လုပ်ငန်းညှိနှိုင်းအစည်းအဝေးများ

(၁၉.၁၁.၂၀၂၂)နေ့၊ ကချင်ပြည်နယ် လူမှုဝန်ထမ်းရုံးမှ မြစ်ကြီးနားမြို့၊ အ.ထ.က(၁)ကျောင်းခန်းမတွင် ကျင်းပပြုလုပ်သော (၃၃)နှစ်မြောက် ကလေးသူငယ်အခွင့်အရေးများဆိုင်ရာ ကုလသမဂ္ဂကွန်ဗင်းရှင်း အထိမ်းအမှတ် ကမ္ဘာ့ကလေးများနေ့ အခမ်းအနားသို့ ကချင်ပြည်နယ် MWCDF အသင်း ဥက္ကဌနှင့် အဖွဲ့ဝင်များတက်ရောက်၍ ကလေးများအား မုန့်နှင့်ပဲနို့ရေဘူးများ ပေးဝေခဲ့ပါသည်။

(၁၆.၁၁.၂၀၂၂ မှ ၁၇.၁၁.၂၀၂၂)ရက်နေ့အထိ မကွေးတိုင်း၊ မကွေးမြို့၊ တို်ငးလူမှုဝန်ထမ်းရုံး၌ ကျင်းပ ပြုလုပ်သော အမျိုးသမီးများအပေါ် အကြမ်းဖက်မှုပပျောက်ရေး (၁၆)ရက်တာအကြို လှုပ်ရှားမှု အထိမ်းအမှတ် Gender Based Violence (GBV) (၂)ရက်တာ အသိပညာပေးသင်တန်းသို့ မကွေးတိုင်း MWCDF အသင်းမှ အဖွဲ့ဝင်(၂)ဦး တက်ရောက်ခဲ့ပါသည်။

(၁၁.၁၁.၂၀၂၂)နေ့တွင် ကချင်ပြည်နယ်၊ မြစ်ကြီးနားမြို့၊ လူမှုဝန်ထမ်းဦးစီးရုံးခန်းမ၌ ကျင်းပပြုလုပ်သော ပြည်နယ်ကလေးသူငယ်အခွင့်အရေးများဆိုင်ရာ ကော်မတီစည်းအဝေးသို့ ကချင်ပြည်နယ် MWCDF အသင်း ဥက္ကဌ တက်ရောက်ဆွေးနွေးခဲ့ပါသည်။

(၁၄.၁၀.၂၀၂၂)နေ့တွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ လူမှုဝန်ထမ်းဦးစီးဌာန အိမ်တွင်းမှုသက်မွေးလုပ်ငန်းပညာသင်ကျောင်းမှ ရန်ကုန်မြို့၌ ကျင်းပပြုလုပ်သော အိမ်တွင်းမှုလုပ်ငန်း သင်တန်းအပတ်စဉ်(၄/၂၀၂၂)သင်တန်းဆင်းပွဲ အခမ်းအနားသို့ ရန်ကုန်တိုင်း MWCDF အသင်းဥက္ကဌ တက်ရောက်ခဲ့ပါသည်။  

(၁၃.၁၀.၂၀၂၂)နေ့တွင် ပဲခူးမြို့၊ မြို့တော်ခန်းမ၌ ကျင်းပပြုလုပ်သော ၂၀၂၂ ခုနှစ်၊ အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံးနိုင်ခြေ လျှော့ချရေးနေ့ အထိမ်းအမှတ်အခမ်းအနားသို့ ပဲခူးတိုင်း MWCDF အသင်း ဥက္ကဌနှင့်အဖွဲ့ဝင်များ တက်ရောက်ခဲ့ပါသည်။

(၁၃.၁၀.၂၀၂၂)နေ့တွင် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာနမှ ကျင်းပပြုလုပ်သော ၂၀၂၂ ခုနှစ်၊ အပြည်ပြည်ဆိုင်ရာ သဘာဝဘေးအန္တရာယ် ထိခိုက်ဆုံးရှုံးနိုင်ခြေ လျှော့ချရေးနေ့ အထိမ်းအမှတ်အခမ်းအနားသို့ MWCDF အသင်းမှ ခေတ္တဥက္ကဌနှင့် အတွင်းရေးမှူးတို့ တက်ရောက်ခဲ့ပါသည်။