လုပ်ငန်းညှိနှိုင်းအစည်းအဝေးများ

မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း (၆၀)ကြိမ်မြောက် ဗဟိုအလုပ်အမှုဆောင်ညှိနှိုင်းအစည်းအဝေးအခမ်းအနားကို ၉.၁.၂၀၂၆ ရက်နေ့တွင် ရုံးချုပ်တွင်ကျင်းပပြုလုပ်ရာ အသင်း ဥက္ကဌ၊ ဒုဥက္ကဌ၊ အတွင်းရေးမှူး၊ တွဲဖက်အတွင်းရေးမှူး၊ ဘဏ္ဍာရေးမှူး၊ တွဲဖက်ဘဏ္ဍာရေးမှူးနှင့် ဗဟိုအလုပ်အမှုဆောင် ၅ ဦးတက်ရောက်ခဲ့ကြပါသည်။ အခမ်းအနားတွင် အသင်း ဥက္ကဌ ဒေါက်တာ နန္ဒာမွှန်းမှ အဖွင့်အမှာစကားပြောကြားပြီး တက်ရောက်လာသူများမှ အသင်း၏ရှေ့လုပ်ငန်းစဉ်များ အကောင်အထည်ဖော်ဆောင်ရွက်နိုင်ရန်ရေးအတွက် အသီးသီးဆွေးနွေးခဲ့ကြပါသည်။

ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် ၃ ဦးတို့သည် ၄.၁.၂၀၂၆ ရက်နေ့တွင် (၇၈)နှစ်မြောက် လွတ်လပ်ရေးနေ့အထိမ်းအမှတ် အလံတင်အခမ်းအနား၊ သဝဏ်လွှာဖတ်ပွဲအခမ်းအနားနှင့် ဂုဏ်ပြုညစာစားပွဲအခမ်းအနားသို့ တက်ရောက်ခဲ့ပါသည်။

ရှမ်းပြည်နယ်(တောင်ပိုင်း) အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ သည် ၄.၁.၂၀၂၆ ရက်နေ့တွင်  (၇၈)နှစ်မြောက် လွတ်လပ်ရေးနေ့အထိမ်းအမှတ် သဝဏ်လွှာဖတ်ပွဲအခမ်းအနားနှင့် ဂုဏ်ပြုညစာစားပွဲ အခမ်းအနားသို့တက်ရောက်ခဲ့ပါသည်။

ရန်ကုန်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အတွင်းရေးမှူးတို့သည် ၄.၁.၂၀၂၆ ရက်နေ့တွင် (၇၈)နှစ်မြောက် လွတ်လပ်ရေးနေ့ညစာစားပွဲ အခမ်းအနားသို့ တက်ရောက်ခဲ့ကြပါသည်။

ဧရာဝတီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌနှင့် အတွင်းရေးမှူးတို့သည် ၃.၁.၂၀၂၆ ရက်နေ့တွင် ပုသိမ်မြို့၊ ဧရာရွှေဝါခန်းမ၌ကျင်းပပြုလုပ်သော (၇၈)နှစ်မြောက် လွတ်လပ်ရေးနေ့အထိမ်းအမှတ် ကလေးပြိုင်ပွဲ၊ စံပြမိခင်ပြိုင်ပွဲ ဆုချီးမြှင့်ခြင်းအခမ်းအနားသို့ တက်ရောက်ခဲ့ပါသည်။

ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် အဖွဲ့ဝင် ၃ ဦးတို့သည် ၂၉.၁၂.၂၀၂၅ ရက်နေ့တွင် ပဲခူးမြို့၊ မြို့တော်ခန်းမတွင်ကျင်းပပြုလုပ်သော ကျန်းမာရေးဝန်ကြီးဌာန၊ ကျန်းမာရေးလူ့စွမ်းအားအရင်းမြစ်ဦးစီးဌာန၊ ပဲခူးသားဖွားသင်တန်းကျောင်း ဒဿမအကြိမ်မြောက် ဘက်စုံသားဖွားဒီပလိုမာအောင်လက်မှတ်အပ်နှင်းပွဲ အခမ်းအနားကိုတက်ရောက်ခဲ့ပါသည်။