လူမှုရေး

(၁၄.၁၁.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အဖွဲ့ဝင်များသည် နေပြည်တော် သာဝတ္ထိမြို့ စခန်းထောက်ကျောင်းတိုက်၌ကျင်းပပြုလုပ်သော ကထိန်အလှူတော်မင်္ဂလာအခမ်းအနားတွင် ငွေပဒေသာပင်အတွက်အလှူငွေများလှူဒါန်းခြင်း၊ ပင့်သံဃာအပါး (၂၀)ပါးတို့ကို တစ်ပါးလျှင် (၅၀,၀၀၀)ကျပ်စီလှူဒါန်းခဲ့ကြပါသည်။

(၃၁.၁၀.၂၀၂၄)ရက်နေ့တွင် ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် မြစ်ကြီးနားမြို့၊ အောင်ဇေရန်အောင်ဘိုးဘွားရိပ်သာ၌ အသင်းမှကြီးမှူးကျင်းပသည့်သက်ကြီးတွေ့ဆုံပွဲအခမ်းအနားသို့ တက်ရောက်ခဲ့ပြီး ဘိုးဘွား (၁၀၀) ဦးအား လက်ဆောင်ပစ္စည်းများပေးအပ်ကာ နံနက်စာ ထမင်းနှင့်ဟင်းဖြင့် ဧည့်ခံကျွေးမွေးခဲ့ကြပါသည်။

(၃၀.၁၀.၂၀၂၄)ရက်နေ့တွင် နေပြည်တော်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းနှင့် M-Angel ပါရမီဖြည့်ဖက်ညီအစ်မများစုပေါင်း၍ တပ်ကုန်းမြို့၊ ရေဘေးသင့်မိသားစုများပြန်လည်ထူထောင်နိုင်ရေးအတွက် အလှူငွေများ၊ ဖိနပ်များ၊ ကလေးများအတွက် အရုပ်ဗူးများ သွားရောက်ထောက်ပံ့လှူဒါန်းခဲ့ကြပါသည်။

(၃၀.၁၀.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ပဲခူးမြို့၊ မြို့တော်ခန်းမတွင်ကျင်းပပြုလုပ်သည့် ရာဂီမုန်တိုင်းနှင့် စပ်လျဉ်း၍ဖြစ်ပွားခဲ့သောရေဘေးကြောင့်ထိခိုက်ပျက်စီးမှုများကို ကူညီကယ်ဆယ်ရေးလုပ်ငန်းများဆောင်ရွက်ခဲ့သည့် လူမှုရေးအဖွဲ့အစည်းအသီးသီးအား ဂုဏ်ပြုချီးမြှင့်ပွဲအခမ်းအနားသို့ တက်ရောက်ခဲ့ပါသည်။

(၃၀.၁၀.၂၀၂၄)ရက်နေ့တွင် ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အတွင်းရေးမှူးတို့သည် တိုင်းဒေသကြီးအစိုးရအဖွဲ့မှကျင်းပသည့် ရာဂီမုန်တိုင်းနှင့် စပ်လျဉ်း၍ဖြစ်ပွားခဲ့သောရေဘေးကြောင့်ထိခိုက်ပျက်စီးမှုများကို ကူညီကယ်ဆယ်ရေးလုပ်ငန်းများဆောင်ရွက်ခဲ့သူများအား ဂုဏ်ပြုပေးခြင်းအခမ်းအနားသို့ တက်ရောက်အားပေးချီးမြှင့်ခဲ့ပါသည်။

(၃၀.၁၀.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဗဟိုအလုပ်အမှုဆောင်နှင့် အဖွဲ့ဝင်များသည် နေပြည်တော်၊ ပုဗ္ဗသီရိမြို့နယ်၊ ရွှေညောင်ပင်ရွာ၊ ဝေဘုလကျောင်းတိုက်တွင် (သတ္တမ)အကြိမ်မြောက် စုပေါင်းမဟာဘုံကထိန်အလှူတော်မင်္ဂလာအခမ်းအနားကို ကျင်းပပြုလုပ်ခဲ့ပါသည်။