စွမ်းရည်မြှင့်တင်ရေး

နွေရာသီအင်္ဂလိပ်စာ (Pre-Intermediate Level) သင်တန်းဖွင့်ပွဲကို (၉.၃.၂၀၁၉)ရက်နေ့၊ နံနက်(၁ဝး၃၀)နာရီတွင် ကျောင်းသား/သူ(၄၀)ဦးနှင့် ဖွင့်လှစ်ခဲ့ပြီး သင်တန်းကာလမှာ (၃)လဖြစ်ပါသည်။ သင်တန်းဖွင့်ပွဲတွင် MWCDF (ရုံးချုပ်)မှ CEC များ၊ အ.ထ.က(၁၂)ကျောင်းမှ ကျောင်းအုပ်ဆရာမကြီး နှင့် ဆရာ/မများ၊ သင်တန်းဆရာတို့ တက်ရောက်ခဲ့ကြပြီး အသင်း CEC ဒေါက်တာနန္ဒာမွှန်းမှ အမှာစကား ပြောကြားခြင်း၊ အတွင်းရေးမှူးမှ သင်တန်းဖွင့်လှစ်ရခြင်း ရည်ရွယ်ချက်၊ သင်တန်းစည်းကမ်းများ ရှင်းလင်း ပြောကြားခြင်း၊ ကျောင်းအုပ်ဆရာမကြီးမှ အမှာစကားပြောကြားခြင်း၊ သင်တန်းဆရာ ဦးမင်းစိုးသူရမှ အမှာ စကားပြောကြားခဲ့ပြီး ကျောင်းသား/သူ(၄၀)အား အအေး၊

ဆပ်ပြာပြုလုပ်နည်းသင်တန်း ဒုတိယနေ့တွင် သင်တန်းဆရာမမှ သင်တန်းသူများအား ဘက်စုံသုံးသဘာဝ ဆပ်ပြာပြုလုပ်နည်း၊ အမွှေးဖယောင်းခွက်များ ပြုလုပ်နည်း၊ မျက်နှာသစ်ဆပ်ပြာခဲ ပြုလုပ်နည်း၊ ဆပ်ပြာအကြမ်းခဲပြုလုပ်နည်းများ သင်ကြားပို့ချခဲ့ပါသည်။

(၂၆.၁.၂၀၁၉) ဆပ်ပြာပြုလုပ်နည်းသင်တန်း ပထမနေ့တွင် သင်တန်းဆရာမမှ သင်တန်းသူများအား ခေါင်းလျှော်ရည်ပြုလုပ်နည်း၊ အဝတ်လျှော်ဆပ်ပြာပြုလုပ်နည်း၊ ပန်းကန်ဆေးဆပ်ပြာပြုလုပ်နည်း၊ ရေချိုးဆပ်ပြာပြုလုပ်နည်းများ သင်ကြားပို့ချခဲ့ပါသည်။

(၂၆.၁.၂၀၁၉)နေ့တွင် MWCDF အသင်းမှ မန္တလေးမြို့၊ ကမ်းနားလမ်း၊ ချော်ဆိပ်ရေနံရိပ်သာ၌ အမျိုးသမီးများဝင်ငွေတိုးလုပ်ငန်းများ ဆောင်ရွက်နိုင်ရန် ရည်ရွယ်၍ ဆပ်ပြာပြုလုပ်နည်း သင်တန်းအား(၂၆.၁.၂၀၁၉ မှ ၂၇.၁.၂၀၁၉)နေ့အထိ (၂)ရက်တာ ပို့ချပေးမည့် သင်တန်းဖွင့်ပွဲ အခမ်းအနားအား ကျင်းပပြုလုပ်ခဲ့ပါသည်။

မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း(MWCDF)နှင့် Earth Vocational Training Center တို့ ပူးပေါင်းဖွင့်လှစ်သော ကြိမ်၊ ၀ါး၊ စဉ့် လက်မှုအနုပညာသင်တန်းဆင်းပွဲ အခမ်းအနားအား (၃၁.၁၂.၂၀၁၈)နေ့၊ နေ့လည်(၁၁းဝ၀)နာရီတွင် အမှတ်(၁၇၀)၊ Earth Vocational Training Center ၊ သီရိရတနာအဆင့်မြှင့်စျေး၊ ဇဗ္ဗူသီရိမြို့နယ်၊ နေပြည်တော်၌ ကျင်းပပြုလုပ်ခဲ့ပါသည်။

(၂၄.၁၂.၂၀၁၈)နေ့တွင် အမှတ်(၁၇၀)၊ သီရိရတနာအဆင့်မြင့်စျေး၊ ဇဗ္ဗူသီရိမြို့နယ်၊ နေပြည်တော်၊ Earth ကြိမ်၊ ဝါး၊ စဉ့် လက်မှုအနုပညာ သင်တန်းကျောင်း၌ “ကြိမ်၊ ဝါး လက်မှုအနုပညာသင်တန်း” ဖွင့်ပွဲအခမ်းအနားအား တိုင်း/ပြည်နယ်များမှ သင်တန်းသား/သူ(၂၉)ဦးဖြင့် ကျင်းပပြုလုပ်ခဲ့ပါသည်။ သင်တန်းကာလမှာ (၂၄.၁၂.၂၀၁၈ မှ ၃၁.၁၂.၂၀၁၈)နေ့အထိ သင်ကြားပို့ချပေးသွား မည်ဖြစ်ပါသည်။