လုပ်ငန်းညှိနှိုင်းအစည်းအဝေးများ

(၈.၁.၂၀၂၄)ရက်နေ့တွင် မြန်မာနိုင်ငံ အမျိုးသမီးများနှင့်ကလေးသူငယ်များ ဘဝမြှင့်တင်ရေး (MWCDF)အသင်း၏ (၅၁)ကြိမ်မြောက် ဗဟိုအလုပ်အမှုဆောင် အစည်းအဝေးကို အသင်းရုံးအစည်းအဝေးခန်းမ၌ကျင်းပပြုလုပ်ခဲ့ရာ အသင်းဥက္ကဌမှ အမှာစကားပြောကြားပြီး မိမိတို့ကဏ္ဍအလိုက် လုပ်ဆောင်ခဲ့သည်များနှင့် ရှေ့ဆက်လုပ်ဆောင်ရန်အချက်များကို ဆွေးနွေးခဲ့ကြပါသည်။

(၄.၁.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး(MWCDF) အသင်းမှ ဥက္ကဌနှင့် အသင်းဝင်များသည် လွတ်လပ်ရေးနေ့အထိမ်းအမှတ်အဖြစ် ဥဿာမြို့သစ်၊ ရပ်ကွက်ကြီး (၇)ရပ်ကွက်နှင့် BBS ကိုယ်ပိုင်ပညာရေးကျောင်းတို့တွင် အားကစားပြိုင်ပွဲ ကျင်းပပြုလုပ်ခဲ့ရာ ပြိုင်ပွဲဝင်ကလေးများနှင့် ကြည့်ရှုအားပေးသူကလေးများအား ရေခဲမုန့်၊ ငှက်ပျောသီးနှင့် ကိတ်မုန့်များကျွေးမွေးခဲ့ပြီး ဆုရရှိသူများအား ဆုများချီးမြှင့်ပေးအပ်ခဲ့ပါသည်။

(၃.၁.၂၀၂၄)ရက်နေ့တွင် ပဲခူးတိုင်း အမျိုးသမီးများနှင့်ကလေးသူငယ်များ ဘဝမြှင့်တင်ရေး(MWCDF) အသင်းမှ ဥက္ကဌနှင့် အသင်းဝင်များသည် ပဲခူးမြို့၊ မြို့တော်ခန်းမ၌ကျင်းပပြုလုပ်သည့် ၂၀၂၃-၂၀၂၄ ပညာသင်နှစ်၊ ပညာရေးစုံညီပွဲတော်အခမ်းအနားသို့ တက်ရောက်အားပေးခဲ့ပါသည်။

(၂၀.၁၂.၂၀၂၃)ရက်နေ့တွင် ရန်ကုန်တိုင်းဒေသကြီး၊ လူမှုဝန်ထမ်းဦးစီးဌာနမှ ကျင်းပပြုလုပ်သော မြန်မာစံလက်သင်္ကေတပြ ဘာသာစကားအသိပညာပေးသင်တန်းကို ရန်ကုန်တိုင်း MWCDF မှ အမှုဆောင် (၂)ဦးတက်ရောက်ခဲ့ပါသည်။

(၂၁.၁၂.၂၀၂၃)ရက်နေ့တွင် ပဲခူးတိုင်း MWCDF အသင်းမှ ဥက္ကဌနှင့် အဖွဲ့ဝင်များသည် ပဲခူးတိုင်းဒေသကြီး၊ ဘေးအန္တရာယ်ဆိုင်ရာ စီမံခန့်ခွဲမှုဝန်ကြီးဌာနမှ ကျင်းပပြုလုပ်သော တိုင်းဒေသကြီးအဆင့် သဘာဝဘေးအန္တရာယ်ဆိုင်ရာ စီမံခန့်ခွဲမှုအခြေခံသင်တန်း (B D M C)အမှတ်စဉ် (၂/၂၀၂၃)ဖွင့်ပွဲ အခမ်းအနားသို့ တက်ရောက်ခဲ့ပါသည်။