လူမှုရေး

(၇.၁၀.၂၀၂၃)နေ့တွင် ကချင်ပြည်နယ်၊ MWCDF အသင်းမှ ဥက္ကဌနှင့် အဖွဲ့ဝင်များသည် မိုးကောင်းမြို့၊ ဥတ္တရာရုံသီလရှင်ကျောင်းတိုက်သို့ သွားရောက်၍ ကျောင်းရှိ သီလရှင်ဆရာလေးများနှင့် ကျောင်းသား/သူများအား နေ့ဆွမ်းအာဟာရဒါန လှူဒါန်းခြင်း၊ အလှူငွေ၊ စာရေးကိရိယာ၊ အစားအသောက်နှင့် အသုံးအဆောင်ပစ္စည်းများ လှူဒါန်းခဲ့ပါသည်။

(၅.၁၀.၂၀၂၃)ရက်နေ့တွင် မွန်ပြည်နယ် MWCDF အသင်းမှ ဥက္ကဌနှင့် အဖွဲ့ဝင်များသည် မွန်ပြည်နယ်၊ မော်လမြိုင်မြို့၊ ပြည်နယ်အစိုးရအဖွဲ့မှ ကြီးမှူးကျင်းပသော မွန်ပြည်နယ်အစိုးရအဖွဲ့ ဝန်ကြီးချုပ်ဖလား (၁၀)မြို့နယ် အမျိုးသမီးကိုယ်ကာယကြံ့ခိုင်မှု လေ့ကျင့်ခန်း (အေရိုးဗစ်)ပြိုင်ပွဲ အခမ်းအနားသို့ တက်ရောက် အားပေးခဲ့ပါသည်။

(၃.၁၀.၂၀၂၃)နေ့တွင် MWCDF အသင်းမှ ဥက္ကဌ၊ ဒုဥက္ကဌ၊ အတွင်းရေးမှူးနှင့် CEC အဖွဲ့ဝင်များသည် အောင်ချမ်းသာ(ပရဟိတ) သီလရှင်သင်ပညာရေးကျောင်းသို့ သွားရောက်၍ ကျောင်းထိုင်ဆရာကြီးထံ ကျောင်းရှိ သီလရှင်ဆရာလေးများ၊ ဆရာ/မများ၊ ကျောင်းသား/သူများအတွက် အလှူငွေ၊  စာရေးကိရိယာ၊ စားသောက်ကုန်၊ ဆေးဝါးနှင့် အသုံးအဆောင်ပစ္စည်းများ ဆက်ကပ်လှူဒါန်းခဲ့ပါသည်။

(၃.၁၀.၂၀၂၃)နေ့တွင် MWCDF အသင်းမှ ဥက္ကဌ၊ ဒုဥက္ကဌ၊ အတွင်းရေးမှူးနှင့် CEC အဖွဲ့ဝင်များသည် ပျဉ်းမနားမြို့၊ ဇေယျာရာမပရိယတ္တိသီလရှင်စာသင်တိုက်သို့ သွားရောက်၍ ကျောင်းထိုင်ဆရာကြီးထံ ကျောင်းရှိ သီလရှင်ဆရာလေးများအတွက် အလှူငွေ၊ လှူဘွယ်ခြင်း၊ စာရေးကိရိယာ၊ စားသောက်ကုန်၊ ဆေးဝါးနှင့် အသုံးအဆောင်ပစ္စည်းများ ဆက်ကပ်လှူဒါန်းခဲ့ပါသည်။

(၁.၁၀.၂၀၂၃)ရက်နေ့တွင် ကချင်ပြည်နယ် MWCDF အသင်းမှ ဥက္ကဌနှင့် အဖွဲ့ဝင်များသည် ကချင်ပြည်နယ်၊ မြစ်ကြီးနားမြို့၊ အံတော်ရှင်တောင်တန်းသာသနာပြုကျောင်း၌ ကျင်းပပြုလုပ်သော အပြည်ပြည်ဆိုင်ရာ သက်ကြီးရွယ်အိုများနေ့ အခမ်းအနားသို့ တက်ရောက်ခဲ့ပါသည်။

(၁.၁၀.၂၀၂၃)ရက်နေ့တွင် မကွေးတိုင်း MWCDF အသင်းမှ ဥက္ကဌနှင့် အဖွဲ့ဝင်များသည် မကွေးတိုင်း၊ မကွေးမြို့၊ ဖန်ခါးမြေဘိုးဘွားရိပ်သာ၌ ကျင်းပပြုလုပ်သော အပြည်ပြည်ဆိုင်ရာ သက်ကြီးရွယ်အိုများနေ့ အခမ်းအနားသို့ တက်ရောက်၍ အဘိုး/အဘွား(၇၀)ဦးအား ကန်တော့ပစ္စည်းများနှင့် ကန်တော့ပြီး ဆေးကုသပေးမှုတွင် လုပ်အားပေးခဲ့ပါသည်။