Myanmar Women and Children Development Foundation
(၁၄.၇.၂၀၂၂)နေ့တွင် ပဲခူးတိုင်း MWCDF အသင်း ဥက္ကဌနှင့် အဖွဲ့ဝင်များသည် ပဲခူးမြို့၊ သပြေကုန်း ဘိုးဘွားရိပ်သာရှိ အဘိုးအဘွား(၂၇)ဦးအား ဆေးဝါး၊ မုန့်နှင့် မနက်စာ-ထမင်း+ဟင်းများ သွားရောက် လှူဒါန်းကျွေးမွေးပြီး အားပေးစကား ပြောကြားခဲ့ပါသည်။
(၉.၇.၂၀၂၂)နေ့တွင် ကချင်ပြည်နယ် MWCDF အသင်း ဥက္ကဌနှင့် အဖွဲ့ဝင်များသည် ငွေပျော်ကျေးရွာ၊ တိုက်ပွဲရှောင်မိသားစုများအတွက် အခြေခံစားသောက်ကုန်များနှင့် အသုံးအဆောင်ပစ္စည်းများ သွားရောက်ထောက်ပံ့လှူဒါန်းခဲ့ပါသည်။
မြန်မာနိုင်ငံမျက်မမြင်အသင်း(ရန်ကုန်)မှ မကွေးတိုင်းအတွင်းရှိ မကွေး၊ မင်းဘူး၊ ပွင့်ဖြူ၊ မြို့သစ်၊ နတ်မောက်မြို့နယ်များရှိ မျက်မမြင်(၁၇)ဦး၊ မျက်မမြင်အကူ(၁၂)ဦးအား မကွေးမြို့၊ အဝေရာသုခကျောင်းတိုက်၌ (၄.၅.၂၀၂၂ မှ ၇.၅.၂၀၂၂) ရက်နေ့အထိ (၄)ရက်တိုင်တိုင် လာရောက်သင်ကြားပို့ချသော “Orientation and Mobility (O&M) Training” (ပတ်ဝန်းကျင်ကိုလေ့လာခြင်းနှင့် သွားလာလှုပ်ရှားမှုဆိုင်ရာသင်တန်း)တွင် မကွေးတိုင်း MWCDF အသင်းဥက္ကဌမှ မျက်မမြင်အကူအဖြစ် ပံ့ပိုးဆောင်ရွက်ပေးခြင်း၊ အဖွဲ့ဝင်အသင်းသူများမှ သင်တန်းတတိယနေ့၊ နေ့လည်ပိုင်းတွင် ပါဝင်ကြပြီး နေ့လည်စာ အချိုရည်၊ မုန့်၊ ရေသန့်ဘူးများ ဝေငှလှူဒါန်းပေးခဲ့ပါသည်။
(၁၀.၄.၂၀၂၂)နေ့တွင် ရန်ကုန်တိုင်း MWCDF အသင်းမှ ဥက္ကဌနှင့် အဖွဲ့ဝင်များသည် ရန်ကုန်တိုင်း၊ ဒဂုံဆိပ်ကမ်းမြို့နယ်ရှိ ဇေယျသိဒ္ဓိ ရွှေတောင်ဦးပရဟိတကျောင်းသို့ သွားရောက်၍ နဝကမ္မအလှူတော် ငွေနှင့် ဆန်၊ ဆီ၊ ဆိုလာမီးတိုင်များ လှူဒါန်းခဲ့ပါသည်။
(၁၆.၃.၂၀၂၂)နေ့၊ ပဲခူးတိုင်းဒေသကြီးအစိုးရအဖွဲ့မှ ကြီးမှူးကျင်းပသည့် ၂၀၂၂ ခုနှစ်၊ သာသနာတော်ဆိုင်ရာ ဘွဲ့တံဆိပ်တော် ဆက်ကပ်လှူဒါန်းချီးမြှင့်ပွဲ မင်္ဂလာအခမ်းအနားတွင် ပဲခူးတိုင်း MWCDF အသင်း ဥက္ကဌနှင့် အဖွဲ့ဝင်များမှ ဆွမ်းဆန်စိမ်းအလှူတော် ဝတ္ထုငွေလောင်းလှူကုသိုလ်ပြုခဲ့ ကြပါသည်။
(၆.၃.၂၀၂၂)နေ့တွင် ပဲခူးတိုင်း MWCDF အသင်းမှ ဥက္ကဌနှင့် အဖွဲ့ဝင်များသည် ပဲခူးမြို့၊ ကျွန်းသာရပ်ကွက်၊ စက်ဝိုင်းမှ မီးဘေးသင့်အိမ်ခြေ(၁၃)လုံး၊ အိမ်ထောင်စု(၁၇)စု၊ လူဦးရေ(၇၃)ဦးရှိသော မီးဘေးသင့်ပြည်သူများထံ သွားရောက်၍ အားပေးစကားပြောကြားပြီး အဝတ်အထည်များ၊ ခြင်ထောင်၊ စောင်၊ ကော်ဇောဖျာ၊ ခေါက်ဆွဲခြောက်၊ မုန့်၊ ကော်ဖီမစ်များ ပေးအပ်လှူဒါန်းခဲ့ပြီး မီးဘေးသင့်မိသားစုများထဲမှ လသားအရွယ်ကလေးငယ်(၄)ဦးအတွက် တစ်ဦးလျှင် အလှူငွေ-(၂၅,၀၀၀)ကျပ်စီ ပေးအပ်လှူဒါန်းခဲ့ပါသည်။
