လုပ်ငန်းညှိနှိုင်းအစည်းအဝေးများ

တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဋ္ဌ နှင့် အဖွဲ့ဝင်(၂)ဦးသည် ၂၅.၇.၂၀၂၅ ရက်နေ့တွင် ရန်ကုန်မြို့မှ စီးပွါးရေးပညာရှင် ဒေါက်တာအောင်ပွားက တနင်္သာရီတိုင်း တိုင်းရင်းသားလုပ်ငန်းရှင်များအား ဟောပြော‌ပေးသည့်သင်တန်းသို့ တက်ရောက့်ခဲပါသည်။

(၂၁.၇.၂၀၂၅)ရက်နေ့တွင် မကွေးမြို့၊ တိုင်းအားကစားကွင်း၌ ကျင်းပသော ၂၀၂၅ ခုနှစ်၊ မကွေးတိုင်းဒေသကြီး ရေနံမြေသခင်ဖိုးလှကြီးဒိုင်းအလွတ်တန်းဖိတ်ခေါ်ဘောလုံးပြိုင်ပွဲ အခမ်းအနားကို မကွေးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်‌ရေးအသင်းမှ ဥက္ကဌ နှင့် အဖွဲ့ဝင် (၂)ဦး တက်ရောက်ချီးမြှင့်ခဲ့ပါသည်။ ပြိုင်ပွဲတွင် မန္တလေးတိုင်းမှ (၄)သင်း၊ ပဲခူးတိုင်းမှ (၄)သင်း၊ ရန်ကုန်တိုင်းမှ (၁)သင်း၊ နေပြည်တော်မှ (၁)သင်းနှင့် မကွေးတိုင်းမှ (၂၂) သင်း စုစုပေါင်း-(၃၂)သင်း ဝင်ရောက်ယှဉ်ပြိုင်ကြပါသည်။

(၂၁.၇.၂၀၂၅)ရက်နေ့တွင် Cherry Queen Hotel ၌ ကျင်းပပြုလုပ်သည့် Trauma First Aid Provider Training ဆင်းပွဲအခမ်းအနားသို့ ရှမ်းပြည်နယ်တောင်ပိုင်း အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ ဥက္ကဋ္ဌ တက်ရောက်ခဲ့ပါသည်။

၁၂.၇.၂၀၂၅ ရက်နေ့တွင် တနင်္သာရီတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်း၏ အလုပ်အမှုဆောင်အစည်းအဝေးအား ကျင်းပပြုလုပ်၍ အသင်းဥက္ကဋ္ဌနှင့် အလုပ်အမှု‌ဆောင်များတက်‌ရောက်ကာ အသင်းကြီး(၁၂)နှစ်မြောက် နှစ်ပတ်လည်အစည်းအ‌ဝေးအတွက် တင်ပြရန်အချက်များအား ကြိုတင်ညှိနှိုင်းဆွေးနွေးခြင်း၊ အသင်းသားများ၏ တင်ပြချက်များနှင့် ငွေစာရင်းများကိုရှင်းလင်းတင်ပြကာ လုပ်ငန်းစဉ်များကို ဆွေးနွေးကြပါသည်။

၃.၇.၂၀၂၅ ရက်နေ့တွင် နေပြည်တော် အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဥက္ကဌ နှင့် ဒုဥက္ကဌ တို့သည် နေပြည်တော် ဒက္ခိဏသီရိမြို့နယ် မြန်မာနိုင်ငံအမျိုးသမီးရေးရာအဖွဲ့ချုပ်ရုံး သီရိရတနာခန်းမတွင် ကျင်းပပြုလုပ်သော မြန်မာအမျိုးသမီးများနေ့ အခမ်းအနားကို တက်ရောက်ခဲ့ကြပါသည်။