လုပ်ငန်းညှိနှိုင်းအစည်းအဝေးများ

(၂၆.၁၀.၂၀၂၀)နေ့၊ လူမှုဝန်ထမ်း၊ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာနမှ ညွှန်ကြားရေးမှူးချုပ် ဦးဆောင်မှုဖြင့် မသန်စွမ်းသူများ၏ အခွင့်အရေးများဆိုင်ရာ မဟာဗျူဟာ(၅)နှစ် စီမံကိန်းရေးဆွဲချမှတ်နိုင်ရေးအတွက် လျာထားအခန်း(၄)လူမှုကာကွယ်စောင့်ရှောက်ရေး ခေါင်းစဉ်ဖြင့် ကျင်းပပြုလုပ်သည့် ဒုတိယအကြိမ် Online အစည်းအဝေးကိုမြန်မာနိုင်ငံအမျိုးသမီးများ နှင့်ကလေးသူငယ်များဘဝမြှင့်တင်ရေးအသင်းမှ အလုပ်အမှုဆောင် ဒေါက်တာကြူကြူအေး တက်ရောက်ဆွေးနွေးခဲ့ပါသည်။

၂၂.၁၀.၂၀၂၀ ရက်နေ့ မြန်မာနိုင်ငံ၏ အာဆီယံဒေသဆိုင်ရာ အမျိုးသမီးများ အပေါ် အကြမ်းဖက်မှုပပျောက်ရေးလုပ်ငန်းစီမံချက် (၂၀၁၆-၂၀၂၅)အပေါ် ကာလလတ် ပြန်လည်သုံး သပ်သည့် နိုင်ငံအဆင့်ဆွေးနွေးပွဲသို့ မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်း(MWCDF)မှ တွဲဘက်အတွင်းရေးမှူး ဒေါ်နီဆက်တင်ထူး တက်ရောက်ခဲ့ပါသည်။

(၁၃.၁၀.၂၀၂၀)ရက်နေ့ လူမှုဝန်ထမ်း၊ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန၊ ဘေးအန္တရာယ်ဆိုင်ရာစီမံခန့်ခွဲမှုဦးစီးဌာနက ကြီးမှူး၍ Video Conferencing စနစ်ဖြင့် ကျင်းပပြုလုပ်သည့် အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံးနိုင်ခြေလျော့ချရေးနေ့- ၂၀၂၀ (International Day For Disaster Risk Reduction – IDDRR) အထိမ်းအမှတ်အခမ်းအနားသို့ MWCDF အသင်းမှ ဒုက္ကဌ ဒေါ်စုညွန့်ဦးနှင့် အတွင်းရေးမှူး ဒေါ်မေမြင့်မောင်တို့ တက်ရောက်ခဲ့ပါသည်။ ၂၀၂၀ ပြည့်နှစ်အတွက် IDDRR အခမ်းအနားကို It’s All About Governance “ ပေါင်းစည်းညီညွတ်သော

လူမှုဝန်ထမ်း၊ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာနမှ ကလေးသူငယ်အခွင့်အရေးများဆိုင်ရာ နည်းဥပဒေ(မူကြမ်း)ရေးဆွဲခြင်းနှင့် ပတ်သက်၍ Core Group Consultation အား Zoom Application ဖြင့်(၂၄.၉.၂၀၂၀)ရက်နေ့မှ(၂၈.၉.၂၀၂၀)ရက်နေ့ထိ ကျင်းပပြုလုပ်သည့် အစည်းအဝေးကို မြန်မာနိုင်ငံအမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ တွဲဘက်အတွင်းရေးမှူးတက်ရောက်ခဲ့ပါသည်။

(၁၄.၉.၂၀၂၀)ရက်နေ့ ကလေးသူငယ်အခွင့်အရေးများဆိုင်ရာ အမျိုးသားကော်မတီဥက္ကဋ္ဌ ဖြစ်သည့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန၊ ပြည်ထောင်စုဝန်ကြီးဦးဆောင်၍ Zoom Application ဖြင့်ကျင်းပပြု လုပ်သည့် ကလေးသူငယ်အခွင့်အရေးများဆိုင်ရာ အမျိုးသားကော်မတီ အစည်းအဝေး(၁/ ၂၀၂၀)ကို မြန်မာနိုင်ငံ အမျိုးသမီးများနှင့်ကလေးသူငယ်များဘဝမြှင့်တင်ရေးအသင်းမှ အတွင်းရေးမှူး တက်ရောက်ခဲ့ပါသည်။

(၇.၉.၂၀၂၀)ရက်နေ့ မြန်မာနိုင်ငံလုံးဆိုင်ရာ အမျိုးသမီးကော်မတီ ဥက္ကဋ္ဌ ဖြစ်သည့် လူမှုဝန်ထမ်း၊ကယ်ဆယ်ရေးနှင့် ပြန်လည်နေရာ ချထားရေးဝန်ကြီးဌာန၊ ပြည်ထောင်စုဝန်ကြီး ဦးဆောင်၍ Zoom Application ဖြင့် ကျင်းပပြုလုပ်သည့် မြန်မာနိုင်ငံလုံးဆိုင်ရာ အမျိုးသမီးကော်မတီ အစည်းအဝေး(၂/ ၂၀၂၀)ကို မြန်မာနိုင်ငံအမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဒုဥက္ကဋ္ဌနှင့် အတွင်းရေးမှူးတို့ တက်ရောက်ခဲ့ပါသည်။