လူမှုရေး

(၂၈.၄.၂၀၁၉)နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း-MWCDF (ရန်ကုန်တိုင်း) မှ ကြီးမှူး၍ သောက်သုံးရေ အခက်အခဲရှိနေသော ကြည်မြင်တိုင် တဖက်ကမ်းရှိ ဆိပ်ကြီး၊ ဦးမြ၊ ငါးဇင်၊ အောက်ရုံ စသည့် ရွာများသို့ (ရေဂါလံ ၄၂,၀၀၀ ) ငွေကျပ်-၄၂၀,၀၀၀/-အား စက်လှေများနှင့် ရေထည့်ကာ ပိုက်တပ်ပြီး ရေပုံများဖြင့် ပေးဝေလှူဒါန်းခဲ့ပါသည်။

(၂၃.၄.၂၀၁၉)နေ့၊ ရှမ်းပြည်နယ်(မြောက်ပိုင်း)၊ လားရှိုးမြို့တွင် ကျန်းမာရေးနှင့်အားကစားဝန်ကြီးဌာန၊ လူသားအရင်းအမြစ်ဦးစီးဌာနနှင့် သူနာပြုနှင့်သားဖွားဆရာမသင်တန်းကျောင်းတို့ ပူးပေါင်းကျင်းပပြုလုပ်သော “ (၂၈)ကြိမ်မြောက် သူနာပြုသားဖွားဦးဆောင်အပ်နှင်းပွဲအခမ်းအနား” သို့ မိတ်ဖက်အဖွဲ့အစည်းများနှင့်အတူ ရှမ်းမြောက် MWCDF အသင်း အလုပ်အမှုဆောင်အဖွဲ့ဝင်များ တက်ရောက်ခဲ့ပါသည်။

(၁၇.၄.၂၀၁၉) သင်္ကြန်နှစ်ဆန်း(၁)ရက်နေ့တွင် တောင်သာမြို့နယ်၊ မဟာမြိုင်ကျေးရွာ MWCDF အဖွဲ့ဝင်များနှင့် ကျေးရွာသူ/ သားများစုပေါင်း၍ သက်ကြီးပူဇော်ပွဲအခမ်းအနား ကျင်းပပြုလုပ်ခဲ့ပါသည်။ ထို့နောက်အခမ်းအနားသို့ တက်ရောက်လာသော သက်ကြီးဘိုးဘွားများအား အလှူငွေ၊ လှူဘွယ်ပစ္စည်းများ လှူဒါန်းခြင်း၊ ကျေးရွာသူ/သားများနှင့် ကျောင်းသား/သူကလေးများအား အလှူရှင်မှ နံနက်စာ၊ နေ့လည်စာ ထမင်းနှင့်ဟင်းများ ကျွေးမွေးလှူဒါန်းခဲ့ပါသည်။

(၁၇.၄.၂၀၁၉) သင်္ကြန်နှစ်ဆန်း(၁)ရက်နေ့တွင် တောင်သာမြို့နယ်၊ ဇေယျသုခ(အရှေ့)ကျေးရွာတွင် MWCDF အဖွဲ့ဝင်များနှင့် ကျေးရွာသူ/သားများစုပေါင်း၍ သက်ကြီးပူဇော်ပွဲအခမ်းအနား ကျင်းပပြုလုပ်ခဲ့ပါသည်။ ထို့နောက် အခမ်းအနားသို့ တက်ရောက်လာသော သက်ကြီးဘိုးဘွားများအား အလှူငွေ၊ လှူဘွယ်ပစ္စည်းများ လှူဒါန်းခြင်း၊ ကျေးရွာသူ/သားများ၊ ကျောင်းသား/သူများအား ကြာဇံဟင်းခါးနှင့် အချိုရည်များ အာဟာရဒါနပြု ကျွေးမွေးလှူဒါန်းခဲ့ပါသည်။

(၅.၄.၂၀၁၉)နေ့တွင် MWCDF အသင်းမှ ဒုဥက္ကဋ္ဌနှင့် ရန်ကုန်တိုင်း အလုပ်အမှုဆောင်အဖွဲ့တို့သည် ရန်ကုန်မြို့၊ သန်လျင်မြို့နယ်၊ ခေမာရာမသီလရှင်စာသင်တိုက်သို့ သွားရောက်၍ ပဓာနနာယက ဆရာကြီးထံ MWCDF အသင်း CEC များမှ စုပေါင်း၍ အလှူငွေ-(၁,၃၅၀,၀၀၀)ကျပ်နှင့် အလှူရှင်-ဦးဝင်းရှိန်+ဒေါ်စုညွန့်ဦး(မိသားစု)မှ သီလရှင်ဝတ်စုံ(၁၀)စုံ၊ ဆန်၊ ဆီ၊ ဘီစကွတ် မုန့်ထုပ်များနှင့် ငှက်သိုက်ဘူးများ လှူဒါန်းခဲ့ပါသည်။ ဆက်လက်၍ ရန်ကုန်တိုင်း MWCDF အသင်းမှ ကြက်သွန်နီ၊ ကြက်သွန်ဖြူ၊ ကြက်သားမှုန့်၊ ဆပ်ပြာမှုန့်၊ ဆပ်ပြာဆီ၊ အမျိုးသမီးလစဉ်သုံးပစ္စည်းများနှင့် အလှူရှင်- ဒေါ်တင်စိန်မှ အလှူငွေ-(၁)သိန်းကျပ်နှင့် ပြင်ပအဖွဲ့ဝင်မှ