်းဥက္ကဌနှင့် အဖွဲ့ဝင်များတက်ရောက်ခဲ့ပြီး ရန်ကုန်တိုင်းဒေသကြီးဝန်ကြီးချုပ်နှင့် အစိုးရအဖွဲ့တာဝန်ရှိသူများထံ လွှဲပြောင်းပေးအပ်ပြီး ဂုဏ်ပြု မှတ်တမ်းလွှာအား ပြန်လည်ပေးအပ်ရာ အသင်းမှ လက်ခံရယူခဲ့ပါသည်။

(၁၉.၁၂.၂၀၂၃)ရက်နေ့တွင် ကရင်ပြည်နယ် MWCDF အသင်းမှ ဥက္ကဌနှင့် အဖွဲ့ဝင်များသည် ကော့ကရိတ်မြို့(မြောက်ပိုင်း)နောင်တစ်ပွဲရွာနှင့် ထီဖိုးစံရွာတို့တွင်ရှိသော တိုက်ပွဲရှောင်အိမ်ထောင်စုပေါင်း (၄၆၅)စု လူဦးရေးစုစုပေါင်း ပျမ်းမျှနှစ်ထောင်နီးပါးအတွက် ဆန်၊ ဆီ၊ ကြက်ဥ၊ ဘူးသီး၊ ခရမ်းသီး၊ ကျောက်ဖရုံသီး၊ ရွှေဖရုံသီး၊ ဂေါ်ဖီထုတ်၊ ငရုတ်သီးအစိမ်း/အခြောက်၊ ခရမ်းချဉ်သီးများစသည့် အသီးအနှံအစုံများ သွားရောက်ထောက်ပံ့လှူဒါန်းခဲ့ပါသည်။