စွမ်းရည်မြှင့်တင်ရေး

(၃.၄.၂၀၂၃)နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (MWCDF)မှ မျိုးဆက်သစ်လူငယ်လူရွယ်များ ယဉ်ကျေးလိမ္မာမှုရရှိစေရန်နှင့် အမျိုးဘာသာသာသနာကို ထိန်းသိမ်းစောင့်ရှောက်နိုင်သော  အမျိုးကောင်းသား၊ အမျိုးကောင်းသမီးများ ဖြစ်လာစေရန်နှင့် (၃၈)ဖြာမင်္ဂလာတရားတော်နှင့်အညီ ပြုမူကျင့်ကြံနေထိုင်တတ်စေရန် ရည်ရွယ်၍ ကျောင်းအခြေပြု နွေရာသီယဉ်ကျေးလိမ္မာသင်တန်း အမှတ်စဉ်(၁)အား နေပြည်တော်၊ ဥတ္တရသီရိမြို့နယ်၊ အ.ထ.က(၁၂) ကျောင်း၊ ပညာရတနာခန်းမ၌ ဖွင့်လှစ်ခဲ့ပါသည်။

(၂၅.၃.၂၀၂၃)နေ့တွင် နေပြည်တော်၊ ဥတ္တရသီရိမြို့နယ်၊ အ.ထ.က(၁၂) ကျောင်းခန်းမ၌ မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(MWCDF)မှ ကြီးမှူး၍ ဖွင့်လှစ်သည့် နွေရာသီအခြေခံကွန်ပျူတာသင်တန်း အမှတ်စဉ်(၁) သင်တန်းဖွင့်ပွဲအခမ်းအနားကျင်းပပြုလုပ်ခဲ့ပါသည်။

(၁၃.၃.၂၀၂၃)နေ့တွင် အားကစားနှင့် လူငယ်ရေးရာဝန်ကြီးဌာန၊ လူငယ်ရေးရာဦးစီးဌာနနှင့် အသေးစား စက်မှုလက်မှုလုပ်ငန်းဦးစီးဌာနတို့ ပူးပေါင်းဖွင့်လှစ်သည့် စားသောက်ကုန်ထုတ်လုပ်မှု နည်းပညာပေး သင်တန်းအမှတ်စဉ်(၁/၂၀၂၃) ဖွင့်ပွဲအခမ်းအနားကို နေပြည်တော်၊ စစ်မှုထမ်းဟောင်း ကြီးကြပ်မှုအဖွဲ့ရုံး၊ ပုဗ္ဗသီရိမြို့နယ်၌ ကျင်းပပြုလုပ်ရာ MWCDF အသင်းမှ CEC တက်ရောက်ခဲ့ပါသည်။ အဆိုပါသင်တန်းတွင် အသင်းမှ သင်တန်းသား/သူ(၃)ဦး တက်ရောက်သင်ယူခဲ့ပါသည်။