လုပ်ငန်းညှိနှိုင်းအစည်းအဝေးများ

၁၀.၁.၂၀၂၅ ရက်နေ့တွင် ပဲခူးတိုင်းဒေသကြီးအစိုးရအဖွဲ့ရုံး၊ တော်ဝင်ဟံသာအစည်းအဝေးခန်းမတွင် ကျင်းပသည့် ရှေးဦးအရွယ်ကလေးသူငယ် ပြုစုပျိုးထောင်ရေးနှင့်ဖွံ့ဖြိုးတိုးတက်ရေးဆိုင်ရာလုပ်ငန်း ကြီးကြပ်မှုကော်မတီအစည်းအဝေးနှင့် အမျိုးသမီးကော်မတီအစည်းအဝေးကို ပဲခူးတိုင်း အမျိုးသမီးများနှင့် ကလေးသူငယ်များဘဝမြှင့်တင်ရေးအသင်းမှ ဥက္ကဋ္ဌ တက်ရောက်ခဲ့ပါသည်။

၆.၁.၂၀၂၅ ရက်နေ့တွင် မြန်မာနိုင်ငံလုံးဆိုင်ရာ အမျိုးသမီးကော်မတီ (၁/၂၀၂၅) အစည်းအဝေးကို နေပြည်တော်ရှိ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ စုပေါင်းအစည်းအဝေးခန်းမ၌ ကျင်းပခဲ့ရာမြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ ဗဟိုအလုပ်အမှုဆောင် ဒေါက်တာနန္ဒာမွှန်း တက်ရောက်၍ ဆွေးနွေးခဲ့ပါသည်။

၄.၁.၂၀၂၅ ရက်နေ့တွင် ပုသိမ်မြို့​ကျောက်တိုင်အားကစားကွင်းတွင် ကျင်းပပြုလုပ်သည့် (၇၇)နှစ်​​မြောက်လွတ်လပ်​ရေး​နေ့ သဝဏ်လွှာဖတ်ပွဲအခမ်းအနားသို့ ဧရာဝတီတိုင်းဒေသကြီး အမျိုးသမီးများနှင့် ကလေးသူငယ်များ ဘဝမြှင့်တင်ရေးအသင်းမှ ဘဏ္ဍာရေးမှုးနှင့် အဖွဲ့ဝင်(၃)ဦး တက်ရောက်ခဲ့ပါသည်။

၄.၁.၂၀၂၅ ရက်နေ့ ၇:၀၀ နာရီချိန်တွင် ရန်ကုန်မြို့ ပြည်သူ့ရင်ပြင်တွင် ကျင်းပပြုလုပ်သော (၇၇) နှစ်မြောက် လွတ်လပ်ရေးနေ့ သဝဏ်လွှာဖတ်ပွဲ အခမ်းအနားသို့ ရန်ကုန်တိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေးအသင်းမှ အမှုဆောင်နှစ်ဦး တက်ရောက်ခဲ့ပါသည်။