စွမ်းရည်မြှင့်တင်ရေး

၂၄.၅.၂၀၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (MWCDF)မှ အ.ထ.က(၁၂) ကျောင်းတွင် ဖွင့်လှစ်သင်ကြားနေသော နွေရာသီအင်္ဂလိပ်စာ(4-Skill) Pre-Intermediate level သင်တန်း (Talk Show)ပြိုင်ပွဲကို (MWCDF) အသင်း ဒုတိယဥက္ကဋ္ဌနှင့် ဗဟိုအလုပ်အမှုဆောင်များ တက်ရောက်၍ သင်တန်းနည်းပြ ဆရာ/ဆရာမများနှင့်အတူ ကျောင်းသား/သူများ၏ စကားပြောစွမ်းဆောင်ရည်များကိုကြည့်ရှုကာ အမှတ်ပေးစည်းမျဉ်းအတိုင်း အကဲဖြတ်ပြီး ထူးချွန်ကျောင်းသား/သူများအား ဆုများချီးမြှင့်‌ပေးရန် ရွေးချယ်ခဲ့ကြပါသည်။

၂၇.၄.၂၅ ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အ.ထ.က(၁၂)ကျောင်းတွင် ဖွင့်လှစ်သင်ကြားနေသော နွေရာသီအင်္ဂလိပ်စာ(4-Skill) Pre-Intermediate level သင်တန်းရှိ သင်တန်းသား/သူများအား အသင်းဗဟိုအလုပ်အမှုဆောင် ဒေါက်တာကြူကြူအေးက ငလျင်ဒဏ်ခံစားဖူးတဲ့ ကလေးငယ်များကို ငလျင်လှုပ်ချိန်တွင် ဘယ်လိုနေထိုင်ခဲ့သလဲအမေးအဖြေပြုလုပ်ခဲ့ပြီး ထပ်မံ၍ငလျင်လှုပ်ပါက ငလျင်လှုပ်စဉ် ဘယ်လိုနေထိုင်ရမလဲဆိုသည့် ပညာပေး program ဝပ်… ကာ…ကိုင်…နည်း၊ Life triangle နည်းများကို သင်ကြားပို့ချပေးခဲ့ပါသည်။ သင်တန်းသား/သူများ အာဟာရရှိစေရေးအတွက် အသင်း ဒုဥက္ကဋ္ဌနှင့် ဗဟိုအလုပ်အမှုဆောင်များက ဘီစကစ်မုန့်များ၊ ကိတ်မုန့်အစုံနှင့် အအေးများတိုက်ကျွေးခြင်း အာဟာရကုသိုလ်ပြုခဲ့ကြပါသည်။ လှူဒါန်းငွေ ၂၂၀,၀၀၀/-ကျပ်ဖြစ်ပါသည်။

၄.၃.၂၅ ရက်နေ့တွင် ထားဝယ်မြို့ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ ဒေါ်စမ်းရည်သည် မြို့မယဉ်ငေးသာသနာ့ရိပ်သာ၌ ကျင်းပပြုလုပ်သော ဗုဒ္ဓယဉ်ကျေးမှု အခြေပြုနွေရာသီ ယဉ်ကျေးလိမ္မာသင်တန်းတွင် သုတစုံလင်ဗုဒ္ဓဝင် ဖြေဆိုပူဇော်ပြိုင်ပွဲဝင်မည့် ကျောင်းသား/သူများအား  သင်ကြားပို့ချခဲ့ပါသည်။