စွမ်းရည်မြှင့်တင်ရေး

ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် ၅ ဦးတို့သည် ၂၆.၁၂.၂၀၂၅ ရက်နေ့တွင် ပဲခူးမြို့၊ သီရိဟံသာခန်းမ လူငယ်ရေးရာစင်တာတွင် ပဲခူးတိုင်းဒေသကြီး လူငယ်ရေးရာကော်မတီမှ ဦးဆောင်၍ဖွင့်လှစ်သော BOW ကလစ်နှင့် ပန်းကြယ်သီးပြုလုပ်နည်းသင်တန်းဆင်းပွဲအခမ်းအနားကို တက်ရောက်ခဲ့ပါသည်။

ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အတွင်းရေးမှူးတို့သည် ၂၆.၁၂.၂၀၂၅ ရက်​နေ့တွင် ဧရာဝတီတိုင်း​ဒေသကြီး အမျိုးသမီး​ရေးရာအဖွဲ့မှကြီးမှူးကျင်းပ​သော အ​ခြေခံစာရင်းအင်းကျွမ်းကျင်မှုသင်တန်းဖွင့်ပွဲအခမ်းအနားကို တက်​ရောက်ခဲ့ပါသည်။

ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင် ၂ ဦးသည် ၁.၁၂.၂၀၂၅ ရက်နေ့တွင် ပုသိမ်မြို့၌ကျင်းပပြုလုပ်သော ဧရာဝတီတိုင်းဒေသကြီး အမျိုးသမီးများအပေါ်အကြမ်းဖက်မှု့ပပျောက်ရေး (၁၆)ရက်တာလှုပ်ရှားမှု အထိမ်းအမှတ်၊ အမျိုးသမီးများစွမ်းဆောင်ရည်မြှင့်တင်ရေး၊ ရပ်ရွာအခြေပြုသင်တန်းသို့သွားရောက်၍ စက်ချုပ်သင်တန်းသူ (၁၅)ဦးအား သင်ထောက်ကူပိတ်စများ ထောက်ပံ့ပေးအပ်ခဲ့ပါသည်။ လှူဒါန်းမှုစုစုပေါင်းငွေ ၁၀၀,၀၀၀/-ကျပ်ဖြစ်ပါသည်။

ကချင်ပြည်နယ် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အဖွဲ့ဝင်များသည် ၂၅.၁၁.၂၀၂၅ ရက်နေ့တွင် အိမ်တွင်းမှုကျောင်းနှင့်ပူးပေါင်း၍ ဂရိတ်ဖုသီးယိုပြုလုပ်နည်းကို သင်တန်းသူ ၁၀ ဦးအား သင်ကြားပေးခဲ့ပါသည်။

၂၀.၉.၂၅ ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ ဥက္ကဌ ဒေါ်ခင်စီ နှင့် အဖွဲ့ဝင် ၃ ဦးသည် မကွေးမြို့၊ တိုင်းဒေသကြီးအားကစားကွင်းတွင် ကျင်းပပြုလုပ်သော အခြေခံပညာကျောင်းပေါင်းစုံ အမျိုးသား/အမျိုးသမီး အားကစားပြိုင်ပွဲ၊ ဖွင့်ပွဲအခမ်းအနားသို့တက်ရောက်ခဲ့ပြီး ဖွင့်ပွဲ ပွဲစဉ်အနေဖြင့် မကွေးခရိုင်အသင်းနှင့် ပခုက္ကူခရိုင်အသင်းတို့ ဘောလုံးယှဉ်ပြိုင်ကစားနေမှုများကို ကြည့်ရှုအားပေးကြပါသည်။ ထို့နောက် နေပြည်တော်သို့ သွားရောက် ယှဉ်ပြိုင်မည့် မကွေးတိုင်း အေရိုးဗစ်လက်ရွေးစင်အသင်း လေ့ကျင့်နေမှုများကို သွားရောက်ကြည့်ရှု အားပေးစကားများပြောကြားခဲ့ပြီး အာဟာရအားဖြည့် အစားအသောက်များ လှူဒါန်းပေးအပ်ခဲ့ပါသည်။

၁၉.၉.၂၀၂၅ ရက်နေ့တွင် မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် ၂ ဦးသည် မကွေးတိုင်းဒေသကြီးအစိုးရအဖွဲ့နှင့် အစိုးရနည်းပညာ အထက်တန်းကျောင်း(မကွေး)တို့က အစိုးရနည်းပညာအထက်တန်းကျောင်း(မကွေး)တွင် ပူးပေါင်းဖွင့်လှစ်သော အခြေခံအိမ်တွင်းလျှပ်စစ်သွယ်တန်းခြင်းနှင့် အခြေခံဂဟေဆက်သင်တန်း၊ သင်တန်းဆင်းလက်မှတ်ပေးအပ်ခြင်း အခမ်းအနားသို့ တက်ရောက်ခဲ့ပါသည်။