စွမ်းရည်မြှင့်တင်ရေး

(၂၇. ၅. ၂၀၁၈)နေ့တွင် နေပြည်တော်၊ MWCDF(ရုံးချုပ်)၌ အ.ထ.က(၁၂)ချင်းရွာမှ ကျောင်းသား/သူများအတွက် စတုတ္ထအကြိမ်မြောက်ဖွင့်လှစ်ပေးသည့် နွေရာသီအင်္ဂလိပ်စာ (Elementary Level)သင်တန်းနှင့် ဆရာ/မများအတွက် ပထမအကြိမ်မြောက် ဖွင့်လှစ်ပေးသည့် (Pre-Intermediate Level)သင်တန်းဆင်းပွဲအခမ်းအနား ကျင်းပပြုလုပ်ခဲ့ပါသည်။ အခမ်းအနားတွင် အသင်းဥက္ကဋ္ဌမှ အမှာစကားပြောကြားခြင်း၊ အတွင်းရေးမှူးမှ သင်တန်း ဆင်းအမှာစကားပြောကြားခြင်းနှင့် သင်တန်းတွင် ထူးချွန်စွာအောင်မြင်၍ ဆုရရှိသူများအား ဆုများ ချီးမြှင့်ပေးခဲ့ပါသည်။ အသင်းမှ ဖွင့်လှစ်သည့် နွေရာသီ အင်္ဂလိပ်စာသင်တန်းတွင် သင်ကြားပြသခဲ့သော ဆရာဦးမင်းစိုးသူရ နှင့် ဆရာမဒေါ်ဇင်မာမျိုးအား အသင်းဥက္ကဋ္ဌမှ ဂုဏ်ပြုငွေနှင့် အမှတ်တရလက်ဆောင်ပစ္စည်းများ ချီးမြှင့်ခဲ့ပါသည်။

(၁၃.၅.၂၀၁၈)နေ့တွင် MWCDFအသင်းမှကြီးမှူး၍ ဖွင့်လှစ်သော နွေရာသီအင်္ဂလိပ်စာသင်တန်းတွင် တက်ရောက်နေကြသည့် ဆရာ/မ(၁၆)ဦး၊ ကျောင်းသား/သူ(၃၆)ဦးနှင့်အတူ အမျိုးသားပြတိုက်သို့ သွားရောက်လေ့လာခဲ့ပါသည်။ အမျိုးသားပြတိုက်မှ တာဝန်ရှိသူများကလည်း အခန်းအလိုက်ထားရှိသော အကြောင်းအရာများအား အသေးစိတ်ရှင်းလင်းပြောကြားခဲ့ပါသည်။

MWCDFအသင်းမှ အဖွဲ့ဝင်များသည် (၄.၄.၂၀၁၈)နေ့တွင် ဥတ္တရသီရိမြို့နယ်၊ မအူလေးပင်ကျေးရွာ၊ ရွာဦးဘုန်းတော်ကြီးကျောင်း၌ နွေရာသီယဉ်ကျေးလိမ္မာ သင်တန်းဖွင့်ပွဲနှင့် ဆုနှင်းသဘင်ပွဲကျင်းပရာ အခမ်းအနားသို့ တက်ရောက်၍ စာရေးကိရိယာများ၊ အလှူငွေများအား ကျောင်းထိုင်ဆရာတော်ထံ ပေးအပ်လှူဒါန်းခဲ့ပါသည်။

၂၀၁၈ခုနှစ်၊ မတ်လအတွင်း နွေရာသီအင်္ဂလိပ်စာ(Pre-Intermediate Level)သင်တန်းကို အ.ထ.က(၁၂)ချင်းရွာ၊ အ.မ.က(၃)၊ အ.မ.က(သစ်ဝင်တိုင်း)၊ အ.လ.က(ဗိုလ်ရွေး)မှ ဆရာ/မများ၊ MWCDFရုံးအဖွဲ့ စုစုပေါင်း(၂၅)ဦးအား သင်တန်းဆရာမှ အင်္ဂလိပ်စာသင်ခန်းစာများ သင်ကြားပို့ချဆွေးနွေးနေခြင်း

၂၀၁၈ခုနှစ်၊ မတ်လအတွင်း နွေရာသီအင်္ဂလိပ်စာ(Elementary Level)သင်တန်းကို အ.ထ.က(၁၂)ချင်းရွာမှ ကျောင်းသား/သူ (၄၀)ဦးအား သင်တန်းဆရာမှ အင်္ဂလိပ်စာသင်ခန်းစာများ သင်ကြားပို့ချနေခြင်း

(၂၄.၃.၂၀၁၈)နေ့တွင် နေပြည်တော်၊ ဥတ္တရသီရိမြို့နယ်၊ MWCDF(ရုံးချုပ်)၌ နွေရာသီအင်္ဂလိပ်စာ (Pre-Intermediate Level)သင်တန်းဖွင့်ပွဲ ကျင်းပပြုလုပ်ခဲ့ရာ အ.ထ.က(၁၂)၊ အ.မ.က(၃)၊ သစ်ဝင်တိုင်းရွာ(အ.မ.က)၊ အ.လ.က(ဗိုလ်ရွေး)ကျောင်းတို့မှ ကျောင်းဆရာ/မ(၂၅)ဦး တက်ရောက်သင်ကြားခဲ့ပါသည်။ ဖွင့်ပွဲအခမ်းအနားတွင် MWCDFအသင်း ဒုတိယဥက္ကဋ္ဌဒေါ်စုညွန့်ဦးမှ နှုတ်ခွန်းဆက် အမှာစကားပြော ကြားခဲ့ပြီး အတွင်းရေးမှူး ဒေါ်မေမြင့်မောင်မှ အသင်းအကြောင်း၊ သင်တန်းဖွင့်လှစ်ရခြင်း၏ ရည်ရွယ်ချက်၊ သင်တန်းစည်းကမ်းများအား ရှင်းလင်းပြောကြားခဲ့ပါသည်။ ဆက်လက်၍ သင်တန်းဆရာဦးမင်းစိုးသူရမှလည်း မိတ်ဆက်အမှာစကားပြောကြားခဲ့ပြီး သင်တန်း တက်ရောက်သော ဆရာ/မများနှင့် အမှတ်တရဓါတ်ပုံ ရိုက်ကူးခဲ့ပါသည်။